بِسْمِ اللهِ الرَّحْمنِ الرَّحِيمِ

Зулмдан туйган узбек муслима қизи

Толиб кетдим бу дунёнинг ғавғоларидан,

Сув  ўрнида  кўз  ёш  оққан  дарёларидан,

Нохақларнинг менга қилган даъволаридан,

Ёмонлардан қутқар мени, Эй Буюк Роббим!!!

Ўзбекистонлик мактаб ўқувчиси бўлган синглимизнинг қалб тўридан отилиб чиққан юқоридаги мисраларни қалбида заррача бўлса ҳам ғаюрлиги, дин ва уммат ғами бўлган мусулмонни бефарқ қолдирмайди деган умиддамиз. Кичик ёшидан бошлаб Ислом дини асосида тарбия топган бу муслима синглимиз ўзининг иймонини, шаънини химоя қилиб бир ўзи курашди. Мактабдаги бошқа қизлардан фарқли ўлароқ мактаб маъмуриятидан, махалла масъулларидан кўрган тазйиқлари, эшитган маломатлари уни бу қатъий танлаб олган йўлидан қайтара олмади.  

Хатто баъзи бир эркакларда топилиши даргумон бўлган қатъийлик, ирода кучи, ёшлигидан сингдирилган, Аллоҳга, Росулига, Қуръонга муҳаббат туйғулари унга шундай буюк куч бағишлади. Аллоҳга таваккул қилсанг ўзи сенга хар қандай муаммоли вазиятдан чиқиш йўлини кўрсатади, деган сабоқ унга қийин вазиятларда далда бўлди. Хар бир кунида, хар бир қадам ташлашида, хар бир амалида Аллоҳнинг қўлловини хис қилди. Рўмоли туфайли уни хўрладилар, хақорат қилдилар, қайта-қайта мактаб остонасидан қувиб юбордилар, синфдошлари орасида изза қилдилар, "Сени деб ота-онангга қийин бўлади, уларни қамаб қўйишади", деб қўрқитдилар. Лекин куфр югурдакларининг қўллаган бундай хийлаю, жирканч услублари, иймони гўзал бўлган бу синглимизнинг иродасини бука олмади. Аксинча иймонини янада зиёда килди.

У РЎМОЛИНИ ЕЧМАДИ!!! АЛЛОХУ АКБАР!!!

Робия

11.03.2014й.