Зараркунанда ҳукмдорлар Хитойни мусулмонларни қатли ом қилгани ва зулм ўтказгани учун тақдирлашмоқда
بِسْمِ اللهِ الرَّحْمٰنِ الرَّحِيمِ
Зараркунанда ҳукмдорлар Хитойни мусулмонларни қатли ом қилгани ва зулм ўтказгани учун тақдирлашмоқда
2021 йил 24-27 март кунлари Хитой ташқи ишлар вазири Ван И учта исломий юртга сафар қилди. Аввал Саудияга, сўнг Туркияга, охири Эронга. Сафарда Саудия валиаҳди, Туркия президенти, Эрон президенти билан сўзлашувлар олиб борди. Эрон билан битимлар имзолади, Туркиянинг Хитой билан стратегик шериклигини ривожлантиришга содиқлигини эълон қилди.
Роя:
Бу уч давлат режимини, бошқа мусулмон юртларидаги режимлар каби, на мусулмонлар масаласи ташвишлантирсин, на уларга нусрат-ёрдам бериш масаласи. Уларнинг бор-йўқ ташвишлари савдо ва иқтисодий манфаат, холос. Улар мусулмонлар масалаларидан бутунлай воз кечишга тайёрлар. Ахир, яҳудийлар учун Фаластиндан воз кечишди, Мьянмадаги роҳинга мусулмонлари масаласидан воз кечишиб, уларни ёрдамсиз қолдиришди, мушрик ҳиндулар учун Кашмирдан воз кечишди, греклар учун Кипр жанубидан воз кечишди ва бундан бошқа жуда кўп исломий масалалардан воз кечишди. Ҳатто Ислом масаласидан, яъни, уни татбиқ қилиш ва бутун дунёга етказишдан ҳам воз кечишди.
Шу боис, бу режимларни йиқитишга ҳаракат қилмоқ шарт эканлиги яна бир карра ўз исботини топди. Чунки улар Ислом масаласини қабул қилишгани йўқ ҳамда мусулмонлар масаласини сариқ чақага сотиб, мусулмонларни репрессия қилаётган душманлар билан муносабатларни мустаҳкамлашмоқда… Ислом масаласини қабул қилиш вазифаси барча мусулмонлар елкасига тушган. Чунки улар Ислом масаласини қабул қилиш ва мусулмонлар масаласига ёрдам бериш учун айни ҳукмдорларга қарши ҳаммалари баробар отилиб чиқиб, ҳаммалари бир мушт бўлмоқлари керак. Буни амалга ошириш эса, Ҳизб ут-Таҳрирнинг Пайғамбарлик минҳожи асосидаги рошид Халифаликни барпо этишга бўлган даъватини қабул қилишга боғлиқдир.
Роя газетасининг 2021 йил 21 апрел чоршанба кунги 335-сонидан
