Матбуот баёноти

Муха ҳўсийлар қўли билан қулаганидан сўнг…

Аллоҳнинг китобини орқаларига улоқтирган ҳукмдорлар соясида қон тўкиш ва одамларни қувғин қилиш силсиласи давом этмоқда

2026 йил 10 сентябр пайшанба куни Қизил денгиздаги стратегик аҳамиятга эга бўлган соҳил бўйидаги Муха шаҳри ҳўсийлар қўли билан қулади. Куфр боши Трамп 2026 йил 12 сентябр шанба куни: “Ҳўсийлар АҚШдан Яманга аралашмаслигини сўрадилар”, деди ва яна қўшимча қилди: “Биз муҳокамалар ўтказдик, ҳўсийлар биз билан боғланишди, улар биз билан жанг қилишни ҳам, уларга ҳужум қилишимизни ҳам хоҳламайдилар”, буларнинг барчаси Эрондан ташқари ҳолда юз берди. Ҳўсийларга қарашли қуролли кучлар Матбуот котиби Яҳё Сариъ: “Қизил денгиздаги халқаро денгиз қатновига ҳеч қандай зарар етказилмайди”, деди ва бу билан мустамлакачи кофирларни хотиржам қилувчи хабар йўллади!

Хўш, Бирлашган Араб Амирликлари ҳомийлигида бўлган ва Амирлик ўз хожаси Буюк Британиянинг буйруғи билан уни ҳимоя қилган, «Республика гвардияси ўзаги асосидаги Миллий қаршилик»ни барпо этиш ва устунини қўйиш бўйича тўққиз йиллик саъй-ҳаракатлар қаерга кетди?! Бу – Муха ва Холид ҳарбий лагерининг қулаши билан якун топди, шунингдек, бу билан Британиянинг Қизил денгиз шарқий соҳилидаги назорати ўз ниҳоясига етди ва Американинг унинг барча соҳиллари устидаги назорати тўлиқ тугал бўлди! Британиянинг ярим оролдаги сиёсий нуфузи Америка нуфузи қаршисида чекинмоқда, у Салмон бин Абдулазизнинг ҳокимиятга келиши билан Саудия Арабистонини йўқотганидан ва бу давлат Америкага хизмат қилишга ўтиб кетганидан сўнг, мана бугун Яманда — ҳам шимолда, ҳам жанубда Америка учун мустаҳкам қадамжо-таъсир доира пайдо бўлди.

Муха шаҳрининг қулаши билан Британияга ўз ҳукмронлиги йилларида хизмат қилган марҳум Али Содиқнинг жияни — Ториқ Солиҳ саккиз кишилик Президент кенгашидаги лавозимидан четлатилди. Натижада у Жанубий Яман Ўтиш (даври) кенгаши раҳбари Айдраус аз-Зубайдийдан кейинги иккинчи мағлубга айланди. Американинг Британия малайлари бўлган Президентлик кенгаши аъзоларини сиқиб чиқариши, эҳтимол, кенгаш раҳбари Рашод Ал-Алимийдан кейин уларни ўз томонига оғдириб олишни кафолатламагунча тўхтамаса керак. Худди шу ҳолат Санода ҳам марҳум Али Солиҳ партияси тарафдорларининг ҳўсийлар билан иштироки камайганида ўз аксини топмоқда, зеро Британия ҳарбий кучларининг парчаланиши у суянган қабила кучларининг парчаланиши давом этаётган бир шароитда юз бермоқда. Мухада содир бўлган нарса фақатгина Британияга холис бўлмаган Республика гвардияси кучларининг вайрон этилиши деб ҳисобланади, чунки унинг Америкалик рақиблари уни ўз рақибига қарши чиқадиган ва рақибларининг буйруғи билан иш кўрадиган унсурлар билан тўлдиришга шошилишган эди. Шунингдек, ҳўсийлар Мухани эгаллашларига саноқли кунлар қолганда садоқатда бир хил бўлмаган «Амолиқа» ва «Диръ ал-ватан» (Ватан қалқони) кучларининг етиб келиши ҳам бунга қўшимча бўлди. Ҳарбий ҳаракатлар майдонидаги гувоҳларнинг сўзларига кўра, Саудия Арабистони томонидан тузилган «Диръ ал-Ватан» (Ватан қалқони) кучлари биринчи бўлиб чекина бошлаган ва бу сафларда саросима келтириб чиқарган. Шундан сўнг қочқин Ториқ Солиҳ ўзининг барча кучларига жабҳаларнинг ҳаммасидан шаҳар ичига чекиниш ҳақида буйруқ берган. Бунга унинг таъбири билан айтганда, ички муҳитдаги хоинликлар ва яқинлар томонидан сотқинликка учрагани сабаб бўлган. Шундан сўнг ҳўсийлар Мухага деярли қаршиликсиз кириб келишди ва чекинаётганлар ташлаб кетган кўплаб қурол-яроғларни қўлга киритишди.

Мана шу ерда етти кунлик уруш давомида Ар-Риёд ва унинг ортида турган Вашингтоннинг тил бириктиргани фош бўлади. Бу урушда ҳусийлар ўз кучларини Муха томон йўналтириб, гўёки шаҳарни ўз кучи билан олганини кўрсатиш учун кузатувчиларни алдашга уринишди. Шу мақсадда Мухага ҳужум қилаётган ҳусийлар кучлари ҳаводан бомбардимон қилинмади, Маъриб, Ал-Жавф, Ал-Байдо ва Далиъдаги бошқа жабҳаларни ўққа тутиш билан машғулдек кўриниб, авиациянинг аралашуви Муха тўлиқ қулаб бўлгунга қадар атайин кечиктирилди. Ҳусийларга қарши «Ўлим сандиғи» деган миш-миш эса фақат кўзбўямачилик учунгина тарқатилди. Натижада Саудия Арабистони Британия малайларининг қолдиқларини тозалашга ўзи кучи етмаган ишларни, мана, ҳусийлар амалга оширмоқда. Бу билан Яманда унинг таъсирини сиқиб чиқариш сериали давом этмоқда: аввал Бирлашган Араб Амирликлари ҳайдалди, кейин Жанубий ўтиш (даври) кенгаши зарбага учради, энди эса Мухадаги Миллий қаршилик ҳаракати тор-мор қилинмоқда, навбатдаги нишон эса «Ислоҳ» партияси ва унинг таъсир доирасидаги ҳудудлар бўлса керак.

Ҳўсийларнинг 2014 йил 21 сентябрда Санога кириши, шунингдек, 2018 йил 13 декабрда Стокгольм битимини тузиш орқали Ториқ Солиҳ кучларининг Ҳудайдага киришига тўсқинлик қилингани хотирга келади. Хўш, энди навбат айни пайтда «Ислоҳ» партияси назорати остида бўлган Маъриб ва Таизга келдимикан? Ҳолбуки, бу партия марҳум (Али Солиҳ)нинг мамлакатни бошқаришдаги яширин шериги эди. Бу партия ўз тарафдорларини алдаш учун Исломни шиор қилиб кўтарадиган, аммо амалда дунёвий республика тузумини татбиқ этадиган ва Бирлашган Миллатлар Ташкилотига бўйсунадиган партиядир?!

Биз — «Ҳизб ут-таҳрир»нинг мавқеи қатъий ва ўзгармасдир: биз бу курашаётган маҳаллий воситаларнинг ҳеч бирини — хоҳ чет элдаги анжуманлар ҳамда «Ислоҳ» партияси орқали намоён бўлувчи ўзини «қонуний» деб атовчилар бўлсин, хоҳ шимолдаги ҳусийлар ёки бошқа маҳаллий тўдалар бўлсин — қўллаб-қувватламаймиз. Шунингдек, минтақавий ижрочилар —Британиянинг эркатойи БАА, Американинг хизматкори Оли Сауд сулоласи ҳукмдорлари, ёвузликлари мусулмонлар диёрини тўлдирган Эрон ҳукмдорлари ҳамда Яман устида талашаётган халқаро мустамлакачилар — Америка ва Британияни ҳам ёқламаймиз, балки бизнинг мавқеимиз Ислом ақидасидан келиб чиқади; у ҳам бўлса, мусулмонларни ягона Давлат соясида бирлаштириш, Аллоҳ нозил қилган нарса билан ҳукм юритиш ҳамда Исломни оламга ҳидоят ва нур рисолати сифатида етказишдан иборатдир. Биз ўз мақсадимизга эришиш йўлидан борар эканмиз, малай ҳукмдорларни фош қилишда, Исломга зид ғояларга фикрий кураш ва сиёсий муҳораба билан зарба беришда Пайғамбаримиз Муҳаммад ﷺнинг сийратларига эргашамиз. Бу эса умматни кофирлар ва уларнинг малайларидан огоҳлантириш учун айнан маъруфга буюриш ва мункардан қайтаришдир, токи Уммат бугунги кунда содир бўлаётганидек ўз ораларида жанг қилиш билан банд бўлиб кетиб қолмасин, аксинча, ўз ўқларини мустамлакачи кофирлар томонга, хусусан, уларнинг бошида турган Америка ва Британияга қаратсин.

Ҳизб ут-Таҳрирнинг янги минг йиллик бошида иймон аҳлига Британия ва Америка ўртасида Яман устидан кетаётган халқаро кураш роллари кучайгани ҳақидаги гапи бекорга бўлмаган ва бу хаёлпарастлик ҳам эмас, балки уларни ушбу тузоқларга тушиб қолишдан огоҳлантириш ҳамда унга нисбатан ҳикмат билан иш тутишга чақириш учун эди. Шунингдек, бу қалби бор ёки қулоқ тутиб гувоҳ бўлган кишини кураш хавфлари ва унинг қуролларини фош қилишга, уларни рад этиш ва улардан воз кечишга йўналтиради, токи улар дунё саодатига эришиб, Аллоҳ ҳузурига хурсанд ҳолда қайтсинлар.

Яманнинг барча муаммоларини ҳал қилиш ҳамда уни бўғиб қўйган Британия-Америка кураши чангалидан чиқариш фақат ва фақат пайғамбарлик минҳожи асосидаги иккинчи Рошид Халифалик давлатини барпо этишдадир. Ана шу Давлатгина Исломни тўлиқ татбиқ қилиб, мусулмонларнинг ишларига ҳақиқий ғамхўрлик қилади ва бу орқали уларнинг қонларини асрайди, уларнинг ўртасидаги ички урушлар ва бемаъни жанг-жадалларнинг олдини олади ва олий ҳокимиятни фақат Аллоҳнинг Ўзига хос қилади. Расулуллоҳ ﷺ дедилар: «Сўнгра пайғамбарлик минҳожи асосидаги Хилофат бўлади».

Ҳизб ут-Таҳрир Яман вилояти Медиа бўлими