بِسْمِ اللهِ الرَّحْمنِ الرَّحِيمِ
Ўзбекистон тоғутининг яна бир ҳийласи

Ўзбекистон республикаси вилоятларининг хар бирида турли номлар билан ташкил этилган “FM – радио” тўлқинларининг хаммаси  бир хил вазифани бажариб, халққа мусиқий – кўнгил очар эшиттиришлар бериш билан шуғулланиб келмоқда.

Электр энергиясини тежаш бахонасида хатто туғруқхоналар, жаррохлик бўлимларидан хам электр энергияси узилган вақтларда ҳам, суткасига 24 соат ишлайдиган бу радиостанциялардан   электр энергия таъминоти тўхтатилмайди.

Ўзбекистоннинг  хозирги жар ёқасига келиб қолган иқтисодий сиёсатига назар ташлар эканмиз, унда турли сохада фаолият юритаётган ташкилот, фирма ва якка шахслар ғоятда қаттиққўллик билан солиққа тортилаётганлигини гувохи бўламиз. Хўш шундай шароитда бундай радиостанцияларни ташкил этиш шарт эдими? Бунда радиостанцияларни ташкил этишдан мақсад нима?

Гап шундаки ўтган ХХ асрнинг  90-чи йилларида Ўзбекистонда фаолият юритган Исломий харакатларни зўрлик билан таъқиб қилган тоғут Каримов режими ўз таъбири билан айтганда “фикрий бўшлиқни тўлдириш” мақсадида халқни, хусусан ёшларни Исломдан узоқлаштириш мақсадида бир қатор ишларга қўл урди. Шулардан бири “FM – радио” каналларини ташкил этишдир.

Бундай каналларда эшиттиралаётган мусиқа нафақат ёшларни, балки хамма ёшдаги инсонларни қамраб олишга қаратилганлигини айтиб ўтиш жоиздир. Мусиқа нағмаларга нисбатан Ислом динининг муносабати аниқ, бу хақида бир қатор хадислар ворид бўлган.

Қарангки ўша даврларда Исломдан анча узоқда бўлган немис халқида шундай мақол бор экан: “Қайси халқни итоатда ушламоқчи бўлсанг унинг қўшиқларини кўпайтиришга  шароит яратиб бер ”.

Хакикатдан ҳам тинимсиз кўп мусиқа тинглайдиган кишилар фикрлаши ўтмаслаша боради. Ўз хақ-хуқуқлари тўғрисида ўйламай қўйиб, аллақандай хиссиётлар оғушида юради. Бундай одамларни бўйсиндириш хам осон бўлади. Айниқса ритмик такрорланувчи мусиқа онгни шикастлайди.

Бугунги кунда Ўзбекистон “FM” каналларидан таралаётган қўшиқ нағмалар бутун Ўзбекистонни нағмага кўмиб ташлади. Бу каналларда фаолият юритаётган сўзга чечан бошловчиларнинг радио ўйинларидаги бачкана, аёллар билан гаплашган вақтда қилаётган қалтис хазиллари халқ савиясини тобора тушуриб юбормоқда.

Натижада ёш авлоддан кўнгил хушликларга ўч ўйинқароқ бир қатлам ажралиб чиқмоқда.

Ачинарлиси FM каналларида ташкил этилаётган дақиқаси анча қиммат бўлган турли хил радио ўйинларда иштирок этаётган халқнинг ўзи бу каналларга анча маблағ тушуриб бермоқда.

Табиийки хар қандай воситани яхшиликка хам, ёмонликка хам ишлатиш мумкин. Бундан 5-6 йил бурун таниқли журналист Хайрулло Хамидов “FM” каналларининг бирида исломий эшиттириш ташкил этган эди. Исломни севувчи ўзбек халқини олқишига сабаб бўлган эди. Лекин кўп ўтмай Хайрулло Хамидов қамоққа олинди, эшиттиришлари тўхтатилди. Эшиттиришлари ёзилган дискларини сотиш ва эшитиш тақиқланди.

Ха, хозирги ўзбек хукуматига қолса воситалар, технология ютуқлари Ислом равнақига эмас, балки унинг зарарига ишлаши керак. Хозирги ўзбек хукумати Исломни бўғиш учун халқни Исломдан чалғитиш учун хар қандай  ресурсини, хар қандай маблағни аямайди. Нима бўлганда ҳам халқ Исломдан йироқда бўлсин. Уларнинг мақсадлари бирдан бир шу нарсага йўналтирилган.

Салоҳиддинов Али