Суриядаги намойишларда (ташқи кучларга) боғланган етакчиларни қулатиш ва қурол-яроғни ўз эгасига топширишга чақирилди
بسم الله الرحمن الرحيم
Роя газетаси:
Суриядаги намойишларда (ташқи кучларга) боғланган етакчиларни қулатиш ва қурол-яроғни ўз эгасига топширишга чақирилди
Идлиб кўз ўнгида фронтлари қулади, «Жайшул Ҳур» ва бошқа исломий катибаларга режимга қарши «ҳақиқий кураш олиб бормаётганликда», айбланди… Ўз навбатида, бу – Асад қўшинларининг «Абу Зуҳур» ҳарбий аэродроми билан ўнлаб қишлоқларни эгаллаб олишига имкон берди… Мана шундай бир оғир аҳвол қаршисида Ҳизб ут-Таҳрир аъзолари ва тарафдорлари жума намозидан сўнг Идлиб ва Ғарбий Ҳалаб минтақаларида қатор намойишлар, юришлар ўтказдилар.
Идлиб шаҳрида уларнинг ўтказган намойиши давлатлардан сиёсий маблағ олаётган гуруҳ етакчиларини ағдаришга ва қурол-яроғларни ўз эгаларига қайтаришга даъват қилишга қаратилди. Кўтариб чиққан плакатларининг бирида мазкур етакчиларга қарата «Агар сиёсий маблағ елкангизга оғирлик қилиб, жиҳод қилолмай қолган бўлсангиз, қурол-яроғларни Умматга беринг, ўз заминини ўзи мудофаа қилиб олсин», дея мурожаат қилдилар. Яна бир плакатда уларга «Фурот Қалқони ортидан Ҳалаб топширилган эди, энди Зайтун новдаси ортидан Идлиб топшириладиган бўляпти, шундан ғафлатда қолаверасизми?!», дейилди.
Идлиб шимолидаги Салқин шаҳри билан Сармада ва Килли баладияларида, «Дайр Ҳасан» ва «Каромат» жамлоқларида ҳамда Талликаромат қишлоғида ҳам шу каби намойишлар ўтказилди. Бир вақтнинг ўзида, шимолдаги озод этилган жамлоқлардаги оқсоқоллар ва нуфузли кишилар кенгаши барча жангарилар ва уларнинг етакчиларига мурожаат йўлладилар.
Булардан ташқари, Ҳизб ут-Таҳрир Ғарбий Ҳалабдаги Куфр Таол баладиясида намойиш қилиб, унда ҳам плакатлар ва ҳайқириқлар орқали жангчи гуруҳлар етакчиларига мурожаат йўллади. Плакатларда «Оғир қуроллар Уммат мулкидир, бас, ўзига қайтаринг, у ўзини-ўзи ҳимоя қилсин» каби сўзлар ёзилди. Ҳизб Саҳора баладиясида ҳам худди шундай намойиш ўтказиб, гуруҳлар етакчиларига «Оғир қуролларни Умматга топширинг, қизил чизиқларингизга риоя қилмайдиган мардларга арсеналларни очиб беринг» каби сўзлар билан хитоб қилди.
Идлибнинг Куфр Набил ва Банш шаҳарларида Ҳизб аъзолари билан ўнлаб инсонлар жангчи етакчиларга қарши намойиш қилиб, маърузалар орқали уларга мурожаат қилдилар, уларни «аҳоли ўзини-ўзи мудофаа қилиши учун унга қурол-яроғларни бериш»га тарғиб этди. Банш аҳолиси «Инқоз ҳукумати»га қарашли полиция марказига бостириб бориб, ҳукуматни қулатиш ҳақида ҳайқирди ва марказ нишонини (белгисини) йиртиб ташлади. Намойишчилардан бирининг айтишича, Банш аҳолиси режим кучлари илдамлаб кетиши натижасида ўз ғазабларини ифодалаш учун чиққан. Унга кўра, аҳоли «Жайшул Ҳур»ни ва Исломий катибаларни «ҳақиқий кураш олиб бормаётганликда» айблаган. Кафр Наблдан бўлган фаолнинг айтишича, улар жангчи гуруҳлар етакчиларини қулатиш, одамларни Сурия қўзғолонини қайта жонлантиришга чақириш ва жангариларни режим кучларига қарши туришга ундаш учун чиқишган.
Роя газетасининг 2018 йил 7 феврал чоршанба кунги 168-сонидан
