Сиз ҳаётни тушунмайсиз

بِسْمِ اللهِ الرَّحْمٰنِ الرَّحِيم

Бу мақоламиз ҳамма учун эмас, балки айнан сиз учундир.

Сиз ҳаётни тушунмайсиз. Сиз ўзингизни ҳамма нарсани биладигандек тутасиз ва ҳаётдаги муаммоларингизда сизнинг айбингиз йўқ, балки ҳар доим буларнинг “сабабларини” ёки “айбдорларини” топа олгансиз. Шунинг учун сиз муаммолар гирдобидасиз. Чунки сиз муаммоларингиз учун айбдор қидиришга сарф этган вақтингизни уни ҳақиқий маънода бартараф қилиш учун ишлатганингизда, балки бу муаммо сизга қайта йўлиқмасди. Атрофингизга қаранг, баъзи одамлар сиз аллақачон ечиб бўлган муаммолар билан ўралашиб қолган. Шунингдек, холислик билан ёндашсак, сиз ҳам шу инсонлар каби кимлардир аллақачон ечимини топиб бўлган муаммолар билан бандсиз. Агар ҳаётни тушунганингизда шундай бўлармиди?

Сиз ҳаётни тушунмайсиз. Сиз ҳаётда яшаш учун ўзингиз тушунмаган, доимо панд берадиган қандайдир қоидаларга таянасиз. Кўп амалларингиз кимлардандир олинган қоидалар асосида бажарилади. Ҳатто баъзи қилиқларингизни бошқалардан кўриб ўргангансиз. Қайсики муаммога дуч келсангиз, бу муаммони бошқалар қандай ечганлигини эслашга ёки билишга ҳаракат қиласиз. Ҳатто муаммоларингизга ечим топиш тўғрисида кимнидир билади, деб суҳбатлашсангиз унга “Сиз шундай ҳолатда қандай йўл тутгансиз” ёки бу ҳолат уни бошидан ўтмаган бўлса “Агар сиз  шундай ҳолатга тушсангиз қандай йўл тутган бўлар эдингиз” дея сўрайсиз. Яъни бировга таяниб иш кўришга эҳтиёжингиз кучли. Шунинг учун ҳам билиб қўйинг: сиз ҳаётни яхши тушунмайсиз.

Сиз ҳаётни тушунмайсиз. Сизда ҳаётда яшаш учун маълум бир йўналиш йўқ. Бутун бир ҳаётингизни режалаштиришни билмайсиз. Бу тўғрисида балки ўйлаб ҳам кўрмагансиз. Ҳаётда яшаш ундаги муаммоларни ечишдан иборат. Сизда эса, муаммоларни ечиш учун “калит” йўқ. Шу “калит” бўлса муаммоларингиз учун тўғри ечимларга эга бўласиз ва ўз ҳаётингизни режалаштира олишингиз мумкин. Булар эса, сизда йўқ. Бундан кўринадики, сиз ҳаётни тушунмайсиз.

Ҳаётни тўғри тушунишингиз учун сизда ҳаётни тушунтирувчи тўғри фикрлар бўлиши керак. Бундай тушунчаларни эса, Ислом бера олади, холос. Ва Ислом сизнинг муаммоларингиз учун тўғри ечимлар беради, ҳаётингизни тартиблаштиришингизда қўлланма, дастур бўлади. Ҳа, Ислом ўша биз айтган “калит” дир.

Ҳизб ут-Таҳрирнинг Ўзбекистондаги медиа офиси. Абдуллоҳ

30.09.2019й