Мирзиёев амнистияси: Авф этасизми жаноб? Балки узр сўрарсиз?!

بِسْمِ اللهِ الرَّحْمٰنِ الرَّحِيم

Хабар: Президент Шавкат Мирзиёев Мустақиллик куни муносабати билан 215 маҳкумни афв этиш тўғрисидаги фармонни имзолади. Афв этилганлар орасида хориж давлатларининг 69 фуқароси ва тақиқланган ташкилотларга аъзоликда айбланган 15 киши бор.

Фармонга асосан 3 киши асосий жазо муддатини ўташдан бутунлай озод этилади. 127 киши жазони муддатидан олдин якунлайди, 12 кишининг жазоси енгилроғига ўзгартирилади, 73 маҳкумнинг жазо муддати қисқартиралади. Афв этилганларнинг 14 нафари аёл, 12 нафари 60 ёшдан ошганлар. (Озодлик, 29.08.2021й)

Изоҳ: Маълумки, Ўзбекистон қамоқхоналарида узоқ йиллардан бери диний айбловлар билан минглаган мусулмонлар, хусусан Ҳизб ут-Таҳрирга аъзо бўлганлар ҳам сақлаб келинмоқда. Дин ғамидаги фаолияти учун қамалган бошқа муслим ва муслималар охирги икки йил ичида муддати тугаб оиласига қайтдилар. Ўзбекистонни бугунги президенти Шавкат Мирзиёевнинг таъбири билан айтганда, йигирма йиллик ахлат тузум раҳбари бўлган Каримов тарафидан қамоққа олинган Ҳизб йигитларига зоналарда жазо муддатлари қўшиб берилишлар, 20 йилдан кейин озодликка чиқиб бугунги “ахлат бўлмаган” тузум томонидан яна қайта узоқ муддатларга Ҳизб йигитларини қамалиши ўша ахлат тузумнинг ҳануз устимизда эканлигини исботламоқда. Зонадаги энг даҳшатли қийноқлар тегирмонидан тирик чиққан азизлар орасида аллақачон 70 ёшдан ўтиб кетган азизлар бор бўлиб, ўз фикрларида собит бўлгани учунгина тиконли симлар ортида қолмоқдалар. У азизлар аслида бугуннинг золимлари томонидан ҳамон турли кўринишдаги тазйиқларга дучор бўлмоқдалар. Ҳатто оилалари назорат остида таъқиб қилинмоқда.

Агар холисона ўйлаб кўрилса, уларнинг ғоялари нафақат бир парчагина Ўзбекистонда, балки ер юзини оқу қорасига эзгуликни тилаганлари холос эканига гувоҳ бўлардилар. Узоқ ўн тўрт аср давомида бир вужудга жамланиб, олам гули бўлган тузумни ҳаётга қайтариш илинжида эканлигига гувоҳ бўлардилар.

Шу кунгача уларга нисбатан қандай жирканч номларни тузум томонидан тиркамадилар дейсиз. Ватан хоинлари, дедилар, аслида ўзлари унга хиёнат қилдилар. Ватанфуруш, дедилар, аммо ўзлари уни Америка, Россия сингари ҳожаларига тортиқ қилдилар. Ёшларимизни фикрларини захарлади, дедилару, ёшларни фикрсиз гумроҳ қуллардек четга қул қилиб сотдилар.

Эй, Ўзбекистондаги мусулмонлар! Ҳукумат айтгандай бу азизларни мақсади бир парча юртда ҳокимият талашиш бўлганида унга аллақачон эгалик қилган бўлардилар. У азизлар ўн тўрт асрлик азизликни умматга қайтариш учунгина яшадилар ва шу ғояларида собитлар. У азизларни аввалги Каримов тузуми қанчаларини қатл қилган бўлса, бугунгиси ҳануз ушлаб туришда давом этмоқда. Балки кимларингиздир “авф эълон қилиб турибдику, кечирим сўраб оиласига қайтсалар бўлмайдими?” дерсиз. Аввало, бу авф қилишлар арзон обрў орттириш учун холос, адолатни қарор топтириш учун эмас. Бундан ташқари, авф айбдорлар учундир. Борлиқни йўқдан яратган Аллоҳнинг Сўзини Олий қилиш учун фаолият олиб борганлар учун эмас. Агар бирор адолатли сўз айтишга қодир миллат вакили бор бўлса, унга айтар сўзимиз шудир: У азизларни авф этиш эмас, балки улардан авф сўрамоқ лозимдир. Зора, чорак аср қонли режимда ҳануз тирик яшаб келаётган ғариблар уларни кечирсалар!

فَهَلْ يَنتَظِرُونَ إِلاَّ مِثْلَ أَيَّامِ الَّذِينَ خَلَوْاْ مِن قَبْلِهِمْ قُلْ فَانتَظِرُواْ إِنِّي مَعَكُم مِّنَ الْمُنتَظِرِينَ

– “Ўзларидан олдин ўтганларнинг кунларига ўхшаш кунларни кутмоқдаларми? “Бас, кутиб туринглар. Албатта, мен ҳам сизлар билан бирга кутувчиларданман”, деб айт”.       (Юнус:102)

Ҳизб ут-Таҳрирнинг Ўзбекистондаги матбуот бўлими аъзоси Зайниддин

31.08.2021й