بِسْمِ اللهِ الرَّحْمٰنِ الرَّحِيمِ

Покистон иқтисодиётини вайрон қилаётган вазиятга чек қўйиш вақти келмадими?!

Солиқларни ошириш ва иш ўринларини қисқартириш билан боғлиқ бюджет ҳисоботи Покистондаги мусулмонлар ҳаётини даҳшатли оқибатлар кутаётганини кўрсатмоқда. Халқаро Валюта Фонди билан мулозимлар даражасида ўтказилган учрашув ортидан 11 июн куни даромадлар вазири Ҳаммод Азҳар Покистон иқтисодини вайрон қилувчи бюджетни эълон қилди. Унга мувофиқ Покистон Қуролли кучларини молиялаштиришни қисқартириши ҳамда судхўрликка асосланган қарзларни тўлаш учун «камарни сиқиш» сиёсатини қўллаши (зарурий моллар истеъмолини қисқартириши) керак бўлади.

Шу хусусда Ҳизб ут-Таҳрир – Покистон вилояти матбуот бўлими баёнот нашр қилиб, унда қуйидагича саволларни ўртага ташлади:

«Бугунги кундаги мавжуд иқтисодий мустамлакачилик тузумига ҳеч қандай умид қолмагани очиқ-ошкор маълумми ёки ҳали ҳам бу ҳақиқатни билмайдиганлар борми?! Аллоҳ Азза Жалла нозил қилган ҳукмни қайта жорий қилиш орқали Покистон иқтисодиётини вайрон қилаётган мушкул вазиятга чек қўйиш вақти келмадими?!».

Баёнотда қуйидагилар таъкидланди:

«Бундай репрессив солиқларга Пайғамбарлик минҳожи асосидаги Халифалик чек қўяди. Масалан, даромад солиғини йўқ қилади. Бу солиқ камбағал-бечораларни ҳам истисно қилмаяпти, ваҳоланки, уларга солиқ солиш керак эмас, закот бериш керак. Дарҳақиқат, Халифаликнинг бойлардан оладиган киримлари бор. Буни савдо товарларидан закот олиш ва экин экиладиган ерларга хирож белгилаш билан амалга оширади… Айнан ушбу Халифаликкина энергетика ва минерал секторлардан тушувчи даромадларни барча одамларга сарфланишини таъминлайди, хусусийлаштириш орқали улардан бир сиқим шахсларнинг фойдаланишига йўл қўймайди».

Баёнот ниҳоясида бундай дейилади: Шунинг учун бу дунё ва охиратда ютуққа эришиш учун мусулмонлар Пайғамбарлик минҳожи асосидаги Халифаликни барпо этишга жиддий ҳаракат қилмоқлари лозим. Аллоҳ Таоло бундай дейди:

﴿يَا أَيُّهَا الَّذِينَ آمَنُوا اسْتَجِيبُوا لِلَّهِ وَلِلرَّسُولِ إِذَا دَعَاكُمْ لِمَا يُحْيِيكُمْ﴾

«Эй мўминлар, Аллоҳ ва Росули сизни ҳаёт бахш этадиган нарсага даъват қилар экан, уни қабул қилинглар»                                               [Анфол 24]

Роя газетасининг 2019 йил 17 июл чоршанба кунги 243-сонидан

+1

0

Related posts:

Халқаро Валюта Фонди Кўрфаз давлатларидан дефицитни камайтириш учун қўшимча чораларни талаб қилмоқда Халқаро Валюта Фонди Тунисга шантаж қилиш орқали босим ўтказиб давлат харажатларини қайта кўриб чиқишни талаб қиляпти Исломни татбиқ қилишдан бошқа нарса Покистондаги иқтисодий тангликни бартараф қилолмайди Аллоҳнинг изни ила яқинда барпо бўлажак Пайғамбарлик минҳожи асосидаги Халифалик золимона солиқлар солиш билан камбағаллар тинкасини қуритмайди, балки давлатни улкан даромадлар билан таъминлайди