МАТБУОТ БАЁНОТИ

Жиддий курашни жиддий кураш билан қарши олинади, қуруқ танқид ва қораловчи баёнотлар билан эмас! 

Туркия, Миср, Саудия Арабистони, Қатар, БАА, Иордания, Индонезия ва Покистон ташқи ишлар вазирлари якшанба куни эълон қилган қўшма баёнотида фаластинликларни Ғазо секторидан мажбурий кўчиришга қаратилган ҳар қандай уринишни кескин рад этди ва яҳудий вужудининг номи чиққан «миллий хавфсизлик вазири» Бен-Гвир ҳамда мудофаа вазири Кацнинг депортацияга доир режаларини «энг оғир иборалар билан» қоралади. Аммо мусулмонлар манфаатига келганда, бир парча қоғозчалик ҳам қадри қолмаган халқаро ташкилотлар ва расмий меъёрларга умид боғлаш одати бу гал ҳам такрорланди. Вазирлар мазкур фитнакор баёнот ва чақириқларни халқаро ҳуқуқ, жумладан, халқаро гуманитар ҳуқуқ тамойилларининг қўпол равишда бузилиши ҳамда Фаластин халқининг табиий ва дахлсиз ҳуқуқларига тўғридан-тўғри таҳдид деб баҳолаш билан кифояландилар.

Ҳолбуки, воқелик бутунлай бошқача манзарани кўрсатмоқда. Аллоҳнинг душмани Бен-Гвир махсус вазирлик ташкил этиш орқали 7 йил ичида Ғазодан 1,86 миллион аҳолини қувиб чиқаришга қаратилган пухта этник тозалаш режасини очиқ эълон қилди. Ҳарбий маҳкама раҳбари Кац ҳам бундай режа мавжудлигини тасдиқлади, бироқ араб давлатларининг АҚШ президенти Трампга ўтказган босимлари ва унга тақдим этилган йирик инвестициявий таклифлар сабабли лойиҳа вақтинча музлатилганини билдирди. Бутун бошли саккизта исломий юртларнинг ташқи ишлар вазирлари эса ана шундай аниқ ва хавфли ташаббусларга нисбатан фақатгина қуруқ қоралаш ва баёнотлари билан чекланмоқда. Яҳудий вужудининг ҳар куни юз бераётган тажовуз амалиётлари билан ўз тасдиғини топаётган амалий ва қатъий қадамлари қаршисида фақат сиёсий баёнот бериш — бу муаммога мутлақо жиддий ёндашилмаётганининг ва уммат кўзини шамғалат қилиш сиёсати давом этаётганининг яққол исботидир.

Бугун Фаластиндаги биродарларимизга қарши олиб борилаётган қирғин ва ваҳшийликлар кундалик одатий ҳолга айлантирилди. Суиқасдлар, портлатишлар, оммавий қамоққа олишлар, ҳарбий рейдлар ва ноқонуний турар-жойларни тинимсиз кенгайтириш давом этмоқда. Бундан ташқари, Ғарбий Соҳил ҳудудий жиҳатдан батамом парчалаб ташланиб, аҳолининг кундалик тирикчилиги ва ризқ-рўзига мисли кўрилмаган чекловлар қўйилмоқда. Аҳоли ҳаётини жаҳаннамга айлантиришдан кўзланган бош мақсад — уларни ўз юртидан бош олиб чиқиб кетишга мажбурлашдир. Шу йўл билан Аллоҳнинг душманлари бўлмиш бу яҳудлар «агар хорижда қабул қилувчилар топилса, фаластинликларнинг 80 фоизи ўз ихтиёри билан кўчиб кетишга тайёр» деган сохта иддаоларини амалга оширишни кўзламоқда.

Шундай кенг кўламли тажовуз, жирканч стратегия ва режали амалиётлар қаршисида мусулмон ўлкалари етакчиларидан фақат саммитлар ўтказиш, норозилик ноталарини эълон қилиш ва масалани яна Бирлашган Миллатлар Ташкилоти каби мустамлакачи кучларнинг хизматидаги ташкилотлар ихтиёрига ташлаб қўйишдан бўлак ҳеч қандай жиддий амалий қадам кўрмаяпмиз.

Аслида эса Фаластин аҳлига ҳақиқий ёрдам бериш, улардан депортация хавфини бартараф этиш ва бутун Фаластин тупроғини тўлиқ озод қилиш — агар мазкур саккиз давлат, ҳеч бўлмаганда улардан баъзилари ёки алал-ақал биттаси қатъий сиёсий ирода кўрсатса — мутлақо қийинчилиги йўқ, амалга ошириш осон бўлган ишдир. Чунки бу ҳукмдорлар томонидан казармаларда ушлаб турилган улкан мусулмон армиялари айнан мана шундай бурчни адо этишга чақирилган, шунга масъул ва бунга тўлиқ қодирдир. Ислом уммати эса бу ҳақиқатни аллақачон теран англаб етди; халқ энди заиф ва саҳналаштирилган сиёсий томошаларга алданмайди.

Модомики бугунги ҳукмдорлар Аллоҳнинг амрига қулоқ тутмас, мазлум Фаластин аҳлининг фарёдини эшитмас эканлар, уммат армияларидаги содиқ ва холис ҳарбийлар олдида Рошид Халифаликни тиклаш йўлида Ҳизб ут-Таҳрирга нусрат беришдан ўзга муқобил йўл қолмади. Зеро, фақатгина ана шу Давлатгина мусулмонларни бир мушт сингари бирлаштириб, Фаластинни бутунлай озод қилади. Аллоҳ таоло Ўз Каломида шундай марҳамат қилади:

﴿وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيّاً وَاجْعَل لَّنَا مِن لَّدُنكَ نَصِيراً﴾

Сизларга нима бўлдики, Аллоҳ йўлида ҳамда: “Эй Раббимиз, бизни аҳли золим бўлган бу шаҳардан чиқаргин, бизга Ўз ҳузурингдан бир ҳомий ато эт ва бизга Ўз ҳузурингдан бир мададкор юбор!” деяётган эркаклар, аёллар ва болалардан иборат мустазъафлар (бечора ва мазлумлар ҳимояси) йўлида жанг қилмаяпсиз?!» [Нисо сураси, 75-оят].

Ҳизб ут-Таҳрир Марказий Матбуот бўлими