بِسْمِ اللَّـهِ الرَّحْمَـٰنِ الرَّحِيمِ

Муборак Ақсо масжидидан Шом аҳли учун айтилган сўзлар

Бизни инсонлар устидан адолат билан туриб, тўғри гувоҳлик берган ҳолда Ўзига ёрдамчи бўлишимизни буюрган Аллоҳга ҳамду сано бўлсин. «То абад етакчимиз» бўлган Росулуллоҳга, аҳли-байтларига, асҳобларига ва ул зотга дўст бўлганларга салоту саломлар ёғилсин, аммо баъд:

Эй Шом аҳли, сизга Аллоҳнинг Ўзи етарли… Эй Ҳалаб аҳли, сизга Аллоҳнинг Ўзи етарли… Эй Ислом диёри марказидаги сабр-тоқатли мужоҳидлар, сизга Аллоҳнинг Ўзи етарли… Чунки Аллоҳ сизнинг ҳам, бизнинг ҳам дўстимиздир, У нақадар яхши дўст, на қадар нусрат берувчидир.

Эй Шом аҳли, эй ҳабиблар, эй қўлларида чўғ тутган кишилар, яқинларингиз сизни ёрдамсиз қолдиришди, узоқларингиз сизга қарши тил бириктиришди… фарёдингиз ва мажруҳларингиз ноласи еру кўкни тутди… Сизларнинг қилган фарёдингиз ёрдамсиз, жавобсиз қолди… Исломий қўшинлардан нусрат сўрадингиз, улар қодир бўла туриб, нусрат беришмади, ҳатто баъзилари устингиздан тил бириктириб, ёлғиз ўзингизни янги қуролларгаю қирғинбарот учоқларга қўйиб беришди… Сиздан олдинги заифҳол биродарларингизни ҳам худди шундай қилишганди. Зеро, халифалигимиз қулатилгандан буён Умматимиз шу аҳволда… Авваллари Уммат қўшинлари зарбаси билан душман қалбига қутқу солиб қўяр эди… Битта муслима нола қилса, унга ёрдам бериш учун бутун мўмин лашкарлар саф тортар эди… Битта мусулмон ҳаққи тортиб олинса, кофирлар ер тишлатиларди… Мана, бугун Росулуллоҳнинг Исро маскани ўнлаб йиллардан бери ёрдамга чақирмоқдаю битта ҳам ёрдамчи топилмаяпти… Мана, Ҳизб ут-Таҳрир ўнлаб йиллардан бери эркаклар ҳимматини қўзғаб келмоқда… Бу балолар изғирини ҳамма ердаги мусулмонларга, бу ёқда Бирма… У ёқда Кашмир ва Афғонистон… Ҳаммага тегмай қолмаяпти… Қўшнингиз Ироқда қонлар дарё бўлиб оқмоқда, тана аъзолари чор атрофга сочилмоқда… Сал аввал Чеченистон ва Босняда шундай бўлганди… Бу қирғинлар, оғриқлар, жароҳатлар, қочқинлар, покиза муслималарга тажовузлар… жиноятлар даҳшатидан Ер курраси зир титради, етти осмон ларзага келди… Аммо Умматнинг илгари паҳлавон, номусли бўлган қўшинлари бугун миқ этмаяпти!

Бас, улар сизни ёрдамсиз қолдиришган экан, аммо сиз маъюсланманг, Аллоҳнинг марҳаматидан умидсизланманг. Билъакс, Аллоҳнинг ваъдасига чуқур ишонинг, Унинг арқонини маҳкам ушланг… чунки нусратингиз ёлғиз Аллоҳнинг қўлида, Америка, Россия, БМТ қўлида эмас, сиз Аллоҳга ёрдам беринг-ёрдам берсин ва собитқадам қилсин…

Эй Шом аҳли… кофирлар душманингиздир… Россия билан АҚШ ўртасида фарқ йўқ, ҳаммалари бир-бирига ҳамкор, буни Аллоҳ Таоло айтмоқда:

وَالَّذِينَ كَفَرُوا بَعْضُهُمْ أَوْلِيَاءُ بَعْضٍ ۚ إِلَّا تَفْعَلُوهُ تَكُن فِتْنَةٌ فِي الْأَرْضِ وَفَسَادٌ كَبِيرٌ

«Кофирлар бир-бирларига ҳамкордирлар, (бас, эй мўминлар, сиз уларни ўзингизга душман тутинг), агар шундай қилмасангиз, ерда фитна ва катта фасод бўлур» [Анфол 73]

Уларнинг ҳар бир ташаббуси қўзғолонингизни чавақлашга ёки йўлингиздан оздиришга ёхуд холис қўзғолончиларни фитналашга қаратилган… Бас, АҚШга ҳам, Хавфсизлик Кенгашига ҳам юзланманг, улар душманингиздир, улардан эҳтиёт бўлинг, уларга Аллоҳнинг лаънати бўлсин, улар қандай гумроҳлардир-а! Сизни Ғарб ёрдамчилари, тарафдорлари ва ювиндихўрлари бўлган ҳукмдорларингиз ҳам алдаб қўймасин, сиёсий маблағ, деган ифлос нарсадан ҳушёр бўлинг, у жамоатингизни бўлиб ташлайди, мақсадингиздан чалғитади, ички жанг фитнасидан сақланинг, айнан шу нарса сизни ҳалок қилади, калимангизни зое кетказади, Ҳизб ут-Таҳрирдаги биродарларингизга қулоқ солинг, улар сизга ишончли насиҳатчи ва алдамас етакчидир.

Эй Шомдаги аҳлимиз, эй шаҳбо Ҳалабдаги аҳлимиз!

Биз сизга Байтул Мақдисдан мурожаат қилмоқдамиз… Росулуллоҳ САВнинг меърожидан нидо қилмоқдамиз… Ақсо масжидидан ҳайқирмоқдамиз… Сиз Аллоҳнинг динини оғиз тишларингиз билан тишлашдан ўзга нарсага эътибор берманг, чунки сизни балодан фақат шу фориғ қилади, фақат Аллоҳ ёрдам беради, Ғарб ва унинг малайларига юзланманг… шайтонни дўст тутганларни, жаҳаннамга чақираётганларни рад қилинг… ювиндихўрларни ҳамма тоифаси билан рад қилинг… кофирларни ҳамма лойиҳаси билан рад этинг…

Фаластин ва Ақсо масжиди сиз учун ибратдир. Шундай экан, ёлғиз Аллоҳнинг мустаҳкам арқонини маҳкам ушланг, қўзғолонингиздаги барқарор ғояларга: режимни ағдариш, Дамашқдаги илоннинг бошини янчиш, ҳар қандай қарамликдан озод бўлиш ва албатта Пайғамбарлик минҳожи асосидаги рошид Халифаликни барпо этиш ғояларингизга амал қилинг.

Эй Шом аҳли! Ақсо покдомон сиддиқинлар ва сара мужоҳидлар қарорини сизнинг кўнглингизга жо қилмоқда, чунки у сиз билан учрашишга ваъдалашган, жангчи гуруҳларингиз билан учрашишга ваъдалашган, Пайғамбарлик минҳожи асосидаги Халифалик билан учрашишга ваъдалашган, бас, ваъдага вафо қилинг.

Барча ғам-ташвишингиз Аллоҳ динига ёрдам беришга ва рошид Халифалик лойиҳаси атрофига бирлашиб, унинг учун ҳаракат қилишга қаратилсин, Аллоҳга ёрдам беринг у ҳам сизга ёрдам беради.

إِن يَنصُرْكُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُكُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ

«Агар сизларга Аллоҳ нусрат-ёрдам берса, ҳеч ким сизлардан ғолиб бўлолмайди, агар сизларни ёрдамсиз қўйса, Ундан ўзга ким ҳам нусрат-ёрдам бера оларди. Бас, мўминлар Аллоҳнинг ўзигагина суянсинлар»    [Оли Имрон 160]

Аллоҳ сиз биландир, У амалларингизни асло бесамар қолдирмайди.

Аллоҳим, Шомдаги биродарларга нусрат бер, кофирлар макрини ўз бўғизларига қайтариб ур! Аллоҳим, уларнинг қўзғолонларини охирини Пайғамбарлик минҳожи асосидаги Халифалик билан тугат, бизни ҳам, уларни ҳам Ақсо масжидида мўминлар амирига иқтидо қилиб намоз ўқишга муваффақ қил, қиёматда Набийинг САВ ҳавзидан сув ичмоғимизга насиб айла, валҳамду лиллаҳи роббил аламин.

Ҳизб ут-Таҳрир                                                                  20 муҳаррам 1438ҳ

Фаластин                                                                             21 октябр 2016м