بِسْمِ اللهِ الرَّحْمنِ الرَّحِيمِ

Бу урушлар қачон тугайди?

Бу саволга жавоб беришдан олдин сизга бир савол билан мурожаат қилмоқчимиз. Инсон ҳаётда қандай яшашни ҳохлайди, яъни тинч-омонликдами ёки уруш-жанжал биланми? Албатта, барча бу саволга бир хил жавоб беради, инсон тинч ва осуда ҳаёт кечиришни, ўзи ва оиласида, қолаверса, бутун дунёда тинчлик ҳукмронлик қилишини ҳохлайди. Чунки инсон табиатан уруш-жанжал, тўполонни хуш кўрмайди. Инсоннинг ён-атрофи, умуман ўзи яшаётган минтақа тинч бўлсагина олдинга силжиш бўлади. Хотиржам яшашга нима етсин, тўғрими? Афсуски, ҳозирги давр одамлари учун бу орзулигича қолмоқда. Нега шундай, бунинг сабаби нима? Нега ҳозирда инсон энг цивилизациялашган, дея аталаётган даврда бутун жаҳон уруш балосидан қутула олмаяпти? Ёки инсонлар ўзгариб, уруш-жанжални ёқтирадиган бўлиб қолишганми? Йўқ, инсоннинг талаб ва эҳтиёжларида ҳеч қандай ўзгариш бўлгани йўқ, ҳақиқатни бошқа жойдан излаш керак.

Ўтган бир аср давомида бўлган урушлар тарихига қисқача тўхталадиган бўлсак, ҳарбийлар ва тинч аҳолини қўшиб ҳисоблаганда, Биринчи жаҳон урушида 21 миллиондан, Иккинчи жаҳон урушида 72 миллиондан ортиқ одам қурбон бўлган. Ҳа, айнан қурбон бўлган. Чунки бу урушлар манфаат талашиш, дунёни бўлиб олиш учун қилинган урушлардир. Катта давлатларнинг манфаат талашишлари оқибатида 100 миллионга яқин одам қурбон бўлиб кетибди. Бу қурбонлар ҳозиргача тўхтагани йўқ, аксинча, тобора кўпайиб бормоқда. Агар ўша пайтдаги жанг майдони катта давлатлар территориялари бўлган бўлса, ундан сўнг бу майдон асосан мусулмонлар яшайдиган минтақаларга кўчиб ўтди. Ҳа, мустамлакачилик босқинчиликлари ҳозиргача давом этиб келмоқда ва бу урушларда мусулмонлар жуда катта талофот кўрмоқда. Бунга сабаб, уларнинг ерларидаги табиий бойликлар ва арзон ишчи кучидир.

Энди юқоридаги саволга қайтадиган бўлсак, урушларнинг тугамаётганлигига асосий сабаб, ўзи тўйса ҳам кўзи тўймайдиган, умр бўйи бойлик кетидан қувиб юрадиган йирик капиталистларнинг очкўзлиги сабаб бўлмоқда. Чунки улар ўша катта давлатларнинг ташқи сиёсатига катта таъсир кўрсатадилар. Улар сирасига, жумладан, қурол ишлаб чиқарувчилар, энергетика соҳасидаги йирик компаниялар, наркобаронлар ва ҳоказолар киради. Улар кўпроқ фойда олиш мақсадида, керак бўлса, сунъий урушлар келтириб чиқарадилар ва бунинг ортидан қанча жонлар қурбон бўлишига тупурадилар. Капиталистик тузум шароитида урушларнинг тугашига умид қилган одам, ҳудди ўзининг ўлмаслигига умид қилган одамга ўхшайди. Сиёсатчилар нутқ сўзлайверади, ваъдалар бераверади, лекин аҳвол шу пайтгача бироз бўлсада юмшагани йўқ. Улар бу ишлари билан оддий халқни чалғитадилар холос.

Бундай система, бутун дунёни уруш домига чиқиб бўлмайдиган қилиб олиб кириб қўйди. Чиқиш йўли ҳам йўқ, орқага ҳам йўл йўқ. Ҳозирда муаммоларга ечим излангани йўқ, балки улар янада кўпайтирилмоқда. Шунга ўхшаб, уруш муаммоси ҳал этилиши ўрнига, янгидан янги жанг майдонлари вужудга келтирилмоқда.

Инсоният бахтига Ислом системасидек илоҳий программа борки, у нафақат мусулмонлар, балки ғайримусулмон юртларга ҳам тинчлик ва хотиржамлик бахш эта олади. Дунёга Ислом ҳукмронлик қилар экан, бирорта жон беҳудага ўлиб кетмайди. Ислом ўзининг адолати ва ҳаётбахшлиги билан инсонларга бахт-саодат ва кўнгилларига хотиржамлик олиб келади. Ҳозирда капиталистик сиёсат Исломни ҳар қанча ёмон кўрсатмасин, шариат асосида яшайман деганларнинг сони кундан-кунга ортиб бормоқда. Бундай муваффақиятга ҳали бирорта мабда (ўзидан тузум келиб чиқадиган ақлий ақида) эриша олмаган.

Биз ҳозир шундай бир тарихий кунларда яшамоқдамизки, бу даврлар тарих варақларига олтин харфлар билан битилади ва кейинги авлодлар бугунги кун қаҳрамонларини китобларда, ҳудди ҳозирги авлод ўтмишдаги қаҳрамонларни ўқиётгандек ўқийди. Биз шуни тушуниб етмоғимиз лозимки, ҳатто саҳобалар ҳам ҳавас қиладиган даврда яшаяпмиз, яъни динини маҳкам ушлаган одам элликта саҳобанинг савобига эга бўладиган кунлар. Ҳа, бизга олдин ҳеч қайси авлодга насиб қилмаган буюк ишни амалга оширишни Аллоҳ насиб қилди.

Шундай экан, нафақат биз мусулмонлар, балки бутун жаҳонга тинчлик ва хотиржамликни кафолатлайдиган Халифалик давлатини тиклашга қўлимиздан келган барча ишни қилиб қолайлик. Зеро, Аллоҳнинг динига ёрдам берганга Аллоҳ ёрдамчи бўлгувчидир.

Ҳизб ут-Таҳрирнинг Ўзбекистондаги медиа офиси Абдуллоҳ

06.03.2015й.