بسم الله الرحمن الرحيم

Қўрқув билан ўзини алдаб яшаш яхшими?

Осмон тўла булут, деҳқон шу бугун ўзининг меҳнати самарасини йиғиб олиши керак, йўқса кеч бўлиши мумкин. Булутнинг холатидан ёғингарчилик давомий бўладиганга ўхшайди. Агар экин қолиб кетса дехқон жиддий зарар кўриши аниқ. Хали иш бошламаган деҳқон осмонга қараб ёмғир ёғишидан ва шунча қилган меҳнатининг маҳсулига зиён етиб қолишидан қўрқмоқда. Шу ўйланганча кўп вақт қолиб кетди, нима қилишга хайрон. Қани эди шу булутларни тарқата олишни имкони бўлса, ялиниб, тиз чўкиб бўлса ҳам булутларни тарқатиб юбориш учун ёлворарди, ҳаракат қиларди. Лекин ана шундай имконни бор ёки йўқлигини билмайдида. Қаттиқ тушкунликда. Шунда бирданига дехқонда қандайдир журъат пайдо бўлди ва ўз ишини қилиши кераклигини ўйлади. Аллоҳга таваккал қилиб оиласи билан биргаликда бор имкониятларини, куч – қувватларини сарфлаб дехқончилик махсулларини йиғиб олишга киришдилар. Бирдан енгил шаббода эсдида, осмондаги салобатли, қўрқинчли бўлиб кўринган қалин булутларни, пуфлаганда тарқаб кетадиган пар сингари хар ёққа тарқатиб юборди. Эрта тонгда инсоннинг кайфиятига ўзгача таъсир қиладиган қуёшнинг ёқимли заррин нурлари дехқонни ғолиблик билан олқишлаётгандек тарала бошлади.

Мен бир инсонни билардим, у инсон аслида бировнинг хаққига кўз олайтирмайдиган халол ва бесабаб бошқаларнинг кўнглини оғритмайдиган одобли эди. Ўша инсонга ачинардим, чунки у инсон хато деб билган, нотўғри деб хисоблаган, қалби оғрийдиган ишларни қилишга мажбур бўларди. Аслида эса бу ишларни қилишга у ўзини мажбурдек хис қиларди. Нималарнидир умид қиларди, қандайдир орзулар қиларди, лекин шу умидлари, орзуларини амалга ошириш учун ҳаракат қилмасди. Чунки улар учун ҳаракат қилиш жамиятни, яшаш тарзини ўзгартиришни талаб қилишини билар эди. Фақат ана шу ўзгартириш жамият устидаги ҳукуматга қарши чиқиш эканлигини билар ва у айнан ана шундан қўрқар, бугунги қўрқуви сабаб хаётини ўзи хоҳлагандек бўлиши учун ҳаракат қила олмас эди.

Атрофимизда бундай инсонлар камми? Аслида барчамиз адолатни истаймиз, бу инсоннинг табиатида бор бўлган нарса. Лекин ўзимиз хоҳлаган хаёт сари ҳаракат қилишга бизларда журъат ва шижоат етишмай қолади, балки кимларда бу нарса умуман бўлмагандир. Биздаги журъатнинг сўнганлиги адолатсиз хаётимизга рози бўлиб, ўзгаришларга ҳаракат қилишдан қўрқишимизда кўринади. Умидсизлик, тушкунлик, зулмларга сукут қилиш ва жимлик, интилмаслик, ҳаракат қилмасдан эришишни хоҳлаш, худди Мусо алайҳи салом қавми “Бор Аллоҳинг билан ўзинг курашавер, биз шу ерда қараб турамиз” деганлари каби холатлар бизнинг хаётимизни чулғаб олди. Биз қандай бўлишимиз керак?

Ажабки, баъзилар ҳукуматга, хокимга, бошлиққа ёқишга ҳаракат қиладилар, афсус Аллоҳга ёқиш хаёлларида ҳам йўқ. Тасаввур қилинг ўғлингизни таъминоти билан машғул бўлиб едирдингиз, ичирдингиз, кийинтирдингиз ва ўғлингиз сизни айтганингизни қилмай бошқаларнинг буюрганларини жон куйдириб бажарадиган бўлди, сизга итоат қилишни хоҳламайди, вақти йўқ. Жахлингиз чиқадими? Сиз отасиз, ўша фарзандингизни яратмагансиз, жон бермагансиз, Аллоҳ берган ризқни унга етказгансиз, холос, шунда ҳам жахлингиз чиқади ва керак бўлса ўғлингизни жазолайсиз. Энди ўйлаб кўринг сизга Аллоҳ нималарни берди ва сиз Аллоҳ учун нима қилябсиз? Аллоҳ мухтож эмас, қиладиган амалингиз ўзингизга жазо ёки мукофот бўлади.

  Аслида ўзгартиришга интилишингиз сизнинг вазифангиз, бурчингиздир.

Чунки Аллоҳ айтади:

فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً

«Йўқ, Парвардигорингизга қасамки, то улар ўз ўрталарида чиққан келишмовчиликларда сизни ҳакам қилмагунларича ва кейин сиз чиқарган ҳукмдан дилларида ҳеч қандай танглик топмай, тўла таслим бўлмагунларича-бўйсунмагунларича зинҳор мўъмин бўла олмайдилар»                           [Нисо. 65]

Ўзингизни мўъмин деб билсангиз Аллоҳ Таъоло айтганидек хар бир муаммоингизга Пайғамбар соллаллоҳу алайҳи васалламга эргашган холда ечим излашингизга тўғри келади. Хаётингизга қаранг Аллоҳ ва Росули САВ истагандек яшаябсизми? Агар ундай яшамаётган бўлсангиз, ўшандай яшаш учун ҳаракат қилябсизми? Ҳаракат қилаётган бўлсангиз ҳаракатингиз Ислом шариатига мувофиқ келадими? Чунки Аллоҳ Таъоло айтади:

الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِيناً

«Бугун сизларга динингизни комил қилдим, неъматимни бенуқсон, тўкис қилиб бердим ва сизлар учун (фақат) Исломни дин қилиб танладим»           [Моида. 3]

Бизларни Ислом дини билан яшашимизни Аллоҳ Таъоло танлади, шу дин шариати билан яшасак Аллоҳ Таъоло рози бўлади. Хаётимизга қарайлик, бизни бошқараётганлар томонидан чиқарилаётган қонунлар ва қарорлар, хаётимиздаги хар бир муаммога берилаётган ечимлар, келиша олмаётган икки кишини келиштириш учун чиқарилаётган хукмлар Ислом шариатидан олиняптими? Агар Ислом шариатидан олинмаётган бўлса ўзингизни мўъмин деб билсангиз бу ҳукмларга рози бўлишингизга хаққингиз йўқ. Чунки Аллоҳ Таъоло бизларга фақат Исломни танлади. Сиз Исломсиз бошқарувга розимисиз? Қўрқувни йиғиштиринг ва Буюк Аллоҳ рози бўладиган Ислом билан яшашга ҳаракат қилинг, ин ша Аллоҳ ғолиб бўласиз.

Ҳизб ут-Таҳрирнинг Ўзбекистондаги медиа офиси Абдуллоҳ

09.06.2015й.