Уйғониш тўғрисида туркумидан: Мафкура мавзусига кириш
بسم الله الرحمن الرحيم
Уйғониш тўғрисида туркумидан: Мафкура мавзусига кириш
Инсонларга айнан уйғониш нима эканлигини танитишдан кўзлаган мақсадимиз, улар уйғонишни таниш натижасида уйғониш сари ҳаракат қилсинлар, ин ша Аллоҳ!
Ҳар бир жамиятда инсонларни эргаштирувчи фикрлар мавжуд. Жамиятдаги инсонларнинг эргашишлари учун уларга таклиф қилинган фикрлардан мустамлакачиларнинг ёхуд маълум бир доирадаги инсонларнинг манфаатларини амалга ошириш ёки шу жамиятни уйғотиш ва юксалтириш мақсад қилинган бўлади. Ҳар қандай жамиятда эргашиш учун тақдим қилинган фикрлардан бирини инсонлар ўзларидаги дунё қарашга мувофиқ танлайдилар. Жамиятдаги инсонлар ўзлари танлаган фикрга эргашган ҳолда ҳаракатланадилар ва ҳаракатларини тартиблаштирадилар. Яъни шу фикрга эргашган ҳолда яшаш тарзларини шакллантирадилар.
Етаклаш мақсад қилинган фикрлар кўп бўлиб, ҳар бир жамиятда, инсонларни эргаштиришда, албатта, улардан бири устунлик қилади. Бундай фикрларнинг устунлиги шу жамиятдаги инсонларни қанчалар даржада бир бирига боғлай олиши ва эргаштира олиши билан ўлчанади. Жамиятдаги инсонларни етаклай оладиган фикр мафкура хисобланади.
Мафкура – етакловчи фикр
Мафкура борасидаги таърифда етакчи ёки етакловчи сўзлари ишлатилиши мумкин. Бу икки жумла бир маънони англатади.
Демак, юқоридагилардан тушунишимиз мумкинки, ҳар бир жамият ўз мафкурасини ўзи танлайди.
Мафкура мавзусига мурожаат қилинар экан аввало инсонларни бир – бирига боғлаб турувчи робита ҳақидаги тўғри фикрлар билдириб ўтилади.
Робита – инсонларни бир-бирига боғлаб турувчи алоқа воситаси
Мафкура мавзусида айнан робита тўғрисида мулоҳаза юртилишининг асосий сабаби, юқорида айтиб ўтганимиздек етакчи фикр аввало инсонларни бир – бирига боғлайди ва ундан кейин етаклайди. Яъни агар етаклаш учун танланган фикр инсонларни бир – бирига боғлай олмаса, демак, бу фикр шу жамиятдаги инсонлар учун етакловчи фикр бўла олмайди. Шу сабаб мафкура мавзусида аввало робиталар ҳақида тўғри тушунчага келиб олиниши ва робита деб эътибор қилинадиган алоқа воситалари борасида тафаккур қилиниб уларнинг моҳияти очиб берилиши лозим.
Инсонларни бир – бирига боғлаб туриш учун робита сифатида кўриладиган фикрлар турличадир. Улар тўғрисида инсонларга тўғри тушунчаларни бериш керак. Яъни уйғониш йўлидан боришни истаган, юксалишни истовчи инсонлар учун алоқа воситаси бўлишга ярамайдиган, инсонларни адаштирувчи ва тубанликка бошловчи фикрлар очиб берилиши ҳамда юксалиш йўлида инсонларни бир – бирига боғлаб тура оладиган тўғри робита тақдим қилиниши керак. Шундагина инсонлар бугунги кунда жамиятимизда мавжуд бўлган фикрларга бахо бера олиш ва натижада тўғри фикрни ўзларига мафкура сифатида танлай олиш салоҳиятига эга бўладилар. Агар инсонларга бугунги кунда уларни боғлаб турган ва тубанликка етакланишлари учун сабаб бўлаётган фикрлар очиб берилмаса бу инсонлар уйғонишга олиб борадиган фикрларнинг асл моҳиятини англай олмайдилар. Инсонлар тўғри мафкурага эргашишлари учун аввало яшаш тарзларининг хорлик ва тубанликдан иборат эканлигини хис қила олишлари ҳамда шу хорлик ва тубанликка улар эргашаётган фикрлар сабаб бўлаётганини тушунишлари керак.
Ҳизб ут-Таҳрирнинг Ўзбекистондаги медиа офиси. Абдуллоҳ
16.12.2016й.
