بِسْمِ اللهِ الرَّحْمٰنِ الرَّحِيم

Матбуот баёноти

Помпеонинг Ироқ сафари ва Эрон муаммосининг мураккаблашиши

АҚШ давлат котиби Майк Помпео кутилмаганда Ироққа сафар қилди. Помпео сафар давомида жумҳурият президенти Барҳам Солиҳ ва бош вазир Одил Абдулмаҳдий билан учрашди. Бир расмий манбанинг таъкидлашича, Помпео сафари Вашингтон ва Теҳрон ўртасидаги муносабатнинг мураккаблашиши билан боғлиқ масалада Ироқни бетараф турмасликка чақириш учун бўлган.

Помпео сафари якунида бундай баёнот берди: «Биз уларни ўзимиз кўриб турган хатардан хабардор қилишни ва мавжуд шароитни тушунтиришни истадик. Токи, улар бизнинг команда-отрядимизни ҳимоя қилиш учун бор имкониятлари билан ҳаракат қилганликларидан хотиржам бўлишсин. Зеро, бу нарса ўз юртлари учун ҳам муҳим эканини улар тушуниб етишган эди. Чунки биз бирор шахснинг ушбу мамлакат ишларига аралашишини, хусусан Ироқ давлатига бирор давлатнинг ҳужум қилишини хоҳламаймиз». Помпео яна «Икки давлат ўртасида тўла иттифоқ бор», дея таъкидлади.

АҚШ давлат котиби Эроннинг Ироқдаги салбий роли ва унинг Ироқда мавжуд Америка қуролли кучларига бўлган хатари ҳақида гапирди. У бунда гўё Америка бу ишлардан покдек ёки Америка Эроннинг Ироқни босиб олишига мажбур қараб турганидек ҳамда Эронга ўз ролини кўрсатиб бермаганидек қилиб кўрсатмоқда. АҚШ давлат котиби бу гаплари билан барчани алдамоқда ва ўз мамлакатини оқламоқда. Ҳолбуки, Америка Ироқни босиб олди, Эронлик малайларини ҳокимият ва армия устига олиб келди ҳамда ёлланма жангариларини қўллаб-қувватлади. Америка Ироққа бостириб кирар экан, ўзи кутмаган қаршиликка дуч келди. Ушбу қаршиликка қарши туришда ёрдам бериш ҳамда оккупация ва ўзи тиклаган режимни қонунийлаштириш учун Эронни Ироққа киритди. Хусусан, 2005 йилдан кейин Америка Иброҳим Жаъфарий ва Моликий раҳбарлигидаги Эронни қўллаб-қувватловчи партиялар коалициясини ҳокимиятга олиб келди. Америка ушбу ҳукуматларга асос солди ва улар билан тиғиз алоқага эга. Эрон ёрдам берган Моликий ҳукумати Америка билан хавфсизлик ва стратегик иттифоқлар тузди. Токи Америка Ироқни босиб олганидан кейин у ердаги нуфузини расмий суратда сақлаб қолсин. Бу эса Америка Эроннинг ролидан рози эканини кўрсатмоқда. Бундан ташқари, Эрон расмийлари Ироқни босиб олиш ва Американинг у ердаги нуфузини барқарорлаштиришда Америка билан ҳамкор эканликларини тан олишган.

Эроннинг минтақадаги роли Американинг мустаҳкам сиёсатидир. Бу роль вазиятга мувофиқ ва Америка талабларига кўра гоҳ кенгайиб, гоҳида торайиб туради. Америка Эронни 1979 йилдан бери минтақа давлатларига қарши исломий қўзғолон хатари сифатида ушлаб келди. Америкадаги ҳокимиятга неоконсерваторлар келгач, бу нарса шиа хатарига айланди. Сўнгра араб баҳори ҳодисаларига таъсири бўлган минтақавий ролга айланди. Лекин охирги пайтларда Американинг Миср каби бошқа малайи кучга кирди, Саудиядаги бошқарувни қўлга олди ва Туркияни ишга солмоқда. Шунинг учун Америка Эронга бошқа роль юкламоқчи.

Биз бу ишларни Исломий Умматнинг ҳақиқий душмани мустамлакачи Ғарб давлатлари эканини мусулмонлар тушунишлари учун эслатиб ўтяпмиз. Чунки, айрим минтақа давлатлари нуфузини эътиборга олмаганда, мусулмон юртлари устидан Ғарб давлатлари ҳукмрондир. Шунингдек, юртларимиздаги сиёсатларни Ғарб давлатлари кўрсатиб беради. Аммо мусулмон ҳокимлар ўша давлатлар қўлидаги қурол бўлиб, уларнинг сиёсатини ижро этишади. Шунинг учун юртларимизни мустамлакачи кофирлар нуфузидан озод қилишга эътибор қаратилиши лозим. Бу эса, Ғарбга малай ҳокимларни улоқтириб ташлаш ва рошид Халифалик давлатида Ислом ҳукмларини татбиқ этадиган халифага байъат қилиш орқали амалга ошади. Шунингдек асосий муаммо фақат бугунги ҳокимларни улоқтириб юборишда бўлмаслик лозим. Зеро, мусулмонлар Тунис ва Мисрда бўлганидек малайлар алмашиши билан алданиб қолмаслиги лозим. Бугун ушбу сценарийни Ливия, Шом, Судан ва Жазоирда қўллашмоқчи.