Уммат хоини бўлган Каримов режимига ҳизмат қилувчи хоинларнинг умматга нисбатан хақоратларга тўла мажлисидан
بِسْمِ اللهِ الرَّحْمنِ الرَّحِيمِ
Ўзбекистон ОАВ ларида ёритилмайдиган хабарлар
Уммат хоини бўлган Каримов режимига ҳизмат қилувчи хоинларнинг умматга нисбатан хақоратларга тўла мажлисидан
Шаҳрисабзда 11.03.2016 да бўлиб ўтган, хақоратларга тўла мажлисда айтилган гаплар тўғрисида манбамиздан келган хабар билан сизларни таништирамиз:
“Ассалому алайкум бугун туман ИИБ нинг мажлислар залида мажлис бўлиб ўтди. Шаҳрисабз Китоб Яккабоғдан одамлар чақирилиб, “Қора” рўйхатда турадиганлар, фарзанди четга кетганлар, махалла раислари йиғилибди. Жуда кўп одам келиб залга сиғмай кетишган, кеч келганлар ерда ўтиришди. Бошланишида бизга “Қиёматга қолган қарз” деган хужжатли фильм қўйиб берилди.
Бу фильм Сурияга кетганлар, ота оналарнинг уларни “оқ қилдим” дегани, хуллас ҳамма вилоятлардан ҳижрат қилганлар ва уларнинг ўлими ҳақида олинган экан.
Фильм тугагач рахбарлар, мажлис ташкилотчилари келиб ўтиришди. Бирма бир сўзга чиқишди. Асосий мавзу Сурияга кетган мужоҳидлар бўлди. Тошкентдан вазирликдан келган маҳалла раисларини каттаси бўлар экан шу гапирди. “Турли вилоятларда мажлисларда бўлдим одамлар тушуняпти, хатто боласини оқ қиляпти, махалла фаоллари хоинларни ота онасини хайдаяпти, силарда ўзгариш йўк” деб маҳалла раисларини гапирди.
Сўнг Қарши шаҳар имом хатиби Раҳматилла ҳожи Усмонов сўзлади. Дин номидан, Қуръон ва суннатдан гапириб, “Фатҳдан сўнг ҳижрат йўқ, улар боғийлар” деди ва“Аллоҳ уларни ўлдиришга буюряпти, лекин юртбошимиз уларни кечиряпти” деб, асосан ота оналарни айблади.
Кейин вилоят ҳокими ўринбосари гапирди (исми эсимда қолмади). Бирма бир ота оналарни тургизиб гаплашди, фарзандини ёнини олганларга жуда ёмон муомила қилди. Ёшини 82 да деган бир отахон қизи ва куёви Туркияда экани, қизи билан гаплашиб туришини, “Улар дастлаб ишлаш учун Россияга кетди, бу ерда иш бўлмаса” деди, уларни ўлмаганини айтди. Ҳоким муовини катта ёшли қари отани “Миянгиз айниб колибди сиз овсар бўлсайиз бизда нима айб, сиз СССР ни тарбиясида қолиб кетибсиз” деб, изза қилди. Отахон “Кечирасизу мен тўғри кексаман, қариман, аммо олий маълумотлиман, педагогман хақорат қилманг” деди.
Яна бир ўғлини ёнини олиб гапирган онани ҳам шундай бехурмат қилишди. Мажлис охиригача икковини тургизиб қўйишди. Ҳар бир сўзга чиққан киши икковларига қараб гапираверди. Хатто улардан баъзилари “Сизлашга тилим бормайди сен чолни ўлганинг яхши” дейишди, “Сендай онага жой йўк кет болангни ёнига” дейишди.
Шаҳардаги Жомий МФЙ раиси Нўъмон Узоқов рухсат сўраб сўзга чиқди:
“Мана Тошкендан, вилоятдан вакиллар келган менда бир таклиф бор шуни кўриб чиқсангиз. Шу хоинларни ота оналари учун туманимизда алоҳида бир қабристон қилсак, унда хоинларни ота оналар қабристони деб ёзайлик, хатто буларни ўлигиям қабристонларимизга бошқалар қатори кўйилмасин” деди, “Юртим, президентим” дея “оташин нутқ” сўзлади.
Яккабоғдан келган МФЙ Раиси ҳам шундай сўзлади.
“Менда ҳам бир таклиф бор. Олдинлари ўғрини қўли кесилган, ўғри экани билиниб турган. Мана хозирда техникамиз, медицинамиз ривожланган, шу хоинларни ота онасини юзига ё пешонасига бир тамға босишни йўлга қўйсак, токи хоинни ота онаси экани билиниб турсин” деди.
Яна бу раис ўз нутқига қўшимча қилди:
“Мен ҳар сафар Шаҳрисабзга келсам рўмолини томоғига ўраб игначўп ўтказвоган аёл қизлани кўраман. Қани замон кўтарсада рўмолини тортиб олиб йиртиб ташласам. Бизда йўқ қолмади рўмолликлар, шунга жиддий эътибор беришиларни сўрайман” деди.
Кейин Қашкардарё вилояти МХХ бошлиғи А.Т. Ахмедов чиқди сўзга. У ота оналарга, маҳалла раисларга ҳам қўпол гапирди.
“Яхшиликча болаларингни ҳижратдан чақирларинг акс ҳолда сўз бераманки сенларга уларни ўлигини далил билан келтираман. Одамларимиз бор ўша ерда ўлдиртираман, улар жангдамас кўпи бизни одамлар томонидан ўлдириляпти” деди. “Улар Ўзбекистонни обрўсини туширяпти шунинг учун ё келсин ё ўлади. Келса қамамаймиз” деди.
У яна яқинда Озодликдан ҳам чиққан, ўзини ўлдирди деб айтилган ўқитувчи Баходировани ўғлини гапирди. “У интернетда жиҳодга, ИШИДга ташвиқот мавзусини тарқатди. Ўзим икки кунда ушлаб қамадим. Мен ҳамма нарсани биламан” деб қўрқитгандай гапирди. “Маҳалла раислари сайлови бўлади. Энди бизга мана булардай фаоллар керак” деб олдинги 2 та сўзга чиққанларни кўрсатди. “Сенлар бир маҳаллада етти киши ойлик оласанлар, давлатни пулини оқлашмаяпсан, бўшатиб қўй жойни” деб гапирди, МФЙ дагиларга. “Энди шу хоинларни тўйдан, тазиядан хайдаш камлик қилади. Улар яшайдиган уйини дарвозасига “Бу хоиннинг уйи” деб ёзиб қўйишни йўлга қўйинглар. Қайси бири қаршилик қилса менга айтинглар керак бўлса келиб уйини буздириб текислаб ташлайман” деди. “Ўткан мажлисда келганимда шаҳарда 30 киши қидирувда эди. Хозир 42 тага етибди кўзларинг қаёқда бу туришда шаҳарда одам қоладими” деди. У Президентни кексайсам Қашкадарёга келиб яшайман деганини эслатиб “Мен водийданман, мен Шаҳрисабзда яшашни хоҳлайман” деди.
Сўзини охирида Илҳомжон деб бировга мурожат килди. Бир йигит ўрнидан турди. Унга топшириқ берди “Мана шу аёлни Сурияга ўғлини ёнига кетсин фуқароликдан чиқаринглар, худди Косондаги онадай буни ҳам фуқароликдан маҳрум қилинглар” деб, ўғлини ёнини олган онани шундай жазолашни буюрди”.
Бу хабарда келтирилган жумлаларга эътиборли бўлиб, Аллоҳ учун холис ёндошишингизни сўраймиз.
Ҳизб ут-Таҳрирнинг Ўзбекистондаги медиа офисининг масъули Умар
13.03.2016й.
