بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Санъода бўлаётган Али Солиҳ билан Ҳусийлар ўртасидаги Англо-Америка кураши сиёсий майдондан бир-бирларига қарши жанг қилиш майдонига кўчаётгани яққол намоён бўлмоқда

Абдулмўмин Зайлаий

АҚШнинг Ямандаги собиқ элчиси Жеральд Фаерштейн Солиҳ ва оиласининг қайтиши бугун Яман халқи бошдан кечираётган офатдан ҳам ёмон офат бўлади, деди. «Ал-Жазира» каналининг «Била ҳудуд» кўрсатувида қилган чиқишида Фаерштейн Солиҳнинг қўллари қонга ва коррупцияга ботган, унинг ва оиласининг қудратга қайтишларига йўл қўймаслик керак. Чунки Яман бошдан кечираётган бундай вазиятга бошқа ҳар қандай томондан кўра кўпроқ сабабчи ҳам, яманликларнинг шунча кўп сонда ҳалок бўлишларига ҳам ўшалар жавобгар, дея таъкидлади. Солиҳ билан Ҳусийлар ўртасидаги муносабатнинг бузилиши, муқаррар бўлганини изоҳлади. Саудиянинг Ямандаги уруш ботқоғидан чиқиши ҳақида Фаерштейн Саудия мамлакати бу уруш ботқоғидан чиқишни жуда истайди, «аммо айни уруш унга қимматга тушди, унинг учун катта чиқим тўламоқда», деди. Европа Иттифоқининг икки ҳафта муқаддам ўз вакиласини Яманга юборганига, бу хоним юрт шимолидаги Соъда вилоятида Ҳусий жангарилар раҳбари Абдулмалик Ҳусий билан учрашиб, тинчлик саъй-ҳаракатлари ва музокараларни қайта бошлаш ҳақида суҳбатлашганига эътиборни қаратди.

Шуни таъкидлаш жоизки, Яман пойтахти Санъодан олинган аниқ маълумотга кўра, шанба куни кечасидан бери Санъо жанубидаги Ҳадда шаҳрида бир мунча ҳушёрлик билан тинч вазият ҳукм сурмоқда. Чунки бундан олдин собиқ президент Али Солиҳнинг ўғли Салоҳ тарафдорлари билан Ҳусий жангарилари ўртасидаги қонли тўқнашувлар ортидан, бундай тарангликка якун ясаш келишилган. Айни тўқнашувда Али Солиҳни ҳимоя қилиш бўлимидан полковник Холид Ризо ва Ҳусий жангариларидан икки киши ҳалок бўлган.

Ҳусийлар (Али-Солиҳ) ички ишлар вазирлиги вазият юмшатилганини, вазиятни барқарорлаштириш учун воситачи қўмиталари юборилганини маълум қилди. Лекин Санъодаги аҳолининг айтишича, инқилобнинг икки томони (Али Солиҳ ва Ҳусийлар)дан бўлган жуда кўп ҳарбийлар, Жавлат Мисбоҳий шаҳри, Ҳаддадаги аҳоли яшовчи пунктлар, Сабъий майдони ва  у ерларга яқин минтақа томон ҳаракат қилишда давом этмоқда. Бир вақтнинг ўзида, инқилобнинг икки томони ўртасида бир-бирига таҳдид қилишлар, ишдан олинган Али Солиҳ партиясидаги етакчиларнинг ўз тарафдорларини Ҳусийларга қарши қайта қўлга қурол олишга даъват қилишлари ва уларни – Амирликларда чиқадиган «Баён» газетасида хабар қилингандек – вазиятни беқарорлаштиришда айблашлари тўхтовсиз давом этмоқда.

Санъодаги Ҳусийларга қарашли «Саба» ахборот агентлиги Ҳадда шаҳрида «Халқ қўмиталари»дан икки аскарнинг ҳалок бўлганини эътироф этди ҳамда бу Жавлат Мисбоҳий шаҳри хавфсизлик пунктига қилинган ҳужумда бўлган, деди. Бироқ кейин маълум бўлишича, тўқнашувлар Али Солиҳ ўғилларидан бири ва унинг тарафдорлари билан Ҳусий жангарилар хавфсизлик пункти ўртасида бўлган.

Агентликнинг хавфсизлик хизматидаги бир манбага таяниб хабар қилишича, пойтахт хавфсизлиги кучлари ва марказий хавфсизлик кучлари тўқнашувларга аралашган ҳамда отишмалар тўхтатилиб, вазият барқарорлаштирилган.

Санъонинг кўплаб аҳолиси маҳаллаларда тўпланиб, бўлаётган ҳодисаларни тушунишга ҳаракат қилмоқдалар, чунки инқилобнинг икки иттифоқчилари ўртасида келиб чиққан низо сабабли пойтахтда хавотирли ва беқарор вазият ҳукм сурмоқда, бу нарса уч ярим миллиондан зиёдни ташкил қилувчи санъоликлар ҳаётига таҳдид солмоқда… Шундоқ ҳам инқилобчиларнинг шаҳарни ўз назоратларига олгандан бери азоб-уқубатлардан бошлари чиқмай қолганди.

Бу икки томон ўртасидаги таранглик ўтган ҳафта бошланиб, давом этмоқда. Ўтган ҳафтага қадар улар ахборот воситалари орқали бир-бирига қарши тошлар отишган, бир-бирини коррупциячиликда айблашган… Кейин эса, ўтган пайшанба бир вақтда бир-бирига қарши иккаласи ҳам қўшин йиғишга тушиб, ҳарбий кучини намойиш қилиш даражасига етишди. Шунда Ҳусий жангарилар ўзларининг инқилобдаги асосий ҳамкорлари бўлган ишдан олинган президент Али Солиҳнинг кучларини тўплаб, пойтахт Санъодаги Сабъин майдонида ҳарбий кучни намойиш қилиш тадбирини ўтказгани, бу айнан ўзи фаолият қилган майдон бўлгани тўғрисида гапирди, бу гапни тадбир тугашидан бир неча соат ўтибоқ айтди.

Ҳақиқатдан ҳам, бу икки зоҳирий иттифоқчи ўртасидаги курашнинг келиб чиқиши Жеральд Фаерштейн «Ал-Жазира» каналининг «Била ҳудуд» кўрсатувида айтганидек, муқаррар эди. Чунки Али Солиҳ инглизпараст, Ҳусийлар эса Америка томонидан қўллаб-қувватланади. Чунки америкапараст Саудия етакчилигида бўлган «Кескинлик бўрони» амалиётини олиб боришдан мақсад, баъзилар ўйлаётганидек Ҳусийларга қарши бўлмаган, йўқ, аксинча, уларни қутқаришга қаратилган. Чунки Ҳусийлар бошқа минтақаларга қадар кенгайишда омадлари чопмай қолганди, бу омадсизлигидан Али Солиҳ билан унинг ўғли ҳокимиятга чиқиб олишда фойдаланишмоқчи бўлишган. Шунинг учун Америка «Кескинлик бўрони» орқали Ҳусийларни қутқаришга уринган. Мана, бугун Ҳусийлар Санъо ва унинг атрофидаги минтақаларда кечаю кундуз ҳарбий кучини намойиш қилишяпти ва ўзларига қарашли машқ лагерларида ҳарбий машқлар олиб боришяпти, фақат бомбардимон қилишмасдан, бомбардимонни оддий яманлик аҳлимизга қарата йўллаш билан амалга оширишяпти. Масалан, яқинда Санъонинг Фаж Атон ва Арҳаб маҳаллаларида содир бўлган қирғин каби!

Дарҳақиқат, Ҳусийлар Али Солиҳни америкапараст Амирликлар билан шубҳали битим имзолаб, уларга қарши инқилоб ясашга тил бириктирганликда айблади. Демак, бундан аён бўляптики, Ямандаги кураш сиёсийликдан ҳарбий майдонга, бир-бирлари билан қирпичоқ бўлишга ўтяпти… иккала тараф ҳам, агар имкон топса, ўлжани фақат ўзим олсам, деяпти ва шунга пистирма қўйяпти. Масалан, Ҳусийлар беш бармоқларини оғзига тиқяпти, Али Солиҳ ва унинг партиясини эса, ҳайкал бўлиб тураверишини исташяпти. Аммо Али Солиҳ давлатдаги ўз нуфузи ва кадрларини муҳофаза қилиш учун айёрлик ва муросани ишга соляпти, шу боис улар билан алоқани буткул узиб ташлаши ҳам амри маҳол. Чунки улар ҳокимиятни усиз фақат ўзлари бошқаришни умид қилишяпти, шуни ҳисобга оляпти.

Али Солиҳ қаноти ҳам Ҳодий қаноти ҳам Ҳусийларнинг оёғидан чалишга уриниб келишди. Улар уруш қилиб бўлса ҳам Ҳусийларга қарши иттифоқ тузишлари ва битим имзолашлари эҳтимолдан холи эмас. Чунки Ҳусийлар Санъода уруш қилиш билан али Солиҳни йўқ қилиш ҳақида ўйлайдиган бўлса, у ҳолда, Ҳодий томони ҳам у ерга кириш мақсадида ғазаб фронтидан ҳаракат қилиб, Ҳусийларни қаттиқ сиқувга олиши мумкин. Яман устидаги бу курашда инглизлар айёрлиги ғолиб келадими ёки америкаликлар такаббурлигими, буни вақт кўрсатади?!!

Шубҳасиз, Яман ичкарисидаги бу томонларнинг барчаси ўртасидаги кураш сиёсий кураш бўлиб, ташқаридаги Америка билан Британия нуфуз ва ҳукмронлик талашишяпти, ўз мустамлакачилик режаларини амалга оширишга уринишяпти, бироқ ўртада куйиб-жизғинак бўлаётган Ямандаги оддий халқдир. Бас, бу малай ва қўрқоқлар хомтама бўлишмасин, чунки Яман аҳлидан улар ўйлаган нарса ҳаргиз чиқмайди, балки, уларнинг қўлида Пайғамбарлик минҳожи асосидаги рошид Халифалик барпо этишга ҳаракат қилиш келади… Халифалик эса, бу ювиндихўрларнинг ҳам, мустамлакачи хўжайинларнинг ҳам қўлларига болта уради.

http://telegram.me/hizbuzbekiston

Роя газетасининг 2017 йил 6 сентябр чоршанба кунги 147-сонидан