بِسْمِ اللهِ الرَّحْمنِ الرَّحِيمِ

Қочқинлар оқими Ғарбнинг инсониятга қарши олиб бораётган ташқи сиёсати натижасидир

Бу муаммони фақат Ислом Уммати ҳал эта олади

Ислом дунёсида бўлаётган уруш ва тажовузлардан ўз юртида «хотиржам» ҳаёт кечираётган европаликларнинг бугун бехабар қолган бўлиши мумкин эмас. Калтафаҳм одамгина Суриядаги оддий инсонлар устидан ёғдирилаётган портловчи бочкалар ва заҳарли газларни билмай қолган бўлиши мумкин. Аммо Европа сувларига чўкаётган кемалар ҳақида ёки Европага етиб олиш учун йўлга тушган қочқинлар орасидаги тўлқин қирғоққа чиқариб ташлаётган гўдаклар тўғрисида билмаслик амри маҳолдир. Ҳатто бу ҳақда эшитишни истамайдиганлар ҳам минглаб қочқинлардан кўз юмиши мушкул. Чунки улар Европа шаҳарлари шоҳкўчалари ва темир йўлларида пиёда юрибдилар…

Бу қочқинларнинг Европага оқиб келишлари муаммоси Ғарбнинг Ўрта Шарқ бошига ёғдираётган бомбалари натижасида юзага келган аҳволга нисбатан арзимас муаммо саналади. Европалик сиёсатчиларга ёқмаса-да, бу аччиқ ҳақиқатдир. Қочқинлар оқими мавзуси куннинг мавзусига айланди ва шундай бўлиши табиий, албатта. Шунингдек, сон-саноқсиз мусулмону ғайримусулмоннинг уларга ёрдам беришга рағбат қилаётганларини ҳам гувоҳ бўляпмиз. Шуларга қарамай, қочқинлар масаласига нисбатан туб камчиликлар, систематик хатолар бор. Бу ерда биз нима қилишни билмай ҳукумат идоралари хоналарига беркиниб олаётган ожиз нотавон сиёсатчиларни назарда тутмаяпмиз. Балки айни масала тўғрисида ҳеч қандай реал долзарб савол-таклифлар ўртага ташланмаётганини таъкидламоқчимиз. Айтиш мумкинки, бу масалада аслида кўпроқ аҳамиятга молик саволлардан деярли ҳар доим қасддан кўз юмишмоқда. Масалан, мана бу саволлар: Бу қочқинларнинг қочиб чиқишларига ҳақиқий сабаб нима? Нима учун бугун ер юзида 60 миллион инсон қочқинга айланди? Улар бундай саволларни ўртага ташлаш ўрнига, Европа чегараларини қандай ҳимоя қилиш лозимлиги ҳамда қочқинларни Европа Иттифоқи давлатлари ўртасида тенг тартибли тақсимлаш тўғрисида бош қотиришмоқда.

Қочқинлар масаласида реал саволлардан қасддан кўз юмишаётганининг сабаби эса, Ғарбдаги сиёсий элитага бориб тақалади. Улар муаммоннинг асл сабабини ўз халқларидан яширишмоқчи!

Халқаро қочқинлар бўҳронига сабаб об-ҳавонинг бузилиши ҳам эмас, табиий офатлар ҳам эмас. Бу ерда биз айни муаммони ҳал этиш учун аввало унинг сабабини тушуниш лозимлигини таъкидлаймиз!

Бугун дунёда қочқинларнинг тенг ярми Сурия, Афғонистон ва Сомалидан. Бу юртлар Ғарб тарафидан мунтазам бомбардимон қилинмоқда. Ғарб қонхўр Асад режимини ҳимоя қилишга уринмоқда. Чунки у ўзи назарда тутаётган «исломий оқимлар»нинг Дамашқни эгаллаб олишларидан, бу эса Фаластиндаги яҳудийлар давлати учун таҳдид туғдиришидан чўчияпти.

Дунёдаги қочқинлар воқеини диққат билан ўрганган киши шуни гувоҳи бўладики, бу қочқинлар давлатига ё Ғарб давлатлари уруш қилган бўлади, худди Ироққа қилинган уруш ва Малига Дания томонидан қилинган ҳарбий аралашув каби ёки улкан табиий бойликлари ва ресурсларига кўз олайтириб, иқтисодий жиҳатдан мустамлака қилишган бўлади. Оқибатда у ерларда очлик ва қашшоқлик кенг тарқалади, Нигерия, Гамбия, Эритерия, Камерун, Африка, Осиё ва Лотин Америкаси… каби. Қочқинлар ўз ҳаётларини хавф остига қўйган ҳолда сафарга чиқиб, Европа давлатларига, яъни уларнинг юртларини вайрон қилган давлатларга бош уриб келишгач эса, ё ёпиқ чегараларга ёки молиявий ёрдамлар борасида айримачиликка ёки ноинсоний муомалаларга дуч келмоқдалар… Бундай ёмон муомала сабабини Венгрия бош вазирининг ўзи яширмай очиқ айтди: «Қочқинлар гарчи Европа Иттифоқи аҳолисининг юздан бирини ҳам ташкил қилмасалар-да, бироқ, улар исломий сақофатга эга шахслардир, бу эса Европа сақофати истиқболига хавф туғдиради… Европа сақофати шундай заиф сақофат бўлиб қолдими?!!».

Дарвоқе, бу капиталистик либерал система юзидаги «инсон ҳуқуқлари» каби турли ниқоблар тушиб кетиши ортидан унинг ҳақиқий ифлос башараси аён бўлди. Шунингдек, Ғарб бу масалада инсонпарварлик билан шуғулланишни истамайди, шунингдек, қочқинлар муаммосини ечиш унинг қўлидан ҳам келмайди.

Эй мусулмонлар!

Сир эмаски, сиз асрлаб ҳаёт кечирган бир давлат даврида омонлик сўраган ва муҳожирларни эътиқоди ва миллатидан қатъий назар, ўз бағрингизга олгансизлар: юзлаб қурайшликлар Мадинадаги Ислом давлатида яшаган бўлса-да, ўн бешинчи аср ниҳоясида 150.000 яҳудий Ислом давлати марказларига Испания инквизиция судларидан қочиб келиб, унинг бағрида яшаш ва биринчи кундан бошлаб, табиий осуда ҳаёт кечириш ҳуқуқига эга бўлганлар. Тарихни варақлаб кўрган ҳар қандай инсон шуни яққол гувоҳи бўладики, ўшанда султон Боязид иккинчи даврида яҳудийларни Европа гулҳанларидан Ислом давлатидан бошқа ҳеч қайси давлат қутқармаган, султон эса ўз кемаларини адмирал Камол Роис амирлиги остида Испанияга жўнатиб, яҳудийларни қутқарган. Яҳудийлар ундан шу даражада гўзал муомалани кўрганки, ҳатто Исхак Сарфати исмли бир яҳудий раввини Европадаги яҳудийларга мактуб йўллаб, уларни Исломий Халифалик бошқаруви остидаги давлатларга бориб яшашга тарғиб қилади, чунки у ерлар «ҳеч ким кам бўлмайдиган», жой эканлигини ҳамда «яҳудийлар учун салибчилар бошқарувидан кўра исломий бошқарув остида ҳаёт кечириш афзал» эканини тушунтиради… Бироқ кейинчалик шу яҳудийлар буни қадрламай, яхшиликка ёмонлик билан жавоб қайтаришди!

Ғарб қадриятларидан фарқли ўлароқ, Ислом қадриятлари сиёсий вазият ёки ўткинчи манфаатга қараб ўзгармайди. Ислом инсонни шу даражада қадрлайдики, Аллоҳ Таолонинг ушбу каломида айтилганидек, битта жоннинг ноҳақ ўлдирилишини барча инсониятнинг ўлдирилишига тенглайди:

مَن قَتَلَ نَفْساً بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعاً

«Кимки бирон жонни ўлдирмаган ва ерда бузғунчилик қилиб юрмаган одамни ўлдирса, демак, гуё барча одамларни ўлдирибди»  [Моида 32]

Инсон ҳаёти олтину кумуш билан ўлчанмайди. Шунингдек, ҳур инсонларни ўйингоҳларда ёки вокзалларда ушлаб турилмайди, ёки гўё жиноятчилардек уч кун вақтинчалик ҳибсхоналарда ушлаб турилмайди. Чунки бу инсонлар оила ва фарзандлари учун омонлик излаб келганлар.

Эй мусулмонлар!

Бугун дунё миллатлари Ғарб империясига қарши туришга ожизлик қилди. Бу эса миллионлаб инсоннинг ҳалок бўлишига ёки қочқинга айланишига олиб келди. Биз 1,7 миллиард мусулмондан иборат Умматмиз, юртларимиз табиий бойликлар борасида бутун дунёда биринчи ва дунёнинг энг муҳим стратегик давлатлари ҳисобланади. Ҳаммасидан ҳам муҳими, бизнинг динимиз шундай сиёсий тузумга эгаки, у ҳар қандай замон ҳодисасига нисбатан мукаммал, мустаҳкам, муфассал тузумдир. Қачон бу тузумни татбиқ қилсак, капиталистик тузумнинг дунёга қилаётган зўравонлигига чек қўямиз. Ана шунда «учинчи давлатлар» дейилаётган ва табиий ресурсларга бой бўлган давлатларимиздан одамлар ҳаргиз қочиб чиқмайдилар. Билъакс, Исломий Халифалик давлати даврида одамлар табиий ресурсларга муҳтож Европа давлатларидан Осиё, Африка каби юртларимизга кўчиб келишади. Чунки Набийимиз САВ бизга бутун ер юзини ўз нури остига олажагини ваъда қилганлар.

«إِنَّ اللهَ زَوَى لِي الأَرَضَ فَرَأَيْتُ مَشَارِقَهَا وَمَغَارِبَهَا، وَإِنَّ أُمَّتِي سَيَبْلُغُ مُلْكَهَا مَا زُوِيَ لِي مِنْهَا»

«Аллоҳ ерни менга йиғиб кўрсатди, шунда унинг кун чиқишидан кун ботишигача барча жойларини кўрдим. Аниқки, Умматим мулки менга йиғиб кўрсатилган жойларгача етиб боради».

Ҳизб ут-Таҳрир                                                                     1 зул-ҳижжа 1436ҳ

Скандинавия                                                                         15 сентябр 2015м