Мусибатларингиз боиси нима?   

بسم الله الرحمن ألرحيم

Денгизлар ўзанидан чиқиб кетса, ўсимлик олами кислород чиқаришдан “бош” тортса, қуёш ўз йўналишини тарк этса, инсонларга бўйсуниб турган уй ҳайвонлари ваҳшийлашиб кетса, булутлар ёмғирсиз, анҳорлар сувсиз қолса, ер унумдорлигини тарк этса, дарахтлар мевасиз, буғдойлар бошоқсиз қолса, қўйингки, бутун олам ўзига қўйилган қонуният, тартибот доирасидан чиқиб кетса, биз ақлли инсониятнинг аҳволи не кечаркин?! Дунё  подшоҳлари, раҳбару мулозимлари дунёга ҳукмронлик даъвосида қолармикин, инсоният устидан худолик давосида тураверармикин, уларга малай ҳокимлар ўз нажотини уларда кўраверармикин?! Йўқ, асло! Зеро, улар ҳожаларида коинотга ҳукм ўтказиш даражасидаги қудрат йўқлигини яхши билишади. Улар биладилар ва ишонадиларки, ҳожалари ҳам ўзларига ўхшаган ожиз бандалардир. Аммо афсуски, улар олам қонунияти ўз тартибига “осийлик” қилсагина кўзлари очилиб, англайдилар. Модомики, коинот оламлар Роббисининг тартиботидан чиқмас экан, малайлар ўз ҳожаларига халқини, миллатини қул қилиб, бойликларини уларнинг оёқлари остига поёндоз этаверишади, умматнинг ҳаққига хиёнат қилиб, ўз халқлари қонини зулукдек сўраверишади. Хоин муллалар эса, бир ҳовуч маддоҳлари ила ўша малай ҳокимлар кирдикорларини умматга чиройли қилиб кўрсатаверадилар. Янада даҳшатлиси, даъват йўлига тўғаноқ бўлишиб, Уммат орасидан чиққан эзгу ниятли ўғлонларга “террорчи”, “экстремист”, “ватан хоинлари” деган тамғаларни ёпиштириб, содда халқни лақиллатиб, минбарлар ҳаққига хиёнат қилаверадилар. Улар шундай кимсалардир. Улар адаштирувчи имомлардир. Улар Аллоҳга, Росулига, умматга хоинлик қилаверадилар. Яхшини ёмон деб танитадилар, золимни адолатли қилиб кўрсатадилар, ёлғончини ростгўй дея мадҳ қилиб, ростгўйни каззоб дея бонг урадилар. Қандай ҳам ёмон мақомни танлашган-а?!

Улар кўзлар даҳшатдан қотиб қоладиган Қиёмат кунини эсдан чиқардилар, улар Аллоҳга сўзсиз бўйсунувчи коинот ва ундаги нарсалар мувозанатини идрок этмадилар. Борлиқ ўз Роббисига итоатда эканини идрок этмадилар. Борлиқдаги итоатгўй мавжудотлар: ой, қуёш, ер бутун оламлар Роббисига итоатсиз ҳаракатга келса борлиқ сочилиб, пароканда бўлиб кетишини наҳотки билмаслар?! Ихтиёр ва ақл эгалари бўлган инсонлар Роббисига итоатсиз яшаса коинотдек сочилмаса-да, лекин оламни фисқу фасод эгаллашини кўрмаяптиларми?! Кўриб туришибди! Аммо ҳожаларидан бўлган қўрқувлари уларни бошқариб, умрларини зое қилмоқда.

Эй мусулмонлар! Бошингизга кетма-кет келаётган мусибатлар боиси ҳақида қачон тафаккур қиласиз?! Роббингизга итоат қилишдан сизни нима тўсмоқда?! Охир-оқибат борар жойингизни кунора орангизни тарк этаётган яқинларингизнинг жанозалари эслатмаяптими?! Устингиздаги золимлар зулмини, қамоқларини, қатлларини абадий жаҳаннам азобидан кўра оғирроқ билдингизми?! Оёқларингиз остидаги ерлар ёрилса, итоатгўй олам Роббисининг бўйруғи ила мувозанатини бузса, анави золимлар сизни ҳимоя қилишга қодир, деб биласизми? Ахир, қўрадаги чорвангизни сизга бўйсундирган, оловларингизни сизга хизмат қилдириб қўйган, булутларни экинзорингиз устига соқий этган Роббул оламинга лаббай демоқдан нима тўсмоқдаки, Унга осийлик йўлини танламоқдасиз? Ўрталарингизда чиққан келишмовчиликларда ва барча ҳаётий муаммоларингизда Аллоҳга юзланишдан кўра куфр қонунларига мурожаат қилишни аҳмоқлик эканини англамадингизми? Англасангиз бўлмайдими?! Бугунги бутун мусибатларингизнинг боиси Аллоҳдан ва Унинг Росулидан узоқлашганингиз эмасми? Бугун ўзингизни ўнгланг, Аллоҳга қайтинг, устингиздаги тоғут ҳукмларидан воз кечинг, зора нажот топсангиз! Зора, аввалги ўн уч асрлик азизлигингизга қайтсангиз! Бу йўлда куну тун тинимсиз ҳаракат қилаётган Ҳизб ут-Таҳрир чақириғига қулоқ тутинг, тафаккур қилинг! Унга тош отаётганларнинг ва душманларнинг фитналарига алданманг! Ёрдам берувчи ансорлардан бўлмасангиз, зарар берувчи нодонлардан ҳам бўлиб қолманг! Сизни танловингиз қандай бўлишидан қатъий назар, Аллоҳ Ўз динини ер юзида албатта олий қилажак! Бу Унинг ҳақ ваъдасидир.

لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ

“…худди илгари ўтган (иймон-эътиқодли) зотларни (ер юзига) халифа-ҳукмрон қилганидек, уларни ҳам ер юзида албатта халифа қилажакдир”, (Нур:55) дегувчи Аллоҳнинг Ўзидир!

ثم تكون خلافة على منهاج النبوة

“...сўнгра Пайғамбарлик минхожи асосидаги Халифалик бўлади” дегувчи Унинг ростгўй Пайғамбаридир!

Ҳизб ут-Таҳрирнинг Ўзбекистондаги матбуот бўлими аъзоси Зайниддин

20.01.2022й