Хабар ва изоҳ

Мирзиёевнинг Туркияда туриб Фаластин ҳақида берган баёноти

بسم الله الرحمن الرحيم

Хабар: 5 июнда Ўзбекистон Республикаси Президенти Шавкат Мирзиёев рафиқаси билан бирга Туркияга расмий ташриф билан келди. Ўзбекистон ва Туркия президентлари Анқарадаги музокаралар якунида ОАВ учун баёнот билан чиқди. Унда Шавкат Мирзиёев Ғазода кечаётган фожиаларга алоҳида тўхталди. (president.uz 06.06.2024й)

Изоҳ: Мирзиёев ўз баёнотида Ғазо секторида 8 ойдан бери қонли уруш давом этаётгани, натижада 40 мингга яқин аҳоли, хусусан аёллар ва болалар ҳалок бўлаётганини чуқур изтироб билан қайд этиб, аҳли оиласини, яқинларини йўқотганларга ҳамдардлик билдирди. Ўзбекистон президенти Ғарб давлатларининг фожиага бўлган муносабати Ўзбекистон ва Туркияни қаттиқ хавотирга солаётгани, амалда иккиёқлама стандартлар кузатилаётганини таъкидлаб, жумладан, шундай деди: “Демократия ва инсон ҳуқуқларини кенг тарғиб қилган ва уларнинг ҳимоясида турган етакчи, ривожланган давлатлар бу қотилликларга, бу ваҳшийликларга кўз юммоқда. Албатта, зўравонликни тўлиқ тўхтатиш ва тинчлик жараёнини бошлаш керак. Ғазо фожиаси ҳанузгача ҳал қилинмаган (Исроил) – Фаластин зиддиятининг аянчли оқибатларидир. Барқарор ва узоқ муддатли тинчликка эришиш учун, албатта, мустақил ва озод Фаластин давлати ташкил этилиши шарт. Аслида Фаластин муаммоси бутун Яқин Шарқ муаммосидир”.

Мирзиёевнинг Туркияда туриб Фаластиндаги қирғинлар ҳақида берган баёнотида Ғарб давлатларини танқид остига олгани янгилик бўлди. Орадан мана 8 ой ўтибгина бу қирғин ҳақида очиқчасига оғиз очди. Бироқ бу гаплар кўпроқ популист Эрдўғоннинг Ғарб ва сионист яҳудий вужудини қуруқ танқид қилиб очко олишга бўлган уринишларига ўхшаб кетди. Аммо Фаластин ва ал-Ақсони лаънати яҳуд вужуди босқинидан озод қилишда, у ердаги мусулмонларга ёрдам беришда бу гапларнинг қанчалик қиймати бор?! Бутун Ер юзини ларзага солаётган Ғазо аҳлининг дод-фарёдларига ўзини мусулмонлар раҳбарлари деяётган бу кимсаларнинг жавоби шуми?! Агар Мирзиёев юқоридаги танқидий гапларини ҳақиқатдан ҳам ўзбек ҳукуматини фаластинлик мусулмонларнинг аҳволи чуқур изтироб ва қаттиқ хавотирга солаётгани сабабли гапирган бўлса, унда яна бир қатор саволлар туғилади. Жумладан, Ғарб давлатлари демократия ва инсон ҳуқуқлари деган даъвосида иккиюзламачилик қилаётган бўлса, у ҳолда нега юртимизга уларнинг расмийлари келиб, демократия ҳақида сафсата сотишларига ўзбек ҳукумати минбар яратиб, уларнинг гендер тенглиги каби бузғунчи талабларига “лаббай” деб жавоб беряпти?! Ёки ҳукумат нега ҳалигача бу жирканч босқинчи яҳуд режими билан ҳар томонлама алоқаларни давом эттиряпти?! Бир тарафдан Ғазодаги мусулмонларнинг оммавий қирғин қилинаётганидан чуқур изтироб чекиб, бошқа тарафдан эса уни амалга ошираётган малъун яҳуд вужуди билан алоқаларни давом эттираётганини қандай тушуниш мумкин?!

Бундан ташқари, мусулмон халқимиз Фаластиндаги биродарларимиз оғриқларидан қаттиқ изтиробга тушиб, уларга ёрдам бериш учун қўлидан келган ишларни қилмоқчи бўлганларида ҳукумат нега тақиқ қўйди?! Уларни Фаластин масаласида ўз норозиликларини оммавий намойиш этишлари ва ҳатто муҳокама қилишларидан ман қилди. Масалан, яқинда Исроил элчихонасини ёқишга уринган бир талаба йигитни террорчиликда айблаб қамоққа ташлади. Қизиғи шуки, Ғазода мусулмонлар устига тонналаб бомба ёғдираётган, уларнинг уйлари ва шаҳарларини вайрон қилиб, таналарини парча-парча қилиб ташлаётган босқинчи яҳудлар террорист эмасу, шу йигит террорист бўлдими?! Шунингдек, муфтий бошлиқ имом-домлаларга ҳам Фаластин масаласида гапиришни, ҳатто улар ҳаққига дуо қилишни ҳам қатъиян тақиқлади. Буларнинг барчаси ва мазкур баёнот бир-бирига тескари бўлиб, энди бу иккиюзламачиликдан бошқа нарса эмас! Бундай баёнотлари ва телба-тескари ишлари билан жаноб Мирзиёев кимни алдамоқчи бўляпти?! Ёки буни Аллоҳга осийлик ва Унинг ғазабига мубтало бўлиш эканлигини билмайдими?!…

Бироқ кўпчилик мусулмонлар учун Исломий юртлар ҳукмдорлари, жумладан, иккиюзламачиликда тенгги йўқ Эрдўғоннинг ҳам ҳақиқий башараси очилиб бўлди. Энди мусулмонларни бундай қуруқ сафсаталар билан алдаб бўлмайди. Қолаверса, Туркия ҳам, Ўзбекистон ҳам Фаластин масаласида “икки халқ учун икки давлат” ечимини олға сураётганлигининг ўзи уларнинг Америка бошлиқ Ғарб давлатлари билан битта кемада эканлигини кўрсатади. Зеро, Фаластин масаласи, аввало ёлғиз фаластинликлар ёки фақат Яқин Шарқ муаммоси эмас, балки бутун Ислом уммати масаласидир! Ва унинг шаръий ечими битта, у ҳам бўлса – босқинчи яҳуд вужудини Муборак Фаластин заминидан бутунлай ҳайдаб чиқариш ва Ақсони озод этишдир! Ўзбек ва турк ҳукуматларига айтадиганимиз шуки, Американи рози қилиш ва унинг манфаатларини рўёбга чиқариш йўлида эмас, балки Ислом ва мусулмонлар ғолиблигига хизмат қиладиган яхшилик ва тақво ишларида ҳамкорлик қилинг! Мана шунда Аллоҳ таолонинг нусрат-ёрдамига ноил бўласизлар! 

وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ

– “Яхшилик ва тақво йўлида ҳамкорлик қилингиз, гуноҳ ва ҳаддан ошиш йўлида ҳамкорлик қилмангиз, Аллоҳдан қўрқингиз, шубҳасиз, Аллоҳнинг азоби қаттиқдир!”            (Моида:2)

Ҳизб ут-Таҳрир марказий медиа офиси радиоси учун Ислом Абу Халил – Ўзбекистон