بِسْمِ اللهِ الرَّحْمنِ الرَّحِيمِِ

Матбуот баёноти

Шарқий Ғутада ҳожи Абу Моликнинг ўғирлаб кетилиши уни ўғирлаганлар пешонасидаги шармандалик тамғасидир

2016 йил 11 октябрда Ғута ҳақ устида собит туриб, Аллоҳ шариатини барпо этишга даъват қилаётган инсонларга қарши ғоят пасткашлик ва номардлик билан амалга оширилган  даҳшатли жиноятга гувоҳ бўлди. Бу жиноят Ҳизб ут-Таҳрир аъзоси сиёсий муфаккир ҳожи Абу Моликнинг ўғирлаб кетилишидир. У Шом қўзғолонидан олдиноқ қонхўр режим томонидан қамоққа олинган ва шу қамоқ ҳам Аллоҳ Азза ва Жалла ризоси учун исломий ҳаётни қайта бошлаш ғояси сари юрган йўлидан уни заррача бура олмаган. Бироқ унинг ҳақда собит туриб, ҳақ сўзини баралла айтаётгани, ўғирлаб кетган кимсалар ҳаловатини бузди, туғёнларини ларзага келтирди ва шу боис улар мана шундай гуноҳга қадам қўйишди, шундай қилмишлари билан Аллоҳнинг нурини ўчиришга, хўжайинлари ризоси йўлида ҳақ овозини ёпишга қодирмиз, деб ўйлашди.

Бундай манфур жиноят жавобгарлиги Ғутани назорат қилаётган ва уни ҳимоя қилишини даъво қилаётган гуруҳлар зиммасига тушади. Чунки ўғирлаб кетганлар ўшалар орасида, демак, бу кимсаларни қувғин қилиш ва такрор бундай аянчли жиноят содир этишларини олдини олиш шу гуруҳлардан талаб этилади. Акс ҳолда, одамлар хавфсизлиги ва ҳимоясига жавобгарлигига улар муносиб бўлмай қоладилар ва бу жавобгарликни Шомнинг Аллоҳ йўлида маломатчининг маломатидан қўрқмайдиган муносиб ҳалол кишиларига қўйиб беришлари керак бўлади.

Бизнинг бор умидимиз, Шарқий Ғутадаги аҳлимиздан. Чунки юртни зое кетказган, нусратни кечиктирган, азоб-уқубатларини эса узайтирган бундай бузғунчи вазиятга қарши ўшалар ҳаракат қилмоқдалар. Шу боис улар зулмни даф қилишлари, золимларни тийиб қўйиб, ундайлардан ўз қўзғолонларини тозалашлари керак. Уларнинг ҳаракатлари ва намойишлари самарали бўлиши ҳамда барча қабул қилиб рози бўлган аниқ ғоя сари йўналтирилган бўлиши лозим. Ҳа, бу ғоя Шомни Пайғамбарлик минҳожи асосидаги рошид Халифалик давлати марказига айлантиришдир. Шунингдек, уларнинг намойишлари онгли намойиш бўлиши, яъни Ғута аҳлини жузъий алдамчи ечимларга рози бўлмайдиган онгли кишиларга айлантирувчи намойиш бўлиши лозим. Уббода ибн Сомитдан ривоят қилинади: «Биз Росулуллоҳ САВга хурсандчиликда ҳам, хафачиликда ҳам қулоқ солиб, итоат этишга, бошлиқликни эгасидан талашмасликка, қаерда бўлмайлик ҳақ ишни қилиш ва ҳақ сўзни айтишга, Аллоҳ йўлида ҳеч бир маломатчининг маломатидан қўрқмасликка байъат бердик». (Имом Бухорий ривояти).

Ҳизб ут-Таҳрир-Сурия вилояти матбуот бўлими