بِسْمِ اللهِ الرَّحْمنِ الرَّحِيمِ

Матбуот баёноти

Россия хавфсизлик хизматининг ёлғон ташвиқотлари

2017 йил 19 июнда ахборот воситаларидан бири Роман Силантьев билан ўтказган интервьюсини нашр қилди. Дин олими, дейилаётган бу кимса исломофобия ёлғонлари ҳақида сафсата сотиб, «Ҳизб ут-Таҳрир, шубҳасиз, террористик партия», «Британия ва Украинада бу ҳизб тақиқланмаган, чунки бу ҳукуматлар бу партиядан ўз манфаатлари учун қандай фойдаланишни биладилар», деди. Одамларни ўз ёлғонларига лақиллатиш мақсадида Силантьев «Украинада Ҳизб ут-Таҳрирнинг йирик базаси бор», деди.

Биз Ҳизб ут-Таҳрирнинг террористик партия эмаслигини, бу рус Федерал хавфсизлик хизмати тўқиган ёлғон эканини кўп бор таъкидлаб келганмиз. Ҳизбни «терроризм»га боғлашда бирорта ҳам далиллари йўқ бўлгани каби, унинг террористик амалиётларда иштирок этганлик ҳақидаги иддиолари ҳам фақат битта нарсага асосланган, холос. У ҳам бўлса, 2003 йил Россия олий суди чиқарган Ҳизб ут-Таҳрирни террористик ташкилотлар рўйхатига қўшиш қароридир.

Шунинг учун ҳам, Россиядаги сиёсий маҳбусларнинг тенг ярми Ҳизб ут-Таҳрир аъзоларини ташкил қилмоқда. Хавфсизлик хизмати ёлғонларини, Кремлга қарашли «RT» телеканалининг ўзи ҳам фош қилиб қўймоқда. Масалан, бу канал Ҳизб ут-Таҳрирнинг Британиядаги матбуот вакилига кўп бор мезбонлик қилган ва программаларида Ҳизб аъзоларини сиёсий исломий партия аъзолари ўлароқ тақдим этган.

Табиий савол туғилади: Бугун Роман Силантьев билан суҳбат уюштириш нега керак бўлиб қолди? Жавоб шуки, бундан 15 кун муқаддам Москва ҳарбий суди Ҳизб ут-Таҳрирнинг беш нафар аъзоси устидан ҳукм чиқарди. Бешовлон йигит ўзларини Ҳизб ут-Таҳрир аъзолари эканликларини яширмадилар ва ушбу партияни террористик ташкилотлар рўйхатига мутлақо қўшиб бўлмаслигини, бунга ҳеч қандай далил йўқлигини қаттиқ туриб таъкидладилар. Уларнинг адвокатлари ўз мижозларига қарши террористик фаолият қилган, дея кўрсатилаётган айбловлар ғирт инсофсиз-асоссиз эканини беш соат давомида исботлади ҳамда бешовлон йигитнинг айбсиз эканликларига ишонарли далиллар келтирди. Бироқ Москва ҳарбий трибунали булардан кўз юмди ва Россия Федерацияси жиноят кодексининг 205 модда 5-1 банди (Россияда террористик ҳисобланган ташкилот фаолиятларида қатнашганлик) асосида йигитларни айбдор, дея ҳукм чиқарди! Амирхан Нумончоновни 15 йилга, Алишер Хусейновни 15 ярим йилга Сухроб Ироновни 17 йилга, Наимджон Хўджаековни 18 йилга, Мирзобаховвадин Курбоновни 16 йилга қаттиқ тартибдаги колонияга ҳукм қилди.

Бундан бир ҳафта олдин эса, Ураинанинг Одесса шаҳри Апелляция суди Одесса судининг Ҳизб ут-Таҳрир аъзоси Илдар Валиевни қамоқ жазосига ҳукм қилишга оид қаррорини бекор қилган эди. Илдар жорий йил 25 майда «террористик» ташкилотга аъзолик айблови билан рус хавфсизлик хизмати томонидан Интерпол қидирувига берилгани боис Одесса аэропортида ҳибсга олинган эди. Бироқ судьялар Илдар ҳимоячисининг ҳам, прокурорнинг ҳам сўзларини тинглагач, бу судланувчининг ҳам, Ҳизб ут-Таҳрирнинг ҳам терроризмга алоқаси йўқлиги боис унинг дарҳол озод этилиши тўғрисида ҳукм чиқарди.

Иккала суд қарори ҳам Россия ахборот воситаларида хабар қилинди ва бу ўз-ўзидан турли саволлар келтириб чиқарди. Бунинг жавоби учун оддий ҳақиқатни баён қилишимизнинг ўзи кифоя. Яъни Россия Федерал хизмати «терроризмга қарши кураш» сценарийсини яратади, бу унга нафақат миллионлаб доллар келтиради, балки шу билан бирга, юртда унинг сиёсий таъсирини ҳам кучайтиради. Шунинг учун бу хизмат юзага келган мазкур саволга жавоб бериш мақсадида Силантьев сингари «дин олим»лари билан учрашувлар уюштирмоқда, шу орқали ўзининг Ҳизб ут-Таҳрирга қарши содир этаётган жиноятлари одамларга фош бўлишини олдини олишга уринмоқда.

Аллоҳ Таоло бундай дейди:

وَلاَ يَحْسَبَنَّ الَّذِينَ كَفَرُواْ أَنَّمَا نُمْلِي لَهُمْ خَيْرٌ لِّأَنفُسِهِمْ إِنَّمَا نُمْلِي لَهُمْ لِيَزْدَادُواْ إِثْماً وَلَهْمُ عَذَابٌ مُّهِينٌ

«Куфр йўлини тутган кимсалар уларга берган муҳлатимизни зинҳор ўзлари учун яхшилик деб ҳисобламасинлар! Балки биз уларга фақат гуноҳларини зиёда қилишлари учунгина муҳлат берамиз. Улар учун хор қилгувчи азоб бордир»      [Оли Имрон 178]

Ҳизб ут-Таҳрирнинг

Россиядаги матбуот бўлими

Расмий сайт: www.hizb-russia.info

Электрон почта: mediaoffice.htr@gmail.com

0

0