Туркияда сайловлар…
Туркияда сайловлар…
Икки зарарнинг енгилроғи!
بسم الله الرحمن الرحيمُ
Хабар: 2023 йил 26 -май, жума куни Ал-Жазира "Туркиядаги сайловлар. Икки курд партияси Қиличдарўғлини қўллаб-қувватлади. Эрдўғон хорижий сайловчиларга миннатдорчилик билдирди" сарлавҳаси остидаги хабарни чоп этди. Мақолада шундай дейилади:
“Курдларнинг "Яшил сўл" ва "Халқ Демократик партияси" мухолифатдан Камол Қиличдарўғлини номзодини қўллаб-қувватлашларини эълон қилишди. Айни пайтда Президент Ражаб Тоййиб Эрдўғон хорижий сайловчиларга овоз беришдаги иштироки учун миннатдорчилик билдирди”.
Чет элдаги сайловчиларнинг иккинчи босқичдаги иштироки рекорд кўрсаткич бўлиб, биринчи босқичдаги сайловчилар иштирокини ортда қолдирди.
24-май, чоршанба куни кечқурун Президент Эрдўғон Твиттердаги саҳифасида шундай деб ёзди:
"20-май куни бошланган хорижда овоз бериш жараёни бугун якунланди. Ўз хоҳиш-иродасини билдириб, бутун дунёда халқимизни фахр билан ифодалаб, сайлов қутиларига ошиқаётган ҳар бир фуқароимизга миннатдорчилик билдираман".
Изоҳ: Ким Туркиядаги сайловлар Ислом ва куфр ўртасидаги кураш деб ҳисобласа ва номзодлардан бири, хоҳ Эрдўғон, хоҳ Қиличдароғлу ёки Оған бўлсин, Исломга асосланган сиёсий ва иқтисодий дастурни ифодалайди деб ўйласа хато қилади. Уларнинг барчаси, уларнинг шахсияти ва Исломга содиқлик даражасидан қатъий назар, бундай дастурлардан узоқдир, чунки номзоднинг "диндорлиги" ва улар таклиф қилаётган дастурлар ўртасида ҳеч қандай боғлиқлик йўқ. Эрдўғоннинг ғалабаси билан дин ва шариат чириган капитализм ва дунёвийлик тузуми билан алмашмайди ва Қиличдарўғлунинг ғалабаси билан дин йўқолмайди. Уларнинг барчаси Исломни сиёсий дастурларидан четлаштирдилар ва бунга фақат кўр одамгина рози бўлмайди.
Туркиядаги сайловлар миллатчилик, мазҳабпарастлик, манфаат ва дунёвийлик билан аралашган диний туйғулар атрофида айланади. Агар диққат билан қарасак, Туркиядаги сайловчиларнинг аксарияти диндор ёки турк миллатчилиги билан аралашган диний туйғуларга эга эканлигини билиб оламиз. Шунинг боис, номзодлар мусулмонларнинг дини ва ҳиссиётларидан фойдаланиб, қандай қилиб ўз овозларини олишга интилаётганини кўриш мумкин.
Сайлов натижаларидан қатъий назар, Туркияда дунёвий тамойилга асосланган бошқарув асослари ўзгарганини тасаввур қилиб бўлмайди. Шунчаки, на Эрдўғон, на Қиличдарўғлу бунга интилмайди ва бу ҳақда умуман ўйламайди ҳам. Биз уларнинг доимо бу адолатсиз тузумни сақлаб қолиш ҳақида гапираётганини эшитамиз. Бу тузум инсонлар Раббисининг қонунларини инкор этиб, инсон томонидан яратилганлиги ўзи адолатсизликдир.
Аллоҳ Субҳанаҳу ва Таоло шундай марҳамат қилади:
وَمَنْ لَمْ يَحْكُمْ بِمَا أَنْزَلَ اللهُ فَأُولَئِكَ هُمُ الظَّالِمُونَ
“Кимда-ким Аллоҳ нозил қилган дин билан ҳукм қилмас экан, бас, улар золимлардир!” (Моида: 45)
Бундай ҳукмдорларни ағдариш ва бунинг эвазига шариат қонунларига биноан ҳукмронлик қиладиган, ўз халқини севадиган ва қадрлайдиган Халифаси бўлган тузумни барпо этиш мусулмонларнинг бурчидир.
Расулуллоҳ соллаллоҳу алайҳи васаллам дедилар:
خِيَارُ أئِمَّتِكُمُ الَّذِينَ تُحِبُّونَهُمْ وَيُحِبُّونَكُمْ وَتُصَلُّونَ عَلَيْهِمْ وَيُصَلُّونَ عَلَيْكُمْ. وشِرَارُ أ َ ئِمَّتِكُمْ الَّذِينَ تُبْغِضُونَهُمْ وَيُبْغِضُونَكُمْ وَتَلْعَنُونَهُمْ وَيَلْعَنُونَكُمْ! قِيلَ: يَا رَسُولَ اللهِ أفَلاَ نُنَابِذُهُمْ بِالسَّيْفِ عِنْدَ ذَلِكَ؟ قَالَ: لاَ، مَا أقَامُوا فِيْكُمُ الصَّلاَةَ
«Ҳукмдорларингизнинг яхшилари сизлар уларни яхши кўрадиган, улар ҳам сизларни яхши кўрадиган, сизлар уларнинг ҳаққига дуо қиладиган, улар ҳам сизларнинг ҳаққингизга дуо қиладиганларидир. Ҳукмдорларнинг ёмонлари сизлар уларни ёмон кўрадиган, улар ҳам сизларни ёмон кўрадиган, сизлар уларни лаънатлайдиган, улар ҳам сизларни лаънатлайдиганларидир. Шунда: ё Росулуллоҳ, уларга қарши қилич кўтариб чиқмаймизми? – дейилди. Пайғамбаримиз ﷺ: “йўқ, модомики орангизда намозни қоим қилишар экан (қарши чиқмайсиз)» дедилар.
Махсус Ҳизб ут-Taхрир Марказий ахборот идораси радиоси учун
Бассам ал-Мақдиси
8 Зулкаъда 1444ҳ
28май 2023м
