Нима учун технологик жиҳатдан тараққий топган давлатлар исломий юртларни бирданига босиб ололмайдилар?
Нима учун технологик жиҳатдан тараққий топган давлатлар исломий юртларни бирданига босиб ололмайдилар?
بِسْمِ اللهِ الرَّحْمٰنِ الرَّحِيم
Душманни енгиш воситаларидан бири руҳий босим ўтказишдир. Руҳий босим ўтказиш учун эса, душманнинг енгилмаслиги ва тенгги йўқ даражада устунлиги ҳақида кўплаб даҳшатли афсоналар тўқилади. Мусулмонлар орасида тарқатилаётган ва доимий равишда қўллаб-қувватлаётган шундай афсоналардан бири – технологик тараққий топган давлатлар агар хоҳласалар, дунёдаги барча исломий юртларни куч билан босиб олишлари мумкинлиги ҳақидаги афсонадир. Бу уйдирма кўплаб содда одамлар тасаввурида ҳақиқатга яқин, воқеликдада эса, ҳақиқатдан жуда узоқдир. Асл ҳақиқат шуки, уруш давомида авиация, танклар ва зирҳли техника каби технология ютуқларидан фойдаланадиган давлатлар, бу технологияларни ишлатиш учун улкан моддий ресурслар сарфлайдилар. Мана шундай улкан сарф-харажатлар сабаб Германия иккинчи жаҳон урушида мағлубиятга учради, айниқса, қўшинга керакли бўлган таъминот ва бутловчи қисмлар етказиб беришда узилишлар бошланганидан сўнг шундай бўлди. Бироқ агар давлат душман ҳудудини босиб олишга муваффақ бўлса-да, бу ҳудудлардан зудлик билан қўшинини олиб чиқиб кетишга мажбур бўлади, чунки бегона ҳудудда улкан миқдордаги ҳарбий кучни ушлаб туриш – ҳатто ундан фойдаланилмаса ҳам – бой давлатларнинг елкасига оғир юк бўлиб тушади. Шунинг учун замонавий босқинчилар юртларни мустамлака қилишни сиёсий ечимларсиз сира уддалай олмайдилар.
Ироқ ва Афғонистондаги уруш тажрибаси мусулмонларга қарши Ислом Уммати душманлари кучларининг қанчалик заиф эканлигини яққол кўрсатиб қўйди. Қўшма штатлар Афғонистонда ниҳоятда чекланган ҳарбий контингентга эга бўлган ҳолда ўз қўшинини олиб чиқиб кетиш ва босқинчилигини ҳарбий доирадан сиёсий доирага олиб ўтиш учун Толибондан ялингудай бўлиб сулҳ сўрашга мажбур бўлмоқда. Булар афғонларнинг кулгили моддий имкониятларига ҳамда Америка харажатларининг бир қисмини иттифоқчилари кўтаришларига ва қўшни мусулмон давлатлари Америкага Афғонистонда кўмак беришларига қарамай содир бўлмоқда. Америка Ироқни Ироқ армиясидаги юқори мансабдорлар хиёнати сабабли тез фурсатда босиб олишни ва ўз қўшинини олиб чиқиб кетишни уддалади ҳамда Ироқда Америка манфаатларини ҳимоя қилиш учун ўз гумашталарини раҳбарликка тезлик билан тайинлади. Лекин ҳатто шунинг ўзи ҳам Америка иқтисодини қалқитиш учун етарли бўлди. Ироқдаги ҳарбий амалиёт Америка иқтисодига шундай қаттиқ зарба бердики, натижада “ипотека кризиси” деб номланган жаҳон кризисини келтириб чиқарди. Агар яна ўша Эрон, Туркия ва Ислом оламининг бошқа хоин ҳукмдорлари бор имкониятлари билан ёрдам бермаганларида, Америка Ироқда ўз мақсадларига эриша олмаган бўларди.
Озгина орқага назар солсак, Совет Иттифоқининг Афғонистондаги ҳарбий кампанияси унинг иқтисодини шунчалик ҳолдан тойдирдики, натижада таслим бўлишга ва ўз қўшинини олиб чиқиб кетишга мажбур бўлди, сўнгра у иқтисодий заифлик сабаб парчаланиб кетди.
Агар яна озгина орқароқдаги тарихга назар солсак, баъзи тарихчиларнинг таъкидлашларича, Усмоний Халифалик яна беш йил туриб берганида, ўзини тутиб олган ҳамда ўз ҳудудидан босқинчиларни ҳайдаб чиқарган ва парчаланиб кетмаган бўлар эди. Чунки биринчи жаҳон урушидан сўнг ҳамда исломий юртларни босиб олишдаги улкан харажатлар сабабли Европа ва Америка “буюк депрессия” номини олган даҳшатли иқтисодий таназзулга тушиб қолган эди.
Шунга кўра, мусулмонларнинг босқинчиларга қаршилик қилишдаги асосий муаммоси Америка ва Европадан ҳарбий соҳада технологик жиҳатдан оқсашида эмас. Йўқ, мусулмонларнинг асосий муаммоси – Умматни барча ҳудудлари ва бойликлари билан бирлаштирадиган сиёсий платформанинг йўқлигидадир. Агар бир исломий юрт бошқа исломий юртни босиб олишда Аллоҳнинг душманларига ёрдам бермаганида, куфр ҳеч қачон Ислом оламини мустамлака қила олмас эди ҳамда мусулмонлар душман давлатлардан технологик жиҳатдан ортда қолишни тез суратларда қисқартирган бўлар эдилар. Шундай бўлса-да, ҳатто ҳозир ҳам Туркия ва Покистон каби баъзи юртлар Аллоҳнинг душманларини қўрқитадиган даражада таъсирли ҳарбий кучга эгалар.
Урушнинг асл моҳияти шуки, урушаётган мамлакат – бу унинг ҳарбий кучи ва бу кучнинг қанчалиги эмас, балки халқининг, иқтисодининг ва сиёсий режимининг қанчалик даражада мустаҳкам тура олишидир. Умуман олганда, бу бутун бир вужуд ва бугун Ғарб вужуди касал аҳволда. Мустамлакачиларнинг иқтисоди шунчалик мўртки, Ислом оламига узоқ вақт қарши туришга – айниқса энергия манбаларини етказишда тақчиллик юзага келса – дош бера олмайди. Бу уларнинг юртларига нафақат иқтисодий ҳалокат олиб келади, балки аҳолининг ўз давлатлари ҳукуматларига нисбатан норозиликлари ортидан жуда кучли сиёсий инқирозни ҳам келтириб чиқаради. Агар иш ҳақи масаласидаги арзимас ўзгаришлар Францияда сиёсий инқироз келтириб чиқарган бўлса, унда уларнинг мамлакатлари оммавий ишсизлик, инфляция, дефолт ва асосий эҳтиёжни қондирувчи воситалар етишмовчилиги юзага келганда қандай аҳволга тушаркин?! Бу давлатлар аҳолиси бир сиқим бойлар манфаатлари йўлида қурбон қилинаётганларини ҳамда Ислом “терроризми” ва мусулмонларга тоқатсизлик уруш оловини ёқаётганларнинг уйдирмалари эканлигини тушуниб қолсалар нима бўларкин?!
Ин ша Аллоҳ, яқинда барча исломий юртларни бир улкан вужудга бирлаштиришни бошлайдиган Пайғамбарлик минҳожи асосидаги Халифалик барпо бўлади. У илм-фан, ҳарбий ва иқтисодий қувватни кучайтиришни ҳамда бутун дунё бўйлаб ўз сиёсатини шундай тарғиб қилишни бошлайдики, натижада АҚШ ва Европа давлатлари бизнинг юртларимизга аралашишни унутиб, ички қўзғолон ва норозиликларни бостириш билан овора бўлиб қолишади. Шунда Аллоҳнинг душманларини Аллоҳнинг бандаларидан устунлиги ҳақидаги афсоналар даври тугайди, ҳақ ботил устидан ғалаба қилади.
إِنَّ الَّذِينَ كَفَرُواْ يُنفِقُونَ أَمْوَالَهُمْ لِيَصُدُّواْ عَن سَبِيلِ اللّهِ فَسَيُنفِقُونَهَا ثُمَّ تَكُونُ عَلَيْهِمْ حَسْرَةً ثُمَّ يُغْلَبُونَ وَالَّذِينَ كَفَرُواْ إِلَى جَهَنَّمَ يُحْشَرُونَ
– “Албатта, куфр келтирганлар молларини Аллоҳнинг йўлидан тўсиш учун сарфларлар. Бас, уларни сарфлайдилар-у, сўнгра ўзларига ҳасрат бўлади, кейин мағлуб бўларлар. Куфр келтирганлар жаҳаннамга тўпланурлар”. (Анфол:36)
Русчадан Сайфуллоҳ таржимаси
23.06.2019й
