Ҳукуматнинг раҳбар кадрларни алмаштириши тузумга ямоқ солишдан ўзга нарса эмас
بسم الله الرحمن الرحيم
Матбуот баёноти
Ҳукуматнинг раҳбар кадрларни алмаштириши тузумга ямоқ солишдан ўзга нарса эмас
Шавкат Мирзиёев президентлик лавозимига учинчи бор сайланганидан кўп ўтмай, бир қатор ислоҳотларга киришди. Булардан энг асосийси – биринчи навбатда кадрлар масаласи бўлди. Ҳокимият, суд, ички ишлар ва солиқ тизимларидан турли даражадаги 80 дан ортиқ мулозим ишдан олингани айтилмоқда. Бугунги кунда мамлакатда сиёсий-иқтисодий вазият, таълим-тарбия соҳаси жуда абгор ҳолатда, ишсизлик кенг қулоч ёйган. Порахўрлик, коррупция, уруғ-аймоқчилик каби иллатлар ва турли хил жиноятчилик чуқур илдиз отмоқда… Шунингдек, ишсизлик ва иқтисодий танглик сабабли хорижда, айниқса Россияда ишлаб юрган мамлакат фарзандлари дискриминацияга учраб, ҳуқуқлари поймол этилаётган, турли баҳоналар билан жиноий жавобгарликка тортилиб, сўнгра Украина урушига жалб қилинаётган бир пайтда, Мирзиёев ҳукумати мустақил давлат сифатида дадил туриб, уларни ҳимоя қилолмаяпти. Буларнинг барчаси мамлакат аҳолисида борган сари норозилик ва ҳукуматга нисбатан ишончсизлик кайфиятини кучайтирмоқда. Шунинг учун Мирзиёев бошлиқ ҳукумат айнан сайловдан сўнг бир қатор янгиликларга қўл уришга мажбур бўлди ва ишни “айбдорлар”ни аниқлаш ва уларни ишдан бўшатишдан бошлади. Юқорида келтирилган фактларга таяниб, бундан иккита мақсад кўзланганини кўришимиз мумкин:
Биринчиси – қандайдир ижобий ўзгаришлар кутишдан ҳали ҳам чарчамаётган одамларнинг умидларини бироз бўлса-да жонлантириб, улардаги норозилик кайфиятини тинчлантириш, бошқача айтганда, уларни яна бир қанча пайт лақиллатиб, вақтдан ютиш.
Иккинчиси – мамлакатда авж олган ишсизлик, иқтисодий танглик ва тобора кенг қулоч ёяётган жиноятчиликнинг асл сабабчиси қилиб ҳалиги мансабдор шахсларни кўрсатиш.
Ҳақиқатдан ҳам шундайми? Ҳозирги танглик ва инқироз ўз вазифасига масъулият билан ёндашмаётган мулозимлар сабабли юзага келяптими? Уларни ўзгартириш билан вазият ўнгланиб қоладими? Йўқ, асло ундай эмас. Чунки борган сари ёмонлашаётган сиёсий-иқтисодий аҳвол, диний таълимга қарши қўлланаётган босим ва юзлаб диний-сиёсий маҳбусларнинг ҳануз қамоқларда қолиб кетаётгани – буларнинг бари кечаги референдумда овоз берилган демократик тузум ва капиталистик иқтисод низомининг аччиқ самараларидир. Аллоҳ таолонинг мана бу сўзини тадаббур қилинг-а, У зот дейди:
وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا
– “Ким Менинг эслатмамдан юз ўгирса, бас, албатта унинг учун танг-бахтсиз ҳаёт бўлур”. (Тоҳа:124)
Демак, таъкидлаш лозимки, Мирзиёев бир қанча мансабдор шахсларни – бор мағзавани уларга ағдариб – лавозимларидан бўшатиш орқали гўё “ҳаммасига шу кимсалар айбдор” демоқда ва бу билан халқимиз аччиқ аламларини тотаётган бу яроқсиз, бузуқ капиталистик демократиянинг умрини узайтирмоқда ҳамда юртимиз ҳали узоқ вақтлар Россия, Америка ва Хитой каби мустамлакачи кучлар таъсири остида қолиб кетишини истамоқда. Қолаверса, яқинда бўлиб ўтган референдум ва президентлик сайловларига катта “оғалар” томонидан ёқилган яшил чироқ ҳам мана шундай “беминнат хизматлар” эвазига бўлган эди, аслида. Шундай экан, Мирзиёевнинг бугунги “ислоҳот”ларидан мусулмон халқимиз ҳаётига ҳеч қандай рўшноликни умид қилмасак ҳам бўлаверади. Дарҳақиқат, биз учун ягона нажот йўли – оламларга раҳмат бўлиб нозил қилинган Исломга қайтиш ва уни барча ишларимизни тартибга солувчи ҳаётий қонун сифатида қабул қилишдир. Агар биз мусулмонлар қарашларимизни ўнглаб, динимизга ана шу йўсинда ёндашсак, албатта Аллоҳ таоло бизни бугунги муаммолардан қутқаради ва аҳволимизни ислоҳ қилади. Аллоҳ таоло дейди:
وَمَن يَتَّقِ اللَّهَ يَجْعَل لَّهُ مَخْرَجًا ﴿٢﴾ وَيَرْزُقْهُ مِنْ حَيْثُ لَا يَحْتَسِبُ ۚ
– “Ким Аллоҳдан қўрқса (яъни илоҳий қонун-қоидаларга Аллоҳдан қўрққани учун риоя этса) У зот унинг учун (барча ғам-кулфатлардан) чиқар йўлни (пайдо) қилур ва уни ўзи ўйламаган томонидан ризқлантирур”. (Талоқ:2-3)
Ҳизб ут-Таҳрир Ўзбекистон матбуот бўлими
07.08.2023й
