Наҳотки, Яман аҳли масаласи америкаликлар ва инглизлардан иборат салибчиларга қолган бўлса?
بسم الله الرحمن الرحيم
Роя газетаси:
Наҳотки, Яман аҳли масаласи америкаликлар ва инглизлардан иборат салибчиларга қолган бўлса?
Арабийя веб-сайтида ҳижрий 1439 йил 17 рамазон, милодий 2018 йил 2 июн шанба куни қуйидаги хабар нашр қилинди:
«БМТнинг Яманга юборилган вакили Мартин Гриффит ўтган пайшанба куни навбатдаги сафари доирасида Санъога етиб келди. Унинг сафари президент Абдуроббиҳ Мансур Ҳодий ва бир қатор унинг ҳукумати аъзолари билан учрашиш билан бошланди.
Ямандаги сиёсий манбаларнинг айтишича, Гриффит сиёсий ечим музокараларини қайта жонлантириш механизмини муҳокама қилиш учун Ҳусий жангариларининг бир қатор етакчилари ва эътироф этилмаган инқилобий ҳукумат масъуллари билан учрашади. Манбаларга кўра, музокараларни қайта жонлантириш механизми БМТ вакили еттинчи июнда Хавфсизлик Кенгашига ҳавола қилмоқчи бўлган қараш асосида бўлади.
Ҳарбий жангни шаҳардан ва Ҳадида портидан четлаштириш, Хусийларни шаҳардан чиқиб кетишга қаноатлантириш ва шаҳар бошқарувини БМТга топшириш БМТ вакили муҳокама қиладиган масалаларнинг бошидан ўрин олган.
Ямандаги манбаларнинг билдиришича, халқаро вакилнинг келиши шундай бир пайтга тўғри келдики, ҳозирда инқилоб жангарилари Ҳадида шаҳрини тарк этмоқчи бўлган фуқароларни чиқармаяпти. Айни ҳолат эса, жангарилар одамлардан тирик қалқон сифатида фойдаланиши мумкин деган хавотирларни пайдо қилмоқда. Чунки улар шаҳарнинг шимолий қисмига ҳам ҳарбий техникаларни жойлаштирган.
Ўрта Шарқнинг муштарак кучларидаги манбаларга кўра, шаҳарга ҳужум қилиш вақти яқинлашган. Ҳужумнинг тез ва шиддатли бўлиши, бир неча марказдан, ҳаво ва денгиздан ҳужум қилиниши кутилмоқда.
БМТга қарашли кема мамлакат ғарбидаги Ҳадида муҳофазасидан халқаро ёрдам кўрсатувчи ташкилотлар хизматчиларини эвакуация қилиш ишларини бир неча соат ичида бошлайди.
Ҳадида портидаги денгизчи манба Россиянинг «Спутник» агентлигига айтишича, Яман армияси билан соҳил бўйи муҳофазадаги Ҳусий жангарилари ўртасидаги тўқнашувлар сабабли халқаро миграция ташкилотига қарашли пароход қўшни давлатларнинг бирига чиқиб кетади. Пороход бортида халқаро ташкилотлар хизматчилари ва уларнинг оилалари жойлашган».
Роя газетаси шарҳи: Шундай қилиб, Яман аҳли масаласи америкалик ва инглизлардан иборат салибчиларга топшириб қўйилди. Улар айни масалани ўзларининг динни ҳаётдан, бошқарувдан ва давлатдан ажратиб ташлаган илмоний капиталистик ақидалари тақозосига кўра, ўз манфаатларидан келиб чиқиб, ҳал қилишади. Албатта улар бу масалага Яман аҳли ақидасига қарши кечаю кундуз олиб бораётган курашларидан келиб чиқиб ёндашишади. Ҳолбуки, Яман аҳли қачонлардир Ислом ансори, унинг посбони ҳамда бутун оламга даъват ва жиҳод орқали уни етказувчиси бўлган эди. Яна ўша кунларга қайтишнинг бирор бир йўли борми?!
Агар имон ва ҳикмат аҳли Аллоҳ Таолонинг
﴿يَا أَيُّهَا الَّذِينَ آمَنُواْ اسْتَجِيبُواْ للهِ وَلِلرَّسُولِ إِذَا دَعَاكُم لِمَا يُحْيِيكُمْ﴾
«Эй мўминлар, Аллоҳ ва Унинг пайғамбари сизларни абадий ҳаёт берадиган нарсага (яъни, динга) даъват қилар экан, уни қабул қилинглар ва билингларки, шубҳасиз, Аллоҳ ҳар бир киши билан унинг қалби ўртасини эгаллаб турур ва шубҳасиз, Унинг ҳузурига тўпланурсизлар» [Анфол 24]
деган хитобга қулоқ солиб, Пайғамбарлик минҳожи асосидаги рошид Халифалик барпо этишга ҳаракат қилмас эканлар, Ямандан Британия билан Америка нуфузини асло йўқ қилиб бўлмайди.
Роя газетаси сайтидан олинди
