Тунис аҳли бир водийда бўлса, сиёсий доира бошқа бир водийда
بِسْمِ اللهِ الرَّحْمٰنِ الرَّحِيمِ
Тунис аҳли бир водийда бўлса, сиёсий доира бошқа бир водийда
Ҳизб ут-Таҳрир – Тунис вилояти томонидан нашр қилинадиган ҳафталик Таҳрир газетасида бундай дейилган:
«Тунис аҳли бир водийда бўлса, сиёсий доира (президент ва мухолафати билан) бошқа бир водийда. Бу устоз Муҳаммад Шувайха ёзган мақоладаги сўзлар. Унда устоз икки манзарани ёритиб бундай дейди:
«Биринчи: Тунисдаги сиёсий ҳаёт – америкалик ёки европалик – ажнабийнинг таъсирига тушиб қолган. Ажнабийлар аралашуви натижасида Тунис банкротлик ёқасида турган бир пайтда, у ерда зиддиятли ва мураккаб кўринган сиёсий манзара шаклланмоқда. Аввалда Халқаро Валюта Фондидан марҳамат кутилди ва унинг шартларига итоат қилинди… Кейин бугунга келиб давлат ҳатто одамларни озиқ-овқат билан ҳам таъминлай олмайдиган даражага етиб келиб, муваффақиятсиз давлатга айланди. Тунисни на қўзғолонни даъво қилувчи ҳукумат қутқара олди, на «тоза қўзғолончи» қиёфасига кирган президент Қайс Саид бирор нарса қила олди. Ҳолбуки, ҳамма ҳокимият ўшанинг қўлида. Лекин аҳвол кундан-кунга ёмонлашмоқда. Бошдан бери қасддан шундай қилинмоқда, яъни одамларни ечимдан умидларини узиш. Биринчи манзара шу».
Иккинчи манзара ҳақида устоз Шувайха бундай дейди:
«Бу биринчи манзарадан кескин фарқ қилади. Яъни президент ва мухолафатни ўз ичига олган бутун бир сиёсий доира Исломни умуман қадрламайдиган илмонийлардир. Халқ эса мусулмон. Ислом юрт сиёсатининг раббоний аҳкомларга мувофиқ бўлишини фарз қилган. Бироқ, президент ва мухолафат, барчалари мусулмонлар тақдирига кофирларнинг аралашишида монелик кўришмаяпти. Нега бунга рози бўлишяпти?! Нега бунга сукут қилишяпти?! Хулоса қилиш мумкинки, бугунги кунда Тунисдаги мусулмонлар бу салбий аҳволларидан қутулиб чиқмоққа жавобгардирлар. Чунки улар масжидларда тиловат қилаётган Қуръони Карим уларни Росулуллоҳ ﷺ билан битта йўлни танлашга чақирмоқда. Наҳотки Рамазон Қуръон ойи бўлиб, биз Тунисдагиларга эслатма бўлмаса, ахир биз қарор соҳибларимиз-ку?! Тунисликлар анави «ҳукмдор»ларга эргашишда давом этаверадиларми?! Уларнинг барчасига қарши чиқмоғимиз ва Роббимиз буюрган тузумни барпо қилмоғимиз вақти келмадими?!».
Бошқа томондан, Ҳизб ут-Таҳрир – Тунис вилояти аёллар қаноти қуйидагиларни таъкидлади:
«Илмоний режим теледастурлар ва радиоэшиттиришларни эфирга узатиш, драматик асарларни бериш орқали баракотли ойни улуғ маъноларидан узиш учун барча оммавий ахборот воситаларини сафарбар қилди. Мақсади маълум: юрт аҳлининг шахсия ва ақидасига путур етказиш учун исломий ақида асосларига қарши кураш».
Ҳизб ут-Таҳрир – Тунис вилояти аёллар қаноти нашр қилган матбуот баёнотида бундай дейилади:
Исломга уни тузум деган эътиборда қарши курашиш яқинда пайдо бўлган янгилик эмас. Аммо кураш кўлами қўзғолондан бери тезлашиб, ҳар қачонгидан кучайиб кетди. Чунки илмонийлар юрт аҳлининг режимни қулатиш учун чиққанига, исломий ақида буйруғига мувофиқ шариат татбиқини талаб қилган ҳолда Ислом низомини ўрнатишга чақираётганига ишонч ҳосил қилишганидан кейин – уларнинг Ислом тушунчаларига қарши очиқ ёки Ислом қиёфасидаги яширин курашлари давом этаётганига қарамай – кураш шиддатли тус олди. Шулардан келиб чиққан ҳолда, биз Ҳизб ут-Таҳрир – Тунис вилояти аёллар қаноти қуйидагиларни очиқ эълон қиламиз: Биз бу илмоний-секуляр режимнинг ва у ердаги раҳбарларнинг Умматни буюк динидан адаштиришга, мусулмон оилаларни вайрон қилишга ва фарзандларимизни ақидаларидан чиқаришга қаратилган барча уринишларини фош этишда давом этамиз. Ўз Исломини қизғанувчи ҳар бир мусулмонни биз билан биргаликда илмонийларнинг Ислом ва мусулмонларга қарши бундай ваҳший ҳужумларига қарши туришга ва исломий ҳаётни қайта бошлаш орқали Тунис аҳлини илмонийлик ботқоғидан қутқаришга даъват қиламиз.
Роя газетасининг 2022 йил 27 апрел чоршанба кунги 388-сонидан
