Матбуот баёноти

Қўшма Штатлар Ҳиндистон ва яҳудий вужудини энг замонавий қурол-яроғлар билан таъминлаб, Покистоннинг баллистик ракета дастурига санкция киритмоқда

Қўшма Штатлар Ғазода қатли ом содир этиши учун яҳудий вужудига ўнлаб миллиард долларлик қурол-яроғ етказиб бериш билан бирга, мусулмон юртларидаги ягона ядровий куч бўлган Покистонга нисбатан санкциялар жорий қилмоқда. 2024 йил 12 сентябрда АҚШ давлат департаменти матбуот котиби Мэтью Миллер «Қўшма Штатлар Покистоннинг баллистик ракета дастури таъминотчиларига нисбатан санкция қўллашда давом этмоқда» сарлавҳали баёнот нашр қилди. Американинг мусулмон юртларига нисбатан сиёсати хорлаш ва таҳқирлаш, душманларини қўллаб-қувватлаш ва кучайтириш сиёсатидан иборат. Хусусан, Покистон масаласида, Қўшма Штатлар Ҳиндистоннинг юксалишини ва шу тариқа унинг Америка номадан мусулмонларга ва Хитойга қарши кураш олиб боришини таъминлаш учун Покистонни заифлаштиришни мақсад қилган. Очиғини айтадиган бўлсак, мусулмонларнинг ҳозирги раҳбарлиги даврида Америка билан иттифоқчилик лойиҳаси мусулмонлар ва уларнинг динига зарар келтирмоқда. Шундай экан, Ҳизб ут-Таҳрир етакчилиги остида Пайғамбарлик минҳожи асосидаги рошид Халифаликдан иборат янги лойиҳа орқали АҚШнинг глобал тартибидан қутулиш вақти келмадими?!

Эй Покистондаги куч-қудрат аҳли!

Америка билан бўлган иттифоқ лойиҳаси хато лойиҳа экани очиқ кўриниб турибди. Америка билан иттифоқчи бўлган раҳбарият номуносиб раҳбарият экани ҳам очиқ ҳақиқат. Сизга Америка билан бўлган иттифоқ лойиҳасини кучайтирган аввалги Америка малайи генерал Мушаррафни эслатмоқчимиз. Бу кимса 2001 йил 19 сентябр куни Покистон вақти билан 20:30да юрт телевидениеси орқали халққа мурожаат қилган эди. У ўз мурожаатида Америка Афғонистонга уруш қилишга тайёргарлик кўраётган бир пайтда, Покистондан Америка билан иттифоқчилик қилишни талаб қилиб, бундай деган эди: «Бундай вазиятда, агар нотўғри қарорлар қабул қиладиган бўлсак, оқибатлари биз учун оғир бўлиши мумкин. Бизнинг асосий ташвишимиз суверенлигимиз, сўнг иқтисодиётимиз, сўнг (ядро ва ракеталар бўйича) стратегик активлигимиз ва ниҳоят Кашмирдаги муаммойимиздир. Агар нотўғри қарор қабул қилсак, буларнинг барчаси зарар кўради». Бироқ, Америка билан бўлган иттифоқчилик «Биринчи Покистон» шиорини амалга ошириш ўрнига, аксинча Американи биринчи ўринга қўйди, Ислом ва мусулмонларни эса охирги ўринга қўйди! Америкача дунё тартибининг малайлари иқтисодиётимизни ҳам, суверенлигимизни ҳам вайрон қилишди, Кашмирни ҳинду давлатига топширишди. Энди бўлса, улар мусулмон юртни ўзининг ягона ядровий мудофаасидан маҳрум қилишга уринишяпти.

Эй Покистондаги куч-қудрат аҳли!

Ҳизб ут-Таҳрир Америка билан иттифоқчилик қилишнинг хатарлилиги тўғрисида ўз вақтида огоҳлантирмадими? Масалан, 2001 йил 22 сентябрда Ҳизб ут-Таҳрирнинг Покистондаги расмий нотиғи Навид Батт Америка билан иттифоқчиликдан мақсад Умматни заифлаштириш экани ҳақида огоҳлантириб, бундай деган эди: «Ҳозир «Биринчи Покистон» шиори миллий манфаат ниқоби остида Америкага ёрдам кўрсатишга хизмат қилмоқда… Афғонистонни ва бошқа юртларимизни бирлаштирадиган Халифаликни барпо этинг… Ушбу қудратли Халифалик кофир душманларга қарши туриш билангина кифояланмайди, балки уларни Ислом ҳокимиятига бўйсундиради». Кейинчалик Американинг малайлари бу огоҳлантирувга қандай жавоб қилишди? Ҳизб ут-Таҳрир аъзоларини қамаш билан жавоб қилишди. Улар Ҳизб фаолларини огоҳлантиришди, ҳатто ишларидан ҳайдашди, уйларига бостириб киришди, калтаклашди, электр токи билан қийноққа солишди. Навид Баттни эса ўғирлаб кетишди. 2012 йил 11 май жума кунидан бери ҳалигача Навид Баттдан дарак йўқ. Шу тариқа, Америка малайлари америкача дунё тартиби зарарларидан қутулишдаги мусулмонларнинг ягона имкониятига, яъни Ҳизб ут-Таҳрир етакчилигида Пайғамбарлик минҳожи асосидаги рошид Халифаликнинг барпо этилишига тўсқинлик қилиш учун қўлларидан келганини қилишяпти.

Эй Покистон қуролли кучлари!

Америка билан иттифоқчилик лойиҳасидан воз кечмоқ ва сафингизни малайлардан тозаламоқ учун аллақачон вақт келди. Генерал Мушарраф Американинг Покистондаги ҳукмронлигини мустаҳкамлаш учун 1999 йил октябрда ҳокимият тепасига келган бўлса, ўшандан буён чорак аср вақт ўтди. Раҳбариятингизда бирин-кетин келаётган малайлар Америка ҳукмронлигини янада кўпроқ мустаҳкамлашяпти. Вақт ўтгани сари Покистон иқтисодиёти тобора ёмонлашмоқда. Ўзингизга савол бериб кўринг, Покистон Америка билан иттифоқчиликда давом этар экан, яна қанчагача тик тура олади?! Наҳотки, Аллоҳ Азза ва Жалланинг ушбу огоҳлантирувига эътибор бермасангиз:

﴿إِنَّمَا يَنۡهَىٰكُمُ ٱللَّهُ عَنِ ٱلَّذِينَ قَٰتَلُوكُمۡ فِي ٱلدِّينِ وَأَخۡرَجُوكُم مِّن دِيَٰرِكُمۡ وَظَٰهَرُواْ عَلَىٰٓ إِخۡرَاجِكُمۡ أَن تَوَلَّوۡهُمۡۚ وَمَن يَتَوَلَّهُمۡ فَأُوْلَٰٓئِكَ هُمُ ٱلظَّٰلِمُونَ﴾

«Аллоҳ сизларни фақат динларингиз тўғрисида сизларга қарши жанг қилган ва сизларни ўз диёрларингиздан ҳайдаб чиқарган ҳамда сизларни ҳайдаб чиқаришда бир-бирларига ёрдамлашган кимсалардан — улар билан дўстлашишларингиздан қайтарур. Кимки улар билан дўстлашса, бас, ана ўшалар золим кимсаларнинг ўзидир»                                        [Мумтаҳина 9]

Мана, Америка бизга қарши жанг қиляпти, еримизни босиб оляпти, яҳудийларга ва ҳиндуларга бизни қирғин қилиш ва ерларимизни босиб олишда ёрдам беряпти. Шундай бўлгач, Алим ва Ҳаким Аллоҳнинг мазкур огоҳлантирувига қулоқ солинг ҳамда Америка билан ҳар қандай турдаги иттифоқни узиш сари амалий қадам ташланг.

Эй Покистон Қуролли кучлари!

Кофирлар билан алоқани узинг ва рошид Халифалик байроғи остида бирлашинг. Аллоҳ Таоло айтади:

﴿ٱلَّذِينَ يَتَّخِذُونَ ٱلۡكَٰفِرِينَ أَوۡلِيَآءَ مِن دُونِ ٱلۡمُؤۡمِنِينَۚ أَيَبۡتَغُونَ عِندَهُمُ ٱلۡعِزَّةَ فَإِنَّ ٱلۡعِزَّةَ لِلَّهِ جَمِيعٗا﴾

«Улар мўминларни қўйиб кофирларни дўст тутадилар. Улар ўша кофирлар олдидан куч-қудрат излайдиларми?! (Овора бўладилар!) Зеро, бор куч-қудрат Аллоҳникидир»                                                                             [Нисо 139]

Пайғамбарлик минҳожи асосидаги рошид Халифалик лойиҳаси куч ва ҳокимиятни кофирлардан талаб қилмайди. Рошид Халифалик мусулмонларнинг куч-қудратини бирлаштириб, дунёдаги энг қудратли давлатга айланади. Ахир, Аллоҳ Таоло Ислом Умматига миллионлаб аскарларни, улкан энергия ва минерал захираларни, ақл-заковатли фарзандларни, бепоён денгизларга чиқиш имкониятини, муҳим сув йўлларини ва кенг қишлоқ хўжалик ерларини насиб этмадими? Аллоҳ Субҳанаҳу ва Таоло Ғазо синови орқали Умматни ўзгаришга тайёрламадими?! Мана, бутун Уммат глобал америкача дунё тартибининг нақадар ёмонлигини англаб етиб, ўзининг Исломга ва бирликка муҳтожлиги тўғрисида сўз юритмоқда. Индонезиядан то Марокашга қадар мусулмонлар Халифаликка бўлган даъватга қулоқ солмоқдалар. Шундай экан, сиз қуролли кучларнинг Америка қўлида азоб чекаётган Умматни қутқариш сари илк амалий қадамни ташлашингиз учун энг муносиб вақт ҳозирги вақт эмасми?!

Эй Покистон Қуролли кучлари!

Ҳизб ут-Таҳрир етакчилиги остида Пайғамбарлик минҳожи асосидаги рошид Халифаликдан иборат янги лойиҳанинг вақти келди. Ҳозирги етакчилигингиз сизга Американинг қўлида хор бўлишдан бошқа нарса келтирмаяпти. Бироқ илк рошид Халифалик Рум ва Форс тоғутларининг глобал тартибини қулатган эди. У, шунингдек, асрлар давомида дунёнинг бошқа кучлари устидан ҳукмронлик қилиб, адолатли шариат қонунларига асосланган глобал тартибни жорий қилган эди. Сизга ҳозир Пайғамбарлик минҳожи асосидаги иккинчи рошид Халифаликни барпо этувчи Ҳизб ут-Таҳрир етакчилиги зарур. Зеро, бу Ҳизб Халифалик учун Қуръони Каримга ва Росулуллоҳ ﷺнинг суннатига асосланган 191 моддадан иборат тўлиқ дастур тайёрлаб қўйди. У, шунингдек, Исломнинг сиёсий ечимларини ва татбиқ тариқатини шарҳловчи адабиётлар кутубхонасини яратди. Мусулмон юртлари бўйлаб иқтидорли, онгли ва холис эркак-аёллардан иборат бутун бир гуруҳ етиштириб чиқарди, улар Халифалик давлатида ҳукмдорларга насиҳат қилиш ва улардан ҳисоб сўрашга тайёрдирлар. Ҳизбга бутун дунё бўйлаб унинг амири улуғ олим Ато ибн Халил Абу Рошта етакчилик қилмоқда. Бас, эй қуролли кучлар, АҚШнинг глобал тизимини йўқ қилиш учун илк амалий қадамни ташланг ва Аллоҳ Азза ва Жалланинг розилигини талаб қилинг. Пайғамбарлик минҳожи асосидаги иккинчи рошид Халифаликни барпо этиш учун Ҳизб ут-Таҳрирга нусрат-ёрдам беринг.

Ҳизб ут-Таҳрирнинг Покистондаги матбуот бўлими