بِسْمِ اللهِ الرَّحْمٰنِ الرَّحِيم

Роя газетаси:

Америка сайловларида қурол-яроқ ширкатларининг қай даражада таъсирга эгалиги фош бўлди:

Президентликка номзод Дональд Трамп қурол-яроқ лоббиси томонидан қўллаб-қувватланмоқда

АҚШдаги Индивидуаль қуроллар лоббиси ташкилотлари ичида энг нуфузлиси саналган Ўқотар қуроллар миллий Ассоциацияси президентликка республикачилардан номзод Дональд Трамп фойдасига овоз беришга чақирди ва бу унинг ўнг қанот устидан ўз ҳукмронлигини оширишини маълум қилди. Айни Ассоциациянинг сиёсий қаноти раиси Крис Кокс Ассоциациянинг Кентукки штатининг Луисвилл шаҳрида ўтказилган йиллик сьездида бундай деди: «Биз, ҳозирданоқ бирлашмоғимиз лозим. Мен шу залда ўтирган ватандошлар, жамиятимизнинг беш миллион аъзоси ва ўнлаб миллион қўллаб-қувватловчилар номидан жамиятимизнинг президентлик сайловида Трамп фронтига қўшилишини расман эълон қиламан». (Ҳаёт рўзномаси).

Роя газетасининг 2016 йил 25 май чоршанба кунги 79-сонидан