بِسْمِ اللَّـهِ الرَّحْمَـٰنِ الرَّحِيمِ

Матбуот баёноти

Ёлғон хабар тарқатилиб босим ўтказилишига қарамай, Халил қабилалари Тамим Дорийнинг вақф ери русларга мулк қилиб берилишига қарши норозилик намойиши ўтказди

Тамим авлоди ва Халил қабилаларининг таниқли кишилари 2017 йил 30 январ душанба куни Тамим девонида ўтказилган йиғинда Фаластин маъмурияти раҳбарининг машҳур саҳобий Тамим Дорийнинг 72 донум атрофидаги вақф ерини русларга мулк қилиб берилиши тўғрисидаги қарорига қарши норозилик намойиши ўтказишга чақирган эди. Бу чақириққа биноан ўтказилган намойишда Халил шаҳрининг минглаб аҳолиси қатнашди. Росулуллоҳ САВ томонидан таниқли саҳоба Тамим Дорийга ва унинг авлодига мулк қилиб берилган ушбу ер қиёмат кунига қадар Тамим авлоди мулки ҳисобланади.

Тамим авлоди томонидан тақдим этилган даъво асосида Рамаллоҳдаги олий маҳкама 2016 йил 23 июнда маъмуриятнинг мулк қилиб бериш тўғрисидаги қарорига алоқадор барча чора-тадбирлар тўхтатилиши тўғрисида қарор чиқарган эди. Олий маҳкама қарорига қарамай, Маҳмуд Аббос 2017 йил 4 январда ер эгалигини русларга қайд этиш тўғрисида буйруқ чиқарди. Даъвони кўриб чиқиш учун иккинчи мажлис 2017 йил 24 январга белгиланган. Яъни, Фаластин раҳбарининг ер эгалигини русларга қайд этишга оид қарори олий маҳкама қароридан илгарилаб кетди ва уни оёқ ости қилди.

Биз Ҳизб ут-Таҳрир-муборак Фаластин замини аъзолари Тамим авлоди ва Халил қабилаларини адлия ишларида ва оммавий ҳаракатларида қўллаб-қувватладик. Фаластин маъмурияти хавфсизлик хизматининг тинч намойиш қатнашчиларини ваҳшиёна суратда бостириб, ўнлаб кишиларни ҳибсга олганини, шаҳарнинг кириш-чиқиш ерларига тўсиқлар қўйганини ҳамда намойишни тарқатиш учун омадсизларча уриниб, товушли гранаталар ва кўздан ёш оқизувчи газлардан фойдаланганини қаттиқ қоралаймиз.

Шунингдек, маъмурият олиб борган кампанияга ҳам норозилик билдирамиз. Режим бу кампанияда баъзи кимсалардан ва охиратини дунё эвазига сотган ахборот ходимларидан фойдаланиб, намойишни олдини олиш учун туҳматлар ёғдириб, адаштирувчи ёлғон хабарлар тарқатди… Намойишда ҳам қатнашмаган, айни иш бўйича ўтказилган маҳкамаларда ҳам бўлмаган, балки вақф қилинган ерни душман русларга воз кечишдек бир гуноҳ устида маъмуриятга шерик бўлишни ўзларига лойиқ кўрган баъзи кимсалар номидан ёлғон баёнотлар чиқарди.

Маъмурият – намойишга Ҳизб ут-Таҳрир чақирди, дея даъво қилди. У ўзининг қаршисида Тамим авлодини қўллаб-қувватлаётган ва руслар фойдасига вақф еридан воз кечганига қарши норозилик билдираётган Халил қабиласи турганидан жамоатчиликни чалғитиш учун шундай даъвони қилди. У юз йил олдин черковга ижарага берилган ер иши, дея катта масалани кичрайтиришга уринмоқда. Вақф ерларидан 72 донуми мулк қилиб берилгани қароридан ҳамда Халилдаги ерларга оид департаментда рус черкови номига қайд этилганидан гўё ўзини унутганга солиб, ишни охирига етказиш учун маҳкамага мурожаат этилишини талаб қилмоқда. Ҳолбуки маъмурият раҳбарининг ўзи олий маҳкама қарорларини сариқ чақага олмай, деворга улоқтирди.

Биз Ҳизб ут-Таҳрир-муборак Фаластин замини аъзолари Халил қабилалари билан Тамим авлодининг айни тадбирларини қўллаб-қувватлаб, улар билан бирга турамиз, қийинчилик ва тўсиқларга ҳамда «sms» орқали қамаш тўғрисида қилинган таҳдидларга қарамай, олиб борган намойишларида қатнашамиз. Зеро, Тамим авлоди режим раҳбари чиқарган ерни мулк қилиб бериш қарорига нисбатан ўзларининг очиқ норозилик позицияларини намойиш қилдилар. Маъмурият эса эс-ҳушини йиғиб олмоғи, қилган бундай жиноятидан қайтиб, ерни ўз эгаларига қайтариб бермоғи керак. Акс ҳолда, бу дунёда хорлик ва расволикка, охиратда эса улкан азобга гирифтор бўлади, кошки ақлларини ишлатишсайди!

لِّنُذِيقَهُمْ عَذَابَ الْخِزْيِ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَخْزَىٰ ۖ وَهُمْ لَا يُنصَرُونَ

«Бас, уларга мана шу ҳаёти дунёда расво-хор қилгувчи азобни тотдириб қўйиш учун (шундай қилдик). Охират азоби эса шак-шубҳасиз янада расвороқ-хор қилгувчироқдир ва уларга нусрат-ёрдам берилмас»                      [Фуссилат 16]

Ҳизб ут-Таҳрирнинг муборак замин Фаластиндаги матбуот бўлими

Телефон: 0598819100

Электрон почта: info@pal-tahrir.info

Фаластиндаги матбуот бўлими сайти: www.pal-tahrir.info