بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Шом қўзғолони тўғри йўлга етакловчи раббоний сиёсий етакчиликка муҳтож

Аҳмад Муоз қаламига мансуб

Ҳозирда Шом қўзғолони воқеалари ривожланиб кетди. Бир томондан, хорижий мухолафат башараси очилди. Яъни, Ғарб ўзининг сиёсий ечимини Шом аҳлига тиқиштиришда тайёр ҳужжат сифатида фойдаланиш учун бу мухолафатни ҳимоя қилишга ва ҳаммасини жамлашга ҳаракат қиляпти. Яна бир томондан, жангчи гуруҳлар етакчиларининг ҳам сохталиги очилди. Улар шунча вақтдан бери қонхўр режимни ағдариш учун унга қарши жанг қилаётгани билан мақтаниб келишаётган эди. Энди бўлса, асл башаралари, заифликлари ва йирик давлатлар қўлидаги қўғирчоқдан бошқа нарса эмасликлари очилди-қолди. Бунга мисоллар кўп, масалан, яқинда жанубдан тортиб, Ғута шарқига қадар вазият кескинлигини юмшатиш келишуви бўлиб ўтди ва гуруҳлар бунга рози бўлишди. Бу битим Сурия режими бошқа минтақалардан бўшагунига қадар айни минтақаларни қўзғолонни давом эттиришдан чалғитади. Агар гуруҳ етакчилари Шом аҳли масаласида савдолашиб уни душманга қўш-қўллаб топширганларидан кейин «Ватан» қўйнига қайтишга улгуришмаган бўлса режим бу минтақаларга ҳам қайтади.

Ушбу тарихий лаҳзаларда биз ўзимизни ўзимиз алдамаслигимиз, нарсаларга ёлғончи ахборот воситалари Шомдаги диндошларимизга тасвирлаётгандай эмас, балки ҳақиқат кўзи билан қарашимиз лозим. Чунки мухолафат, асосан, миллий илмоний коалиция, Риёз ҳайъати, булар музокара учун бир ниқобдир. Булар Остонаю Женева музокараларида режимни мустаҳкамлаш ва унинг қўзғолонда очилиб қолган қонхўр башарасига қонунийлик ниқобини кийдириш учун бир арзонгаров қўғирчоқлар сифатида хизмат қилишгани фош бўлди. Ваҳоланки, биз ҳам, бутун Уммат ҳам айни музокараларни мутлақо рад этган эдик. Мана, ҳозир қонхўр режим шу музокаралар орқали мустаҳкамланиб олди… У халқаро вазиятни ҳам, халқаро қарорларни ҳам яхши тушунмоқда ва халқаро қонунларнинг нозик ерларини топиб, ўз манфаатида фойдаланмоқда. Ушбу музокараларда унинг қўлланмаси ҳисобланган конституциясига биноан бераётган баёнотлари пухта бўлмоқда, ҳар бир ишни ўз қонун ва низомларига мос қилиб қиёсламоқда. Мухолафат эса на қонуний ва на қўзғолонга оид қўлланмага эга эмас. Ундаги асосий ҳукмрон бўлган нарса, де Мистурадан тортиб, халқаро қўллаб-қувватловчи давлатга қадар ҳаммаси шу музокарани мақташдан бошқа нарсани билишмайди. Музокарачилар эса, Эрон билан Россиянинг музокара амалиётини кузатувчилари бўлишига рози бўлишди. Ҳолбуки, режимга қарши курашаётган қўзғолончиларни қирғин қилишга армия ва жангариларини сафарбар қилганлар мана шу Эрон билан Россиядир. Бу иккисига ҳеч ким ҳеч нарса демаяпти, ҳатто Сурия халқининг дўсти эканини даъво қилган давлатлар ҳам, улар тепасида турган Америка ҳам. Америка ҳеч бўлмаса, шу заиф-нотавон мухолафатнинг ҳам умидларига тескари иш қила бошлади. Яъни кутилмаганда АҚШ маъмурияти суриялик мухолафатчи гуруҳларни машғулотдан ўтказиш ва уларни қуроллантириш дастурини тамомлаш тўғрисида қарор қабул қилди. Бу қарор Россия раҳбарияти тарафидан илиқ олқишлар билан қарши олинди: Россия ташқи ишлар мулозими Артём Кожин Москва мухолафатни қўллаб-қувватлаш дастурининг тугатилишини олқишламоқда, деди ҳамда Ўрта Шарқда кескинликни юмшатиш ва хавфсизликни мустаҳкамлаш сари ташланган бу каби барча қадамлар албатта мақтовга сазоворлигини таъкидлади. Биз низони ҳал этиш сари Риёз-Қоҳира-Москва позицияларида сезиларли яқинлашув борлигини, бу позицияларнинг Сурия кризисини ҳал этишда янада реал қадр-қийматга эга бўлаётганини кўряпмиз, деди. Сурия мухолафати эса, айни қарорни танқид қилди, баъзи «Жайшул Ҳур» гуруҳлари уни Москва талабларига итоат қилиш, деб ҳисоблаяпти ва шу боисдан жиҳодий гуруҳларни кучайтириш лозимлигини таъкидлашмоқда.

Шубҳасиз, Асад режимига расман ҳомийлик қилиб, уни қўллаб-қувватлаш учун Эрон ва Россияни жалб қилган ҳамда қўзғолон бошлангандан бери сиёсий ечимга эришишга БМТ билан исломий юртлардаги малай ҳукмдорлардан фойдаланаётган АҚШ бошидан бери қўзғолон илигига болта уришга уриниб келди. Чунки ушбу қўзғолон режимни илдизу арконлари билан қўшиб қўпориб ташлаш учун етарли даражада кучли эди. Аммо айнан шу мухолафат, қўзғолон муддатини Американинг сиёсий ечими сари чўзиб олиб келди, қўзғолончиларни режим бағрига қайтариш учун ҳолдан тойдиришни, сафларини бўлиб, парчалашни мақсад қилди…Чунки бу мухолафат илмонийдир, бу жуда яққол кўзга кўриниб қолди. Ҳатто бироз диққат билан қаралса, мухолафат билан режимнинг қўзғолон истагини вайрон қилишга бор кучи билан бирга ҳаракат қилаётгани аён бўлади. Уларга жуда кўп томонлар ёрдам бермоқда, асосан, қўзғолоннинг расмий гуруҳлари Америка ва унинг зараркунанда ҳамкор давлатларидан олишаётган ёрдамларига «шаръийлик» тусини беришди. Яъни манфаат ва мафсада қоидасини ниқоб қилишди ва бундай ёрдам олишлари сабабли, аксар гуруҳлар хориж кўрсатмасисиз қимир этмайдиган, уларнинг қизил чизиқларини мутлақо ҳатламайдиган гуруҳларга айланди. Бунинг сабаби, улар сиёсий воқени ҳам, унинг шаръий ҳукмга тўғри келиш-келмаслигини ҳам тушунишмайди, сохта ютуқларни нусрат, дея тасвирлашади. Аммо ҳеч қанча вақт ўтмай, режим ҳўлу қуруқни баравар ёқувчи жиноятлар содир этиш билан уларнинг «ютуқ»ларини тортиб олади, буни бутун олам, мўмин борасида аҳдга ҳам, бурчга ҳам боқмайдиган халқаро ташкилотлари ҳамда эркинлик ва инсон ҳуқуқлари ҳақида оғиз кўпиртириб гапирувчи халқаро ташкилотлар, ҳаммаси томоша қилиб туради…

Мана шундай давлатлараро тил бириктирувлар ва бир ақидадаги инсонларнинг ёрдамсиз қолдирилиши етмагандек, яна бир фожиа юз бермоқда. Шом қўзғолони бошлангандан бери тинимсиз давом этаётган, Ислом ва қўзғолоннинг душманларини хурсанд қилаётган бу фожиа гуруҳларнинг бир-бири билан қирпичоқ бўлаётганидир. Идлибдаги ва Ҳалаб атрофидаги озод этилган минтақаларда Туркия аралашуви остида Таҳрири Шом билан Аҳрори Шом гуруҳлари ўртасидаги бу ўзаро жанг, деярли бутун қўзғолон ютуқларини зое кетказмоқда, десак муболаға бўлмайди. Бунинг асосий сабаби, шу гуруҳ етакчиларининг Туркия, Қатар, Саудия каби ёлғондан қўллаб-қувватловчи, давлатлар билан алоқа қилишаётганидир. Бу бир жиҳатдан. Бошқа жиҳатдан, гуруҳлар ўртасини бўлиб-парчалаб, куч-қувватларини бир-бирларига сарфлатиб тугатаётган музокара ва ярашувлар ҳам бунга сабаб бўлмоқда. Гуруҳларнинг бир-бирига қарши жанг қилишлари ҳатто жанг майдонини бутунлай йўқ қилишга бир баҳя қолди. Чунки бу пайтда гуруҳлар бирлашиш ва содир бўлгану бўлаётган ҳодисаларни бир-бирларига фош этиб, фикр алмашган ҳолда биргаликда қайтадан жанг бошлашга жуда муҳтож бўлиб турган эдилар. Хусусан, Туркия режими томонидан қўллаб-қувватланувчи баъзи гуруҳлар қўли билан Ҳалаб шаҳрининг қонхўр Асад жангарилари қўлига топширилиши ортидан, бу бирлашиш жуда зарур эди.

Шом аҳли бошига ёққан ва ҳануз ёғаётган бу мусибатлар, Аллоҳ Азза ва Жалладан бўлган синов-имтиҳон, албатта. Лекин шунча йил ўтиб кетди, наҳотки, қўзғолончилар ўз хатоларидан сабоқ чиқаришмаса, ахир, бу хато бадалини қонлари ва номуслари билан тўлашяптику?! Наҳотки, ҳануз халқаро ҳамжамиятдан ёрдам кутаётган бўлсалар, ахир, қамоқларда ва қочқинлар жамлоқларида ўшаларнинг шу ҳамжамият ёрдамисиз ётган биродарларини ўз кўзлари билан кўрмоқдалар-ку?! Наҳотки, ҳамон у ёки бу давлатнинг уларга ёрдам беришига интизор бўлиб турибдилар, ахир, шу давлатларнинг барчаси Исломга қарши курашиш учун бирлашишганини билмоқдалар-ку?! Ёки Ислом бизга ўз масалаларимиз ечимини бермадими?! Нима қилиш керак?!

Ҳеч шубҳа йўқки, аслида, шу пайтгача Шом қўзғолонига бир нарса етишмаётир. У ҳам бўлса, онгли холис етакчиликдир. Қўзғолон бугун воқеа-ҳодисаларни онгли равишда кўра билувчи, ечимларни Аллоҳ Таолонинг Китоби ва Росули САВнинг суннатларидан истинбот қилувчи, шу ечим билан ҳар бир нарсани Аллоҳ буюргандек ўз ўрнига қўя олувчи етакчиликка муҳтож. Бўлинган қўзғолончиларни мукаммал кенгқамровли исломий лойиҳа атрофига бирлаштирадиган, ҳодисаларга нисбатан реакция сифатида жавоб бермай, балки яққол раббоний минҳождан юриб жавоб қайтарадиган ва жанговар қудрат билан сиёсий топқирликни ўзида жамлаб, Умматини нажот йўлига олиб бора оладиган етакчиларга жуда-жуда муҳтож. Зотан, Уммат Пайғамбарлик минҳожи асосидаги рошид Халифалик давлати соясида қайта Аллоҳга қул бўлишга ва Унинг шариати татбиқ қилинишига муштоқ бўлиб турибди. Инша Аллоҳ, ушбу давлат адолат тарозисини Робби Жалла Жалалуҳу амр этгандек ишга солиб, нусрат ва ғолиблик келишига сабабчи бўлади.

وَلَقَدْ أَرْسَلْنَا مِن قَبْلِكَ رُسُلًا إِلَىٰ قَوْمِهِمْ فَجَاءُوهُم بِالْبَيِّنَاتِ فَانتَقَمْنَا مِنَ الَّذِينَ أَجْرَمُوا ۖ وَكَانَ حَقًّا عَلَيْنَا نَصْرُ الْمُؤْمِنِينَ

«Аниқки, Биз сиздан илгари ҳам пайғамбарларни ўз қавмларига юборганмиз. Бас улар (қавмларига) аниқ-равшан ҳужжатлар келтирганлар. Сўнг Биз жиноят қилган кимсалардан интиқом олганмиз ва имон келтирган зотларни ғолиб қилиш Бизнинг зиммамиздаги ҳақ бўлган»   [Рум 47]

Роя газетасидан олинди