بِسْمِ اللهِ الرَّحْمنِ الرَّحِيمِ 

Роя газетаси:

Саудлар оиласи ва уларнинг уламолари Ислом аҳкомларига қарши мафкуравий кураш бошлади

Ҳижрий 1439 йил 14 робиул-аввал, милодий 2017 йил 2 декабр шанба куни «Арабий 21» сайтида қуйидаги хабар нашр қилинди:

«Саудия мудофаа вазирлигига қарашли «Мафкуравий кураш» маркази «муртадлик» ҳукмига доир баҳс-мунозарани қўзғади.

Анча йиллар бўлди, шайх Абдулазиз ибн Боз муртадга белгиланган ҳадни (яъни ўлим жазосини) инкор этган кимса «ё жоҳил ёки залолатга кирган кимса бўлиб, унинг бу гапини олиш мумкин эмас», деган эди. Бугунга келиб «Мафкуравий кураш» маркази Исломий Уммат уламолари ихтилоф қилган айни масала тўғрисида қайта баҳс-тортишув бошлади.

Ушбу марказ твиттерда «Набий САВнинг Қуръон нусусида муртадлиги айтилган шахсни ўлдирганлиги ўз исботини топмаган», дея ёзди.

Сўнг «муртадни жазолаш» масаласи, «террорчилар» ўртага ташлаган ва қайта-қайта айтилган кўплаб ботил таъвилотлар жумласидандир, дея давом этди.

«Мафкуравий кураш» маркази «Баъзан муртадлик энг катта хиёнатни ўз ичига олади, шунингдек, муртадликдан жамоа жипслиги, дин дахлсизлиги ва дин обрўйи ҳимоясига оид омма ҳуқуқларига зиён келтирувчи турли салбий таъсирлар келиб чиқади», дея қўшимча қилди.

Марказ – «террорчилар» ҳақидаги сўзга қайтар экан, муртадни ўлдириш керак, деб айтаётганлар ўзлари «зоҳирий кофир», дея сифатлашган шахсларни нишонга олишади-ю, аммо ўлим жазосига «аслий кофир», дея сифатланган шахслардан кўра ўзлари ҳақлироқдир, дейди.

Марказ фиқҳий баҳс-тортишувларнинг бирида «муртадни ўлдириш шаръий нусусларга хилофдир. Чунки шаръий нусуслар диний эркинликни, динга мажбур қилмасликни тан олган. Бу нусуслар сони икки юзта матн ва воқеалардан ортиқдир», деди.

Марказ «Қурайшнинг Ҳудайбия сулҳида қўйган шарти бўйича, мусулмонлардан кимда-ким Маккага Исломдан муртад бўлиб қайтиб келса (ваҳоланки, у пайтда Қурайш ҳукмрон эди), Набий САВ уни Қурайшдан талаб қилиб олмайдиган бўлган», дея изоҳлади. Кейин сўзини «Агар муртадликка шаръий жазо бўлганда эди, ўшанда Набий САВ бу шартга кўнмаган бўлардилар. Чунки ул зотнинг бирор важ-сабаб учун шаръий аҳкомлардан бирортасидан ҳам воз кечишлари мумкин эмас», дея ўз сўзини давом эттирди.

«Мафкуравий кураш» марказининг «муртадликка» доир ўз кўз-қараши тафсилотларини нашр қилиши кутилмоқда. Марказнинг бу кўз қараши бу масалада келгуси ҳукуматга ярим расмий кўрсатма ўрнида бўлади.

Роя газетаси шарҳи:

«Саудия мудофаа вазирлигига қарашли «Мафкуравий кураш» марказининг бу гаплари билан исломий фиқҳ ёки мусулмонлар уламолари ўртасидаги фиқҳий ихтилоф ўртасида мутлақо боғлиқлик йўқ. Бу ерда марказнинг мақсади аслида бошқача. Яъни, мақсад – Муҳаммад ибн Салмоннинг америкалик хўжайинига итоат қилган ҳолда, жамиятни илмонийлаштириш саъй-ҳаракатига эргашишдир. Саудиялик сарой уламолари ҳам, уларнинг мафкуравий марказлари ҳам Ислом аҳкомларини ўзгартиришга ҳамда мусулмонларни адаштириб, Саудлар оиласи нафс-ҳаволарига мувофиқ фатволар чиқаришга доим ҳозиру нозирдирлар. Бу уларнинг одатига айланган. «Мафкуравий кураш» марказидан мурод, Исломни ҳимоя қилиш ва унга зид мафкураларга қарши курашиш эмас. Аксинча, бу марказлар Ислом ва унинг аҳкомларига қарши курашиш ниятида очилган. Бунинг учун доимо Америка пайдо қилган ва унга қарши курашишга даъват қилаётган «терроризм»га қарши кураш бир баҳона бўлиб келган. Америка ва унинг малайлари мана шу нарса билан Исломга қарши курашларини ниқоблайдилар.

Роя газетасининг 2017 йил 6 декабр чоршанба кунги 159-сонидан