بِسْمِ اللهِ الرَّحْمنِ الرَّحِيمِ

Матбуот баёноти

Марокаш: Ҳасима курашувчилар учун сабоқдир

Марокашда, аниқроғи Ҳасима ва унга қўшни шаҳарларда, етти ойдан зиёд вақтдан бери аҳолининг норозилик намойишлари эътиборни тортадиган даражада кучаймоқда. Лекин шу кунларда, Носир Зафзафий баёноти ортидан намойишлар курашчанлиги ортиб оммавий тус олди. Зафзафий бир имом-хатибнинг ҳаракатларни фитна чиқараётганликда айблашига раддия сифатида баёнот берганди.

Марокаш режими бошқа араб режимларига ўхшаб агрессивликни ва репрессияни оширишни ечим сифатида кўрмоқда. Шунинг учун ҳаракатлар етакчиларини, шу жумладан, Носир Зафзафийни ҳибсга олишга шошилди ва бу билан норозилик намойишини баттар авж олдирди. Бироқ намойиш ташкилотчилари ва қатнашчиларининг тарафкашлик ва сепаратистликни рад этганлари боис, ҳаракатлар донолик билан олиб борилмоқда. Бу ҳаракатлар юрт ичкариси ва ташқарисидаги оддий инсонларда яхши ибрат уйғотди, ички-табиий қўлаб-қувватловни пайдо қилди. Масалан, кўплаб Европа давлатларида уни қўлловчи юришлар бўлиб ўтди ҳамда 2017 йил 11 июнда Работда катта намойиш уюштирилди. Бу намойишларда «махзанга қарши» (Марокаш режимига қарши), деган шиорлар кўтариб чиқилди.

Муҳсин Фикрийнинг ўлими бир чақмоқ вазифасини ўтади, холос. Шу чақмоқдан Рифда яшириниб ётган курашчанлик руҳи аланга олди… Ушбу курашчанлик руҳи давлатда ҳукмрон бўлиб турган партия, уюшма ва мажмуаларнинг барчасидан узоқ равишда қадам ташлади… Кейин Марокашнинг бир неча катта шаҳарларида ҳам, одамлар бу курашчанлик руҳига эргашиб, кўчага чиқишди. Улар зулм, репрессия, таҳқирлашларга қарши қалбларидаги тўпланиб ётган нафрат туйғуларини ифода қила бошладилар.

Мисол учун, юртдаги таълим масаласи шу даражада пастлаб кетгандики, ҳатто бирор мўъжиза рўй бермаса, уни ислоҳ қилиб бўлмайди, дегувчилар бўлди. Соғлиқни сақлаш соҳасидаги аҳвол ҳар кунлик азоб-уқубатларга айланди, ишсизлик борган сари кучайиб, сон-саноқсиз муаммолар келтириб чиқарди. Буни «L'Economiste» газетаси юртнинг барча иқтисодий соҳаларидаги вазият ғоят ачинарли эканига оид чиқарган ҳисобот-рақамлари ҳам тасдиқлаб турибди.

Ушбу халқ ҳаракатлари яқинда ўтказилган қонунчилик сайловларида иштирок этишдан бош тортган инсонлар сони жуда кўпчиликни ташкил қилгани сабабини ҳам изоҳламоқда. Чунки демократик ўйинлар энди одамларга ўтмай қолди. Шунингдек, бу ҳаракатларни 2011 йил февралда аланга олган қўзғолоннинг татилдан кейинги қайта алангаланиши, дейиш ҳам мумкин. Ўшанда айрим сиёсий доиралар билан сохта ислоҳотлар ва нохолис битимлар имзолаш билан бу аланга ўчирилган бўлсада, бироқ, қалбларда яшириниб турган эди.

Шубҳасиз, Марокаш кўчаларидаги ҳаракатлар араб давлатлари ичида доим энг шиддатли тўлқинга ва энг кучли шамолга эга бўлиб келди, Уммат масаласига ёрдамчи бўлди, бу масалага қилинган адоватга қарши рад жавоби билдириб келди. Масалан, Ироққа салибчилик уруши қилинганда ва яҳудийлар давлати Фаластиндаги диндошларимизга ҳужум қилганда Марокаш кўчаларидаги ҳаракатларнинг шиддатли бўлганини ҳамма яхши эслайди.

Бугун эса, зулм ва репрессияга қарши отилиб чиққан бу ҳаракатлардан талаб қилинаётган нарса шуки, улар улуғ Ислом аҳкомларига боғланиб, бўлинишга бўлган чақириқлар ва шубҳали томонларга қулоқ солмасин. Тинч ҳаракат ҳолатидан четга чиқиб кетмасин ҳамда ҳукмдорлар ва уларнинг ортидаги Ғарб халқдан тортиб олган нарсани, яъни исломий бошқарувни қайтариб олсин. Зеро, исломий боқарув фақат ва фақат Ислом аҳкомларига асосланган Пайғамбарлик минҳожи асосидаги рошид Халифалик давлатида амалга ошади.

وَالَّذِينَ إِذَا أَصَابَهُمُ الْبَغْيُ هُمْ يَنتَصِرُونَ

«Улар ўзларига зулм етганда, (унга қарши курашиб) нусрат қучган зотлардир»      [Шўро 39]

Устоз Ризо Билҳож

Ҳизб ут-Таҳрирнинг

марказий матбуот бўлими аъзоси

телефон: 00961 1 30 75 94

уяли телефон: 00961 71 72 40 43

электрон почта: media@hizb-ut-tahrir.info

+1

-1