Муаммоларимизга нуқсонсиз муолажа истасак…

بِسْمِ اللهِ الرَّحْمٰنِ الرَّحِيم

Биз ҳаётимиздаги кўплаб айбу нуқсонларни, адашиш ва хатоликларни, йўқотиш ва мағлубиятларни бошқалардан, деб билиб ўрганиб қолганмиз. Унинг ким бўлишининг қизиғи йўқ, у хоҳ биз учун қадрли инсон бўлсин, яқин ёки узоқ бўлсин фарқи йўқ. Нима бўлган тақдирда ҳам нохушликларда айблашимиз учун бундай инсонлар етарли.

Фикрлаб кўришимиз керак, биз айблардан ҳолимизми? Асло ундай эмас. Демак, ҳар бир инсоннинг айбу нуқсонлари бор. Бу айбу нуқсонларни баъзиларини шариатга итоат қилган ҳолда бартараф қилишга ҳаракат қилсак-да, баъзилари табиатимиз билан боғлиқ бўлиб, улар шариатда ҳам хато ҳисобланмайди. Тузата оладиганимиз нафсимиз билан боғлиқ бўлган бировнинг мулкига хасад қилиш, нафснинг истаги бўйича ҳаракат қилиш, кибр, нохолислик ёки адолатсизлик. Тузата олмайдиганларимиз ташқи кўринишимиз, касаллик ёки қазовий нарсалар ва шариат айб санамаган бошқа нарсалар. Лекин биз учун бундай нуқсонлар ҳам катта аҳамият касб этадигандек туюлади. Негаки, биз ўз нохушликларимизда албатта кимнидир айблашимиз керак.

Шунинг учун атрофимизга диққат билан эътибор берсак, муаммолар муолажа қилинаётганини эмас, аксинча қалашиб кетаётганини кўрамиз. Чунки ҳеч ким ўз нохушлигидан ёки аниқроқ айтганда, муаммосини муолажа қилиш учун ўзининг бажариши керак бўлган ишларини тушуниб олмаган. Асосий иш, кимнидир айблаш. Сиз бу хатолардан ўзингизнинг ҳиссангизни изланг, чунки ҳатто сиз ҳам айбу нуқсондан пок эмассиз. Агар ҳақиқатда муаммоларимиз муолажа бўлишини истасак, аввало, бу муаммонинг келиб чиқишидаги ўз улушимизни топайлик, шунда адолат қилган бўламиз ва бу муаммонинг ҳолатини тўғри англашимизга ҳам ёрдам беради. Бу ишдан сўнг кейинги босқичга ўтамиз.

Биламизки, биз инсонлар нуқсонлардан пок эмасмиз. Демак, муаммоларимизга қанчалик чуқур ёндашиб уни тўғри тушуниб олмайлик, барибир биз берадиган ечим нуқсонли инсониятнинг ечими бўлиб қолаверади. У хоҳ профессор, олим бўлсин ё катта сиёсатчи, ҳукумат бошқарувидаги шахс бўлсин, фарқи йўқ, барчамиз инсонмиз. Шунинг учун муаммоларга нуқсонсиз ечимлар берилишини истасак инсонлардан эмас, нуқсонсиз манбадан излашимиз керак.

Ҳаётимизда нуқсонсиз ечимлар мажмуи ҳам мавжуд. Бу бизнинг ҳаётимизни ёки яшаш тарзимизни тартибга солиш учун нуқсонларсиз бўлган Мукаммал Яратувчи томонидан берилган Ислом шариатидир. Исломда бугунги кунда муаммолар гирдобида қолган барча соҳаларнинг мукаммал ечимлари мавжуд. Агар биз Исломни тушуниб ўрганадиган бўлсак, унда бу муаммоларнинг гўзал ечимлари борлигига гувоҳ бўламиз. Ислом Буюк Яратувчи томонидан биз инсонларга ҳаётдаги барча муаммоларимизни муолажа қилиб, яшаш тарзимизни тартибга солишимиз учун Муҳаммад с.а.в га туширилган диндир.

Ҳизб ут-Таҳрирнинг Ўзбекистондаги медиа офиси. Абдуллоҳ

11.07.2020й