“Зиндон хотиралари” туркумидан

Маҳрини тўлолмадим  

بسم الله الرحمن الرحيم

Уч кунлик учрашувга кирган биродар бир кундаёқ чиқиб келди. Зонадаги биродарлар сабабини сўраганларида мужмал жавоб қилди. У барчамиз ҳавас қилган, фикрлари теран, табиати юмшоқ оқил йигитлардан эди. Ҳатто яхшиларимиздан бири ҳавас қилиб қизини бериб, куёв ҳам қилиб олганди. Нима бўлди-ю, зулм тегирмонидан омон чиқмади. Иккиланди. Кўп ёлғиз юрди. Ва қарор қилди. Қайтди. Ўшандан бери биринчи бор учрашувга кирганди. Бир кундаёқ чиққани мени қизиқтирди.

– Ошна, биламан, сен осийликдан хазар қиласан, танловинг ожизлик бўлди. Аммо ўзингни четда олиб юраверсанг, шайтон осийликни ҳам чиройли қилиб кўрсатиб қўйиши мумкин. Қани гапир, учрашувдан нега ғалати чиқдинг, келин келмабдими?

– Келинингиз келгани учун учрашув қисқа бўлди. Қайтганимни қайнотамдан эшитиб, ўзи келган экан. Мендан қайтганимнинг сабабини билгач талоғини сўради.

– Бердингми?

–Ўйлаб кўраман, деб вақт сўрадим. Келинингиз кутилмаганда маҳрини талаб қилиб қолгани бошимни қотирди.

– Ўзинг қамоқда бўлсанг, маҳрини қандай берасан?

– У талаб қилган маҳр – шу ерда бериладиган “мато” эди. Саботда туришлигим УНИНГ МАҲРИ ЭДИ!

– Субҳаналлоҳ, Маша Аллоҳ, шоҳлар ғазнасида топилмас бебаҳо мато экан. Ва билгинки укам, бундай маҳрни сўровчи ҳам дунё солиҳалари ичида энг ноёбидир. Сен дунё кишилари ичида энг улкан талофат кўрганлардансан. Чунки Аллоҳ Таоло сен учун танлаган покиза ва ноёб жуфтдан айрилиш арафасидасан, кўзингни оч укам! – деб, қўлимдан келганича унга насиҳат қилдим.

Шу воқеадан беш йил ўтиб, ўша укамизнинг хабарини эшитиб жуда мамнун бўлдим. Чунки ўша солиҳа синглимизнинг маҳрини зиёдаси билан тўлаб, ўғил фарзандли бўлибди…

وَلَنَجْزِيَنَّ الَّذِينَ صَبَرُوا أَجْرَهُم بِأَحْسَنِ مَا كَانُوا يَعْمَلُونَ

– “Биз албатта сабр-қаноат этган зотларни ўзлари қилиб ўтган амалларидан чиройлироқ ажр-савоблар билан мукофотлаймиз”.                                      (Наҳл:96)

(21 йилдан сўнг озодликка чиққач, куёвлар қайнотадан машина совға қилишини талаб қилаётганини эшитгач, эслаганим – ўша хотиралардан)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

10.04.2022й