«Ўлим қайиқлари» Тунис ёшларининг жонларини олмоқда

Ҳизб ут-Таҳрирнинг Тунис вилоятидаги Матбуот бўлими чиқарган матбуот баёнотида шундай дейилди:

Ҳар йили ўн минглаб фарзандларимиз таълимдан узилиб, кўчага улоқтирилаётган, уларни ишсизлик, гиёҳвандлик, жиноятчилик ва «ўлим қайиқлари» ўз домига тортаётган бир вақтда, улар ўзларини ичимлик суви ва электр токи каби энг оддий кундалик эҳтиёжларини излаш сарсонлиги ҳамда ўз юртларининг бойликларини талон-торож қилаётган ва қонларини сўраётган Ғарбнинг увоқларини қидириб ҳижрат қилиш, денгиз тўлқинларига ва номаълум ҳаёт сари таваккал шўнғиш ўртасидаги гирдобда кўрмоқдалар. Зеро Бен-Гердан шаҳридан бўлган 13 нафар йигит Европа томон яширинча сузиб кетаётганларида сувга чўкиб ҳалок бўлдилар ва уларнинг жонлари «ўлим қайиқлари» қурбонларининг узун рўйхатига қўшилди.

Бу аламли фожиа биринчиси эмас ва модомики Уммат ёшлари ўз юртларининг бойликларидан маҳрум қилинар экан ҳамда уларнинг юзларига иш ва шарафли ҳаёт эшиклари ёпилар экан, охиргиси ҳам бўлмайди!

Баёнот Тунис аҳлига хитоб қилиб давом этди:

﴿إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ﴾

«Албатта, Аллоҳнинг марҳаматидан фақат кофирлар қавмигина ноумид бўлур» (Юсуф сураси, 87-оят).

Бас, инсонлар томонидан тўқилган тузум ва зиёнкор ҳукмдорлар сабаб юз берган ушбу аянчли воқеликка қарамай, унинг чангалидан қутулишимиз ва Аллоҳ биз учун рози бўлган етакчилик ҳамда пешқадамлик мартабасига қайтишимиз бизга кўз очиб юмгунчалик фурсатдан ҳам яқинроқдир! Бунинг шарти шуки — тўқима тузумларни таг-томири билан қўпориб ташлашимиз, Аллоҳнинг мустаҳкам арқонини маҳкам тутишимиз ва бутун оламлар Парвардигорининг Шариатига содиқ қолишимиздир. Бу Аллоҳ таолонинг ушбу сўзини тўлиқ тасдиқлайди:

﴿وَأَن لَّوِ اسْتَقَامُوا عَلَى الطَّرِيقَةِ لَأَسْقَيْنَاهُم مَّاءً غَدَقاً﴾

«Агар улар (тўғри) йўлда мустаҳкам турсалар, албатта Биз уларни мўл-кўл сув билан суғорган бўлур эдик» (Жин сураси, 16-оят).

Баёнот қуйидагиларни таъкидлади:

Халифалик соясида Аллоҳ нозил қилган ҳукмлар билан ҳукм юритиш — мусулмон ёшларини ҳимоя қилувчи, уларнинг ишларини тўғри бошқариб берувчи ва бойликларини муҳофаза қилувчи ягона хавфсиз бошпанадир… Муҳожирлар юртни ташлаб қочиш ҳақида ўйлаш ўрнига, ўз ғазабларини ўз юртларидаги мавжуд режимларга қарши йўналтиришлари, уларни илдизи билан суғуриб ташлашлари ҳамда уларнинг ўрнига ўз юртларида уларнинг шаъни-шарафини сақлайдиган ва Аллоҳ уларнинг юртларига инъом этган мўл-кўл неъматлар ва яширин хазиналар ҳисобига уларга шарафли, муносиб ҳаётни кафолатлайдиган Низомни ўрнатишлари шартдир!

Роя газетасининг 2026 йил 2 сентябр чоршанба кунги 615-сонидан