Швед ҳукумати мусулмонлардан Исломдан воз кечишни истаяпти!
بِسْمِ اللهِ الرَّحْمٰنِ الرَّحِيمِ
Швед ҳукумати мусулмонлардан Исломдан воз кечишни истаяпти!
Шанба куни кечқурун Швециянинг «SVT» ва «TV4» телеканfлларининг маълум қилишича, Либераллар партиясидан тенглик вазираси Паулина Брандберг мактаб ходимларидан рўмол ўраган қизлар билан боғлиқ хавотирлар ҳақида ижтимоий хизматлар департаментига ариза топширишларини сўраган.
Тенглик вазираси бу борада мактаб ходимларида ҳеч қандай ихтиёр йўқлигини, рўмол ўрайдиган қизлар тўғрисида албатта ижтимоий хизматлар департаментига хавотир аризаси беришлари шартлигини, бунга амал қилмаган мулозимлар амал қилмаганликлари оқибатига дучор бўлишларини таъкидлади.
Христиан демократлар партиясидан Швеция бош вазири ёрдамчиси Эбба Буш бир ҳафта олдин «Х» платформасида ташаббус билан чиқиб, ҳукумат томонидан олиб борилаётган швед жамиятига қориштириш сиёсатини ифода этиб, жумладан, бундай сўзларни ёзди: «Швеция ва Европада Исломга амал қилувчилар – худди тоталитар мамлакатларда бўлгани каби – керагидан ортиқча кўпайиб кетди. Бунга чек қўйиш керак. Ислом бизнинг умумий асосий қадриятларимизга мослашиши лозим».
Эббани ғазаблантираётган ва безовта қилаётган нарса Швециядаги мусулмонларнинг Исломга амал қилишаётгани, ўзларининг исломий ўзликларига маҳкам ёпишаётгани, Исломнинг рўмол ўраш каби анъаналарига амал қилишаётганидир. Эбба буларнинг йўқ қилинганини кўришни истайди.
Бу Швециянинг дунёдаги обрўсига путур етказиш учун мўлжалланган дезинформация эмас. Бу вазирларнинг айтган сўзлари бўлиб, бу ерда мусулмонлар томонидан нотўғри тушуниш деган нарса йўқ.
Мусулмонлар, шунингдек, Эббанинг «яхши мусулмонлар» номидан бундай қадам қўйгани ҳақидаги бемаъни даъвосига ишонмайдилар. Билъакс, бу Швед ҳукуматининг асл башараси ва Исломга қарши халқаро миқёсда ўзи масъул бўлган сиёсатидир!
Бутун мамлакат бўйлаб ўнлаб Мусҳафи шарифни ёқишга рухсат берган шу Швед ҳукумати бўлади. Мусҳафи Шарифнинг ёқилишига ғазабини ифода қилган мусулмон ёшларни ҳақиқатдан ҳам ўлдириш кераклигини айтган ҳам мана шу бош вазир ёрдамчиси бўлади.
Парадоксни қарангки, Христиан демократлар ҳам, Либераллар ҳам парламентга кириш учун ўтказилган сўнгги сўровларда ўзларини энг пастга тушиб кетишганини кўришгач, мусулмонларга ҳужум қилиш орқали овоз кўпайтиришга уринишяпти.
Бу шундай арзонгаров услубки, Исломнинг устунлиги олдида уларнинг мафкуравий мағлубияти ва ақлий заифлиги ҳақиқатини асло ўзгартиролмайди. Шу боис Исломни қабул қилган шведлар сони тез ортиб бораётгани ажабланарли эмас.
Ҳукумат сиёсати, айниқса, айни партияларнинг манёврлари швед халқини ифодаламайди. Бу ерда жамоатчилик зиммасига катта масъулият тушмоқда. Улар ўзларидан вакил бўлган партияларнинг Швецияни вайрон қилувчи сиёсатини рад этишлари керак.
Швед ҳукумати томонидан мусулмон болаларга нисбатан олиб борилаётган швед жамиятига қориштириш сиёсатидан мақсад улардаги исломий ўзликни ўчириш, шу жумладан, рўмол ўраш каби исломий фарзлардан воз кечтиришдир. Швед ҳукумати мусулмонлар қадриятларига ва исломий ўзликка қарши курашишни янада кучайтирмоқда ва буни рўмол ўрашни жиноятга чиқариш орқали ҳамда ота-оналар болаларини исломий қадриятларга мувофиқ тарбия қилишдан воз кечишмаса улардан болаларини тортиб олиш орқали содир этмоқда.
Эй мусулмонлар!
Мусулмоннинг ўз жонини, оиласини ва исломий ўзлигини асрамоғи шаръий бурчдир. Аллоҳ Субҳанаҳу ва Таоло бундай демоқда:
﴿يَٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمۡ وَأَهۡلِيكُمۡ نَارٗا وَقُودُهَا ٱلنَّاسُ وَٱلۡحِجَارَةُ﴾
«Эй мўминлар, сиз ўзингизни ва аҳли-оилангизни ўтини одамлар ва тошлар бўлган дўзахдан сақланг» [Таҳрим 6]
Биз мусулмонларнинг бу аҳволга тушишимизга заифлигимиз ва бўлинган шахслар сифатида ҳаракат қилишимиз сабаб бўлди. Биз жамоат сифатида ҳаракат қилишимиз, жамиятга ижобий ҳисса қўшадиган муҳим гуруҳ бўлишимиз лозим. Швецияда бир миллиондан ортиқ мусулмон яшайди. Мамлакат уларга муҳтож бўлиб, улардан асло беҳожат бўлолмайди. Чунки улар транспорт, соғлиқни сақлаш, таълим ва бошқа кўплаб соҳаларда муҳим ўрин тутадилар. Улар жамиятда жамоат тартибига риоя қилмоқдалар ва жамиятга ҳеч қандай хавф ва муаммо туғдирмайдилар ҳамда ўзларига таҳдид ўлароқ муомала қилинишидан норозидирлар. Агар бир тану бир жон бўлиб ҳаракатга келадиган бўлсалар бундай қориштириш сиёсатини тўхтата олишлари мумкин.
Бирлашиш қоришиш орқали бўлмайди. Чунки қоришиш Ислом қадриятларидан воз кечиб, Ғарб қадриятларини қабул қилиш ёки секуляр (илмоний) тузумга шерик бўлиш демакдир. Бу ишлар бир сароб бўлиб, мусулмонларнинг узоқ муддат давомида Ғарб маданиятига сингиб кетишига олиб келади. Бизнинг вазифамиз ўзимизни фикрий ва сиёсий жиҳатдан ташкил қилишдир. Фикрий жиҳатдан, биз бу янги авлодларнинг ўзлигини сақлаб қолиш ва секулярлаштиришга бўлган уринишларни қайтариш учун уларга Ислом мабдаси ва тушунчалари ҳақида фикр беришимиз керак. Сиёсий жиҳатдан эса, мусулмонлар бундай сиёсатларни Швециядаги барча мусулмонларга зиён келтирадиган, ақидалари ва исломий ўзликларига таҳдид соладиган тақдирий масала деб билишлари лозим. Сиёсий кураш мусулмонларнинг жамоатчилик фикрига таъсир ўтказадиган фаолиятлар орқали бир тану бир жон сифатида ҳаракат қилишларида намоён бўлади.
Биз улкан кучга эгамиз ва коррупцион сиёсий раҳбарият томонидан адаштирилаётган ва ёлғону ҳийлалар билан эксплуатация қилинаётган швед жамоатчилик фикрига таъсир қила оламиз. Агар биз ўз жавобгарлигимиздан юз ўгирадиган бўлсак, Швециядаги мусулмонлар вазияти янада ёмонлашади. Роббимиз Субҳанаҳу ва Таоло бундай демоқда:
﴿وَلَا يَزَالُونَ يُقَٰتِلُونَكُمۡ حَتَّىٰ يَرُدُّوكُمۡ عَن دِينِكُمۡ إِنِ ٱسۡتَطَٰعُواْۚ﴾
«Улар (кофирлар) қўлларидан келса то динингиздан қайтаргунларича сизларга қарши жанг қилаверадилар» [Бақара 217]
Яна бундай демоқда:
﴿وَلَن تَرۡضَىٰ عَنكَ ٱلۡيَهُودُ وَلَا ٱلنَّصَٰرَىٰ حَتَّىٰ تَتَّبِعَ مِلَّتَهُمۡۗ قُلۡ إِنَّ هُدَى ٱللَّهِ هُوَ ٱلۡهُدَىٰۗ﴾
«Яҳудий ва насронийлар уларнинг динига кирмагунингизча ҳаргиз сиздан рози бўлмайдилар. Айтинг: Аллоҳнинг йўлигина ҳақиқий йўлдир» [Бақара 120]
Ҳизб ут-Таҳрир 6 робиулаввал 1446ҳ
Швеция 9 сентябр 2024м
