بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Сисий Ислом ва мусулмонларга қарши курашиш ҳамда хўжайини Америкага хизмат қилиш учун ҳамон Азҳардан ва армиядан фойдаланмоқда

Абдуллоҳ Абдураҳмон қаламига мансуб

Миср президенти Азҳар шайхи Аҳмад Тоййиб билан учрашуви чоғида «диний маърузаларни тузатиш»даги Азҳар шайхлари саъй-ҳаракатларини қўллаб-қувватлашини билдириб, экстремистик даъватларга қарши курашни тўхтатмаслик муҳимлигини таъкидлади. Азҳар шайхи бу учрашувда «диний маърузаларни тузатиш, Ислом суратини яхшилаш ва унга кириб қолган янглиш фикрларни тозалаш учун сарфланаётган меҳнатлари»ни баён қилди. У Исломнинг тўғри асосларини бериш, унинг соф ҳақиқатини изоҳлаш ҳамда «террорчилик», зўравонлик ва экстремизмнинг ҳар қандай турини рад этишда Азхари Шарифнинг халқаро даражадаги ролини айтиб ўтди. Шунингдек у, Азҳари Шариф ўзининг ўртамиёналиги ва самоҳати билан доим мўътадил Ислом учун минбар бўлиб қолади ҳамда Исломни ҳимоя қилишда ҳеч қачон кучини аямайди, дея таъкидлади.

Азҳар Кинона заминида илм қўрғони ва Исломни ҳимоя қилишнинг амалий минбари бўлиб келган. Унинг шайхлари ва уламолари Аллоҳ йўлида маломатчининг маломатидан қўрқмайдиган кишилар эди. Биз Из ибн Абдуссаломни бутун уламолар султони, халифалар байъатчиси сифатида таниймиз. Аллоҳдан ўзга ҳеч кимдан қўрқмай, кучли хитоб қилганини биламиз. Яна шуни ҳам биламизки, Азҳар салибчи Наполеон ҳужумига қарши ҳаракат нуқтаси бўлган. Жабартий ҳикоясига қараганда, салибчиларнинг қаттиқ ҳужумлари оқибатида қўзғолончилар Азҳарни топширишга мажбур бўладилар. Шунда салибчилар у ерга отлари билан депсаб кириб, айни даргоҳ қибласига отларини боғлаб қўйишади… Инглизлар Азҳарнинг бутун мусулмонлар, айниқса, Миср аҳли учун қанчалар улкан аҳамият касб этишини тушуниб, одатдагидек, ифлос режалари бўйича, Азҳардан Уммат фикри ва ақидасига қарши курашда қурол сифатида фойдаланишга ҳаракат қилишди, бу режаларини Мисрдаги малайлари қўли билан амалга оширишди. Бу малайлар мусулмон Миср фарзандларидан иборат бўлган! Муҳаммад Абдуҳ, Афғоний, Али Абдураззоқ кабилар Кинона аҳли онгига кўплаб Ғарб фикрларининг ўрнашишига, ҳатто бу фикрларнинг Исломга кириб қолишига ўз ҳиссаларини қўшишди. Шу тарзда Азҳарнинг Исломга мустаҳкам қўрғон ва қалқон бўлишдаги роли, бир айланиб, мустамлакачига қурол бўлиш ролига ўзгарди, қолди! Улар шу қурол ёрдамида Ислом ақидасига ҳужум қилишди, Умматни душманларга ва душманлар малайи бўлган Кинона ҳукмдорларига тиз чўктиришга уринишди. Оқибатда Азҳарга мансуб бўлган, Азҳар уламолари, дейилган кишилар Ғарб фикрлари, тушунчалари ва нуқтаи назарларини табанний қиладиган, одамларга шу асосда маъруза қиладиган «уламолар»га айланишди. Улар Ғарбга тобеликдан озод бўлиш истакларини ҳаракатлантириши ёки жамиятни ўзгартириш ва Умматни уйғотиш сари олиб борадиган тўғри йўлни кўрсатиши мумкин бўлган ҳар бир нарсадан одамларни узоқлаштиришга уринишди. Биз бу уламоларни юртларимизда зулм, коррупция, зўравонлик билан ҳукм юритаётган ҳукмдорларга қонунийлик тусини беришаётганини, одамлардан уларга сабр қилишни талаб қилишаётганини кўриб турибмиз. Уларга қарши чиққан ёки уларни ўзгартиришни талаб қилган барча кишиларни хаворижлар, деб ҳисоблаб, уларни қамашни, жазолаш билан ўч олишни, қатл қилишни, ҳатто аёлларини зўрлашни ҳалол қилиб беришаётганига гувоҳ бўляпмиз. Мисрдаги инқилоб ортидан содир бўлган ишлар ҳаммага маълум. Зеро, буларнинг қилмишлари ҳатто Қурайш мушриклари ҳам жирканадиган ишлардир. Қурайш, бундай қилмишлар туфайли араблар бизни уялтиради деб қўрққан. Булар ва буларга ўхшаганларда эса бирор эр кишилик ва мардликдан асар ҳам қолмаган. Ҳатто Ғарбнинг Ислом ва унинг аҳлига нисбатан нафрати ва жирканч фикрлари мана шу кимсаларда мужассам.

Эй мусулмонлар, эй Кинона аҳли!

Ҳукмдорларингиз сизнинг устингизда на аҳдга ва на бурчга риоя қиладилар. Аксинча, кофир Ғарбдаги хўжайинлари розилиги йўлида сизни қурбон қилиб сўйишмоқда. Бунинг устига, «терроризм»га қарши кураш иддиоси билан армиянгиздан, бойликларингиздан ва қонингиздан АҚШнинг Шом ва Ливиядаги нуфузини мустаҳкамлаш йўлида фойдаланмоқда. Зотан, «терроризм»га қарши кураш, даъвоси ёқимсиз бир куй бўлиб Исломга қарши курашаётган ва қўзғолончи мусулмонларни қираётганларнинг барчаси шу куйни куйламоқда. Мана, Миср ҳукмдори ҳам Кинона фарзандларини юртнинг чор атрофидан йиғиб, мана шу урушларга сафарбар қилмоқда. Ваҳоланки, бу урушлар Умматга сариқ чақалик манфаат келтирмайди, билъакс, бойликларимиз устида ўзаро курашаётган Ғарб давлатлари нуфузининг мустаҳкамланишига хизмат қилади. Ливияда Ҳафтар АҚШ манфаати йўлида, Британия ва Европа ҳисобига хизмат қилмоқда. Суриядаги урушда эса у ерга аскарларини юбориб, уларни Уммат қўзғолонини бўғизлаш учун ҳамда Умматнинг АҚШга қарамликдан озод бўлиши ва Пайғамбарлик минҳожи асосидаги Халифаликнинг барпо бўлишига тўсқинлик қилиш учун сафарбар қилмоқда. Ушбу Халифалик бутун Ғарб нуфузига таҳдид солаётгани сабабли Америка малай ҳукмдорларига бирма-бир Шом қўзғолонини йўлдан уриш ва бўғизлашни буюрмоқда. Бир малайи буни эплолмаса, иккинчисига буюрмоқда… Аллоҳнинг изни ила, яқинда Шомнинг онгли холис аҳли олдида бу малайларнинг барчаси шу тарзда бирма-бир тўкилиб тугайди. Чунки бу аҳлимиз қўзғолоннинг илк кунидан бошлаб Аллоҳ учун қўзғолон бошлаганларини, Унинг шариатини бошқарувга олиб чиқиш ва Ғарбга қарамликдан озод бўлиш, Пайғамбарлик минҳожи асосидаги Халифаликни барпо этишни мақсад қилганларини очиқ эълон қилганлар.

Эй Кинона аҳли!

Тўғри, биз диний қўзғолонга муҳтожмиз. Бироқ бу Сисий орқали ёки анави «уламою машойихлар» орқали бўлмайди. Исломни террор манбаи, деб ҳисобловчи Ғарб тушунчаси бўйича «терроризм» ва «экстремизм»га қарши курашиш орқали бўлмайди. Йўқ, биз муҳтож бўлган қўзғолон Аллоҳ ва Росулини рози қиладиган ва Азҳарни Из ибн Абдуссалом замонига қайтарадиган тариқатга асосланади. Ғарб фикрларини парчалайдиган ва ақдимизни Ғарбнинг ифлос фикрларидан тозалаб, Росулуллоҳ САВ қолдирганларидек асли пок-мусаффо ҳолига қайтарадиган қўзғолонга муҳтожмиз. Бироқ бундай қўзғолонни Ғарб бағрида тарбияланган, унинг фикрларидан озуқаланган уламолар қилмайди. Уни Аллоҳ йўлида маломатчининг маломатидан қўрқмайдиган холис исломий фикр олган ҳақиқий раббоний эр кишилар қилади. Бундай инсонларни бутун исломий оламдаги фоҳишабоз режимлар ноғорасига ўйнаётган кимсалар орасидан топиб бўлмайди. Сиз бу ишга бел боғлаган бундай кишиларнинг кўпчилигини мана шу режимлар томонидан қувғин қилинганини ёки қамоққа олинганини кўрасиз.

Биз шундай қўзғолонга муҳтожмизки, у орқали Кинона аҳли худди илгари бўлганидек Шом аҳли билан чегараларсиз чамбарчас боғланадилар. Кинона армияси АҚШ ва унинг малайи Асадга ёрдам берувчи армияга эмас, Шом аҳлига нусрат-ёрдам берувчи армияга айланади. Биз шундай қўзғолонга муҳтожмизки, у орқали Кинона аҳли Ислом ақидасига чамбарчас боғланади ва шу ақида асосида фикрлаб, Ғарб ва унинг малай ҳукмдорларига етти букилиб таъзим қилувчи кимсаларга рози бўлмайди. Аксинча, сўзлари билан амаллари бир хил тўғри бўлган ва насиҳат билан ўнгланадиган инсонларга рози бўладилар, пок мафкурани ва ҳаётларини ўзгартирувчи манҳажни бағриларига оладилар. Бугун Ҳизб ут-Таҳрир қўлида ушбу пок мафкура ва ҳаётларини ўзгартирувчи манҳаж бор. Ҳизб Кинона аҳли орасида юриб, уларни кечаю кундуз мана шуларни эслатмоқда ҳамда Кинона армияси қуроллари Ливия, Яман, Сурия… каби мусулмон аҳли кўксини эмас бутун Уммат душманларини нишонга олишига умид қилмоқда.

Эй Кинона аҳли!

Динингизни ва аҳлингизни Аллоҳнинг Ўзи асрасин! Уларни Аллоҳ учун холис асранг, Аллоҳ Ўз даргоҳидан сизга ҳасанотлар ёзади. Сиз Шом аҳлининг қўзғолон карвонига етиб олинг, анавиларнинг «Биз ҳам Суриядаги аҳволга тушмайлик», дея айтаётган кимсалардан асло қўрқманг. Чунки Сурия Ғарбга қарамликдан қутулиш йўлидан кетмоқда. Аллоҳ йўлида ҳалок бўлиш Кинонада хор бўлиб яшашдан кўра афзалдир. Портловчи бочкалар ва бомбалар ҳам Кинона аҳлининг танг-бахтсиз яшашларидан кўра енгилдир, қуллар мисол бало-офатда кун кечиришларидан кўра арзимасдир. Бас, қўзғолонни Аллоҳ учун олиб боринг, шояд, У нусратини сизнинг қўлингиз билан берса, оқибат-ютуқни сизга насиб этса. Аллоҳ – кофирлар истамасаларда – Ўз ишида ғолиб ва аскарларига нусрат берувчидир.

يَا أَيُّهَا الَّذِينَ آمَنُوا اسْتَجِيبُوا لِلَّـهِ وَلِلرَّسُولِ إِذَا دَعَاكُمْ لِمَا يُحْيِيكُمْ

«Эй мўминлар, Аллоҳ ва Унинг Росули сизни абадий ҳаёт берадиган нарсага даъват қилган пайтда уни қабул қилинг»                                        [Анфол 24]

Роя газетасининг 2016 йил 6 декабр чоршанба кунги 107-сонидан