1972 йилги илмоний-секуляр конституцияни бекор қилиш билан одамлар мамлакатни Ислом конституциясига биноан бошқаришда бирлашадилар
Матбуот баёноти
1972 йилги илмоний-секуляр конституцияни бекор қилиш билан одамлар мамлакатни Ислом конституциясига биноан бошқаришда бирлашадилар
2024 йил 22 октябр сешанба куни «Камситишга қарши талабалар ҳаракати» 1972 йилги конституцияни зудлик билан бекор қилишни ва июл инқилоби ва халқ қўзғолони руҳида «республика» эълон этилишини талаб қилди. Бу борада у «демократик» дея аталаётган партияларни миллий бирлик тузишга таклиф қилиш билан мамлакат аҳолисининг исломий бошқарувга бўлган истак ва талабларини эътиборсиз қолдирди. Таъкидлаш лозимки, АҚШ «Pew» тадқиқот институти томонидан ўтказилган сўровда Бангладешдаги мусулмонларнинг 82 фоизи Ислом шариати билан бошқарилишни қўллаб-қувватлаган. Мактаблар, коллежлар ва нуфузли университетлар талабаларининг Ислом бошқарувини талаб қилишларини бутун Уммат гувоҳи бўлди. Бу Росулуллоҳ ﷺнинг рояларини кўтариб чиққанларида янада яққол маълум бўлди. Шундай экан, Исломни эътиборсиз қолдириб, мамлакат сиёсатини шакллантиришга уриниш ўз жонига қасд қилиш демакдир. Биз бутун мусулмон юртларида Ислом шариатини татбиқ қилинишига қарши кураш, аслида, Ғарбнинг «терроризмга қарши кураш» ниқоби остида Исломга қарши олиб бораётган уруши эканини кўряпмиз. Ғарбнинг Исломга қарши кураш сиёсатини амалга ошириш учун восита сифатида фойдаланилган Ҳасина режими мамлакат аҳолисининг аксарият қисмига қарши чиқиб, мусулмонларга зулм қилди. Бу эса халқнинг Ҳасина режимига қарши қўзғалишидаги асосий сабаблардан биридир. Шунинг учун биз 1972 йилги конституцияни бекор қилиб, Ислом асосида бирлашишимиз керак. Чунки илмонийлик билан демократия халқнинг ақидаси, фикрлари ва ҳис-туйғуларига зид бўлиб, дискриминация, коррупция ва ҳар турли адолатсизликнинг ўчоғидир.
Америка ўзини демократия ва инсон ҳуқуқлари ҳимоячиси сифатида кўрсатиб келди. Бироқ халқининг «Биз 99 %миз», «Қоратанлилар ҳаёти муҳим» деган шиорлари демократик капиталистик тузумнинг камситувчи эканини ҳамда муваффақиятсизликка учраганини исботлади. Ўзини демократик либерал давлат сановчи Британия ҳам ижтимоий бўлинишлар, сиёсий кризисларга шу даражада ботдики, келаётган ҳар бир ҳукуматлари ўз даврини охирига етказишолмаяпти. Бангладешдаги бу янги конституция ҳам АҚШ ва Британия услубида ёзилган экан, жамият ва давлатдаги дискриминация қандай йўқолсин?! Бу конституция одамлар истагини қандай рўёбга чиқара олсин?! Дарҳақиқат, Аллоҳ Жалла Жалалуҳу бизни кофирлардан ёрдам сўришдан огоҳ этган. Исломда бизнинг ҳар бир муаммойимизга ечим бор:
﴿أَلَمۡ تَرَ إِلَى ٱلَّذِينَ يَزۡعُمُونَ أَنَّهُمۡ ءَامَنُواْ بِمَآ أُنزِلَ إِلَيۡكَ وَمَآ أُنزِلَ مِن قَبۡلِكَ يُرِيدُونَ أَن يَتَحَاكَمُوٓاْ إِلَى ٱلطَّٰغُوتِ وَقَدۡ أُمِرُوٓاْ أَن يَكۡفُرُواْ بِهِۦۖ وَيُرِيدُ ٱلشَّيۡطَٰنُ أَن يُضِلَّهُمۡ ضَلَٰلَۢا بَعِيدٗا﴾
«(Эй Муҳаммад), ўзларини сизга нозил қилинган нарсага (Қуръонга) ва сиздан илгари нозил қилинган нарсаларга иймон келтирган деб ҳисоблайдиган (айрим) кимсаларнинг шайтонга ҳукм сўраб боришни истаётганларини кўрмадингизми? Ҳолбуки, уларга унга ишонмаслик буюрилган эди. (Чунки) шайтон уларни бутунлай йўлдан оздиришни истайди» [Нисо 60]
Хўш, талабалар ҳаракати қандай янги Бангладеш қурмоқчи? Шубҳасиз, одамлар ўз истак-интилишларига жавоб бермайдиган конституцияни асло қабул қилмайдилар, бундай конституция остида ҳаргиз бирлашмайдилар. Оддий-содда одамлар тинч, адолатли ва қонунан хавфсиз ҳаётни истамоқдалар. Ёшлар иш ўринлари ва тинч келажак бўлишини, ишчилар инсофли маош берилишини истамоқдалар. Онгли инсонлар ажнабийларга малайлик қилмайдиган ва коррупцияга ботмаган ҳукмдорлар бўлишини, хориждаги душманнинг тажовуз ва нуфузидан холи суверен давлат қурилишини хоҳлашяпти. Одамларнинг бу талаблари турли ҳаракатлар ва курашларда ўз ифодасини топмоқда. Ўтган эллик йил мобайнида Бангладеш турли ҳаракатларга ва ўн етти марта конституциявий ислоҳотга, ямоқ солиш ишларига, ҳукмрон синф башараларининг кўп маротаба алмашишига гувоҳ бўлди. Лекин одамларнинг истак-интилишлари рўёбга чиқмади.
Ҳа, Ислом дастури барча фуқароларни – дини, ранги ва ирқидан қатъий назар – озиқ-овқат, кийим-кечак, бошпана билан таъминлайди ҳамда таълим, соғлиқни сақлаш, хавфсизлик ва адолатга оид ҳуқуқларини кафолатлайди. Ислом дастури, шунингдек, нефть, газ ва юрт энергетикасини хусусийлаштиришни ҳаром қилди, маҳаллий ва ажнабий капиталистик компанияларни айни энергетика секторидан чиқариб ташлашни, бу бойликларни давлат бошқаруви остидаги жамият фаровонлиги учун омма мулки деган эътиборда сарфлашни фарз қилди. Америка, Британия ва Ҳиндистон каби душман давлатлар билан шартномалар, жумладан, юртларимизга ҳукмронлик қилишга олиб келувчи ҳарбий шартномаларни тузишни ҳам ҳаром қилди. Мудофаага йўналтирилган оғир саноат корхоналарини қуриш орқали мамлакат суверенлигини ҳимоя қилиш учун армияни кучайтиришни буюрди. Шунинг учун инсонлар истакларини рўёбга чиқаришга ёлғиз Ислом дастури қодирдир. Шу нуқтаи назардан, Ҳизб ут-Таҳрир Халифалик давлатининг конституцияси лойиҳасини, Қуръон ва Суннат асосида тузилган батафсил шарҳи билан тақдим этди. Энг муҳими, инсонлар Аллоҳ нозил қилган аҳкомлар билан ҳукм юритилишида ҳамфикр бўлиб қолган бир пайтда, Ҳизб ут-Таҳрир ўзи тақдим этган ушбу дастур билан мамлакатни бошқаришга тўлиқ тайёр турибди.
Эй инсонлар, айниқса қўзғолончи талабалар!
Сиз Ғарбнинг бу омадсиз илмоний режимини давом эттиришга бўлган ҳар қандай уринишини рад этинг. Чунки улар айни режимни «конституциявий ислоҳот ёки унга ўзгартиш киритиш» каби айрим таъмирлаш чоралари орқали сақлаб қолишмоқчи. Сиз эса Ислом дастури ва тузумини янада қаттиқ талаб қилмоғингиз керак. Пайғамбарлик минҳожи асосидаги рошид Халифаликни барпо этиш учун Ҳизб ут-Таҳрир етакчилиги остига киринг ва ўз истакларингиз рўёбга чиқиши учун куч-қудрат аҳлидан Ҳизб ут-Таҳрирга ҳокимиятни олиб беришни талаб қилинг.
﴿كُنتُمۡ خَيۡرَ أُمَّةٍ أُخۡرِجَتۡ لِلنَّاسِ تَأۡمُرُونَ بِٱلۡمَعۡرُوفِ وَتَنۡهَوۡنَ عَنِ ٱلۡمُنكَرِ وَتُؤۡمِنُونَ بِٱللَّهِ﴾
«Сизлар инсонлар учун чиқарилган энг яхши Уммат бўлдингиз, маъруфга буюрасиз, мункардан қайтарасиз, Аллоҳга иймон келтирасиз» [Оли Имрон 110]
Ҳизб ут-Таҳрирнинг Бангладешдаги матбуот бўлими
