Роя газетаси:

Тунис парламенти Ислом аҳкомларини улоқтирмоқда

Тунис парламентининг спиртли ичимликларга солинган солиқларни пасайтиришга боғлиқ қарорга овоз бериши ижтимоий алоқа сайтларида танқидларга учради. Баъзилар бундан Наҳза ҳаракатига ҳужум қилишда фойдаланди. Чунки бу ҳаракат ҳокимиятда турган даврида спиртли ичимликлар нархини оширган эди.

Фейсбукдаги Росд Тунисия (Тунис мониторинги) саҳифасида спиртли ичимликларга солинган солиқларни пасайтириш билан боғлиқ молиявий қонун лойиҳаси қарорига 108 депутатдан 96 нафари овоз бергани акс этган видео лавҳа тарқатилди. Видео лавҳага – халқ кенгаши депутатлари спиртли ичимликларга солинган солиқни пасайтиришга овоз беришди, сўнг шом намозини ўқиш учун танаффус талаб қилишди, дея изоҳ қолдирилган! (Қудсул арабий газетаси).

Роя газетаси шарҳи:

Спиртли ичимликлар савдоси ва истеъмолига оид қонуннинг чиқарилиши ва бу маҳсулотлар истеъмолини янада осонлаштириш учун уларга солинган солиқларни пасайтириш каби, бугун Тунис парламентида бўлаётган ишлар икки нарсага далолат қилади: Биринчидан: Тунис парламентида ҳам исломий оламдаги бошқа парламентлар каби Аллоҳ жорий қилган ҳалол-ҳаромнинг ҳеч қандай аҳамияти йўқ. Қонунларни қабул қилишда ҳам ҳалол ва ҳаром асос қилиб олинмаган. Аксинча, Аллоҳни қўйиб, парламентнинг ўзи қонун чиқаради!! Иккинчидан: Тунис ҳукуматида иштирок этаётган ва парламентда аъзолари бўлган Наҳза ҳаракати ҳам Аллоҳнинг шариатига эътибор бермайди. Исломий ҳаракат дея берилган унинг исломийлик сифати ҳақиқатдан узоқ бўлиб, бу нарса кундан-кунга ўз исботини топмоқда. Гап шундаки, аъзолари мусулмон бўлиши билангина ҳаракатнинг ўзи исломий бўлиб қолмайди. Балки у ўзининг фикрлари, аҳкомлари ва барча позицияларида Исломни асос қилиб олиши лозим. Бугун Наҳза раҳбарлари Исломдаги кўплаб қатъий асосларни деворга улоқтирган экан, унинг аъзоларига нима бўлди? Нега улар бундай залолатни қабул қилмоқда? Тунис аҳлига нима бўлди? Нега улар Аллоҳни қўйиб, ўзлари қонун чиқараётган парламентга сукут сақламоқдалар? Ахир улар ёлғиз Аллоҳ Таоло қонун чиқарувчи эканини, у тузиб берган қонунларни барча ҳаётий ишларда бутунича татбиқ қилиш лозимлигини ва бу нарса диннинг қатъий асосларидан бири эканини билмайдиларми??!! Аллоҳ Таоло айтади:

إِنِ الْحُكْمُ إِلَّا لِلَّهِ ۚ أَمَرَ أَلَّا تَعْبُدُوا إِلَّا إِيَّاهُ ۚ ذَٰلِكَ الدِّينُ الْقَيِّمُ وَلَٰكِنَّ أَكْثَرَ النَّاسِ لَا يَعْلَمُونَ

«Ҳукм-ҳокимлик фақат Аллоҳникидир. У зот сизларни фақат Ўзигагина ибодат қилишга буюргандир. Энг тўғри дин мана шудир. Лекин одамларнинг кўплари буни билмайдилар»    [Юсуф 40]

Роя газетасининг 2015 йил 16 декабр чоршанба кунги 56-сонидан

0

0