МАҲРАМ АЁЛЛАР
بِسْمِ اللهِ الرَّحْمٰنِ الرَّحِيم
МАҲРАМ АЁЛЛАР
Исломда ижтимоий алоқалар туркумидан
Рукнимизнинг ўтган сонларида жамиятдаги долзарб ижтимоий масалалардан бири бўлган никоҳ мавзусига батафсил тўхтаган эдик. Бугун ҳам ушбу никоҳ бобига оид бўлган масалалардан бири, никоҳи ҳаром қилинган аёллар (маҳрам аёллар) хусусидаги фикрлар билан давом эттирамиз.
Маҳрам (никоҳи ҳаром қилинган) аёлларга уйланишнинг ҳаромлиги Қуръон ва Суннатда очиқ-ойдин айтиб ўтилган.. Бу ҳукмга Қуръон ва Суннат асос бўлиб, унинг далиллари қуйидагилардир.
“”Аллоҳ Таоло шундай дейди:
وَلاَ تَنكِحُوا مَا نَكَحَ آبَاؤُكُمْ مِنْ النِّسَاءِ إِلاَ مَا قَدْ سَلَفَ إِنَّهُ كَانَ فَاحِشَةً وَمَقْتًا وَسَاءَ سَبِيلاً
– “Оталарингиз уйланган хотинларини никоҳингизга олманг! Магар илгари ўтган бўлса (бу ҳукм нозил бўлишидан илгари уйланган бўлсангиз, Аллоҳ афв этар). Албатта, бу хунук ва жирканч бўлган ёмон қилиқдир”. (Нисо:22)
Яна айтади:
حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالاَتُكُمْ وَبَنَاتُ الأَخِ وَبَنَاتُ الأُخْتِ وَأُمَّهَاتُكُمُ اللاَتِي أَرْضَعْنَكُمْ وَأَخَوَاتُكُمْ مِنَ الرَّضَاعَةِ وَأُمَّهَاتُ نِسَائِكُمْ وَرَبَائِبُكُمُ اللاَّتِي فِي حُجُورِكُمْ مِنْ نِسَائِكُمُ اللاَّتِي دَخَلْتُمْ بِهِنَّ فَإِنْ لَمْ تَكُونُوا دَخَلْتُمْ بِهِنَّ فَلاَ جُنَاحَ عَلَيْكُمْ وَحَلاَئِلُ أَبْنَائِكُمُ الَّذِينَ مِنْ أَصْلاَبِكُمْ وَأَنْ تَجْمَعُوا بَيْنَ الأُخْتَيْنِ إِلاَّ مَا قَدْ سَلَفَ إِنَّ اللَّهَ كَانَ غَفُورًا رَحِيمًا وَالْمُحْصَنَاتُ مِنَ النِّسَاءِ إِلاَّ مَا مَلَكَتْ أَيْمَانُكُمْ كِتَابَ اللَّهِ عَلَيْكُمْ وَأُحِلَّ لَكُمْ مَا وَرَاءَ ذَلِكُمْ
– “Сизлар учун оналарингиз, қизларингиз, опа-сингилларингиз, аммаларингиз, холаларингиз, ака-укаларингизнинг қизлари, опа-сингилларингизнинг қизлари, эмизган оналарингиз, эмишган опа-сингилларингиз, қайноналарингиз, жинсий алоқада бўлган хотинларингизнинг тарбиянгизда бўлган қизлари (мана шу санаб ўтилган аёлларга уйланиш ҳаром қилинди). Агар хотинларингиз билан жинсий алоқада бўлмаган бўлсангиз (уларни талоқ қилгандан кейин аввалги эрларидан туғилган қизларига уйлансангиз), сизлар учун гуноҳ йўқдир. Яна ўз пушти камарингиздан бўлган ўғилларингизнинг хотинларига (уйланишингиз) ҳамда опа-сингилни жамлашларингиз (яъни бирини талоқ қилмай туриб бошқасига уйланишларингиз) ҳаром қилинди. Магар илгари ўтган бўлса (Аллоҳ афв этар). Албатта, Аллоҳ мағфиратли ва меҳрибон бўлган зотдир. Яна эрлик аёллар (ҳам ҳаром қилинди). Магар (уруш-жангларда) эга бўлган чўриларингиз ҳалолдир. (Бу ҳукмларни) Аллоҳ зиммангизга фарз қилиб қўйди. Мана шулардан бошқа аёллар сизлар учун ҳалол қилинди”. (Нисо:23-24)
Абу Ҳурайра р.а. Расулуллоҳ с.а.в.дан ривоят қилади:
«لا يجمع الرجل بين المرأة وعمتها, ولا بينها وبين خالتها»
«Аёл ўз аммаси билан бир эркакнинг никоҳида жамланмайди ва аёл ўз холаси билан бир эркакнинг никоҳида жамланмайди» (муттафақун алайҳ).
Имом Муслим Оиша р.а.дан ривоят қиладики, Расулуллоҳ с.а.в.:
«إن الرضاعة تحرم ما تحرم الولادة»
«Эмикдошлик ҳам бир туғишганлик ҳаром қилган нарсаларни ҳаром қилади», дедилар.
Шунга кўра, оналарга уйланиш мутлақ ҳаром қилинган. Оналар деганда бола туғилиши жиҳатдан уларга мансуб бўлган аёллар тушунилади. Бу оналар қуйидагилар: а) ҳақиқий маънода она номи билан аталадиган, сизни туққан аёл; б) кўчма маънода она номи билан аталадиган аёллар, яъни сизни туққан онангизнинг онаси ва ундан юқоридагилар. Онангиз ва отангизнинг онаси бўлган бувиларингиз, ота ёки онангизнинг бувилари, буви ва боболарингизнинг бувилари шулар жумласига киради. Бу аёллар меросхўрларми ёки йўқми, барчалари – насабда қанча юқори бўлмасинлар – маҳрам аёллар ҳисобланадилар.
(Давоми бор)
Ҳизб ут-Таҳрирнинг Ўзбекистондаги медиа офиси. Муслим
30.04.2019й.
