2017 йилги давлат бюджети ҳақидаги қонун бир улкан жиноят ва фуқароларнинг кундалик луқмасини тортиб олишдир
بِسْمِ اللَّـهِ الرَّحْمَـٰنِ الرَّحِيمِ
Матбуот баёноти
2017 йилги давлат бюджети ҳақидаги қонун бир улкан жиноят ва фуқароларнинг кундалик луқмасини тортиб олишдир
Иордания депутатлар мажлиси (парламент)нинг 2017 йилги давлат бюджети ҳақидаги қонунни – уни муҳокама қилиш деган комедия саҳнасидан кейин – ўтказиб маъқуллаганлиги бир кутилмаган иш бўлгани йўқ. Чунки одамлар депутатлар мажлисларидан уларнинг бутун тарихи давомида бирин-кетин алмашаётган ҳукуматларга ишонч билдириш, қонун лойиҳаларини ишлаб чиқиш, адолатсиз қонунларни, жумладан бюджет ҳақидаги қонунни ўтказишдан бошқасини кўришмаган. Ваҳоланки буларнинг барчаси улкан жиноятлардир. Депутатлар мажлислари бажараётган рол шу қўғирчоқ мажлисларни пайдо қилишга сабаб бўлган мақсадни амалга ошириб беради. Мақсад эса режим жиноятларига қонуний тус беришдир. Иорданияда «зулмат» доимо режимнинг қанчалик исташига қараб юзага келади. Лекин у бу сафар режим истаганидан ҳам ошиб кетди. Чунки депутатлар Мулкий ҳукуматига фуқаролар жасадларини тилка-пора қилиб, уларнинг қонларини сўриш ва уларнинг кундалик луқмаларига зўравонларча ташланиш бўйича чекланмаган ваколатларни беришди!
Мулкий ҳукумати бюджети энг юқори солиқларни солиш бюджетидир. Чунки бевосита солиқлар солишдан келадиган киримлар 5.201 миллиард динор деб белгиланди. Бу эса 2017 йил учун белгиланган маҳаллий киримлар умумий суммасининг 70.8 %ини ташкил қилади. У 2016 йилдагидан 865 миллион Иордания динори миқдорида зиёдаси биландир. 2018-2019 йиллар бюджети ҳақида нашр қилинган рақамларга кўра солиқлар 2018 йилда ҳам 783 миллион динор миқдорида ошади, 2019 йилда эса 1 миллиард 698 миллион динор миқдорида ошади. Яъни солиқлар занжири билан бўғиб ташлаш янада авж олади. Буларнинг барчаси одамлар чўнтагини қоқиб олади. Ҳолбуки бусиз ҳам одамларнинг турмуш шароитлари оғир. Иқтисодий аҳвол янада ёмонлашмоқда, одамлар танг ҳаёт кечирмоқда, нарх-наволар тобора қимматламоқда, бевосита ва билвосита солиқлар ошиб бормоқда. Бу етмагандек соғлиқни сақлаш, таълим, транспорт хизмати ва бошқа умумий хизматлар каби ҳукуматлар одамларга кўрсатиши фарз бўлган умумий маиший хизматлар ҳолати ҳам янада ёмонлашмоқда.
Иорданиядаги эй мусулмонлар:
Аллоҳ биз Иорданиядагиларга мўл-кўл табиий бойликларни ато этиб марҳамат кўрсатган. Лекин бу бойликлар мустамлакачилар томонидан талаб-ташиб кетилмоқда, совурилмоқда. Агар назар ташлайдиган бўлсак фақат очиқ-ошкор кўриниб турган бойликларнинг бир ўзигина эҳтиёжларни тўла қондиришга ва турмуш даражасини фаровонлик даражасига кўтаришга кафилдир. Масалан Иордания энг кўп фосфатни экспорт қилиш бўйича дунёда иккинчи ўринда, уни энг кўп қазиб олиш бўйича эса олтинчи ўринда туради. Подшоҳликдаги сланец заҳираси миқдори 40-70 миллиард тоннадир. Бунча миқдор подшоҳликнинг энергияга бўлган эҳтиёжларини – ҳозирдаги истеъмол ҳажми бўйича – энг камида келгуси минг йилгача тўла қондириши мумкин. Бундан ташқари поташ, мис ва бошқа улкан бойликлар ҳам бор. Иорданиядаги режим юргизаётган сиёсат эса бу умумий мулкларни хусусийлаштириш деган ном остида қоқи баҳосига сотиб юбориш, сўнгра одамлар чўнтагига ҳужум қилиш, қарзлар ва халқаро «ёрдам»ларни сўраб тиланишдир. Режим Иордания аҳлини мустамлакачи кофир Ғарбга ва Халқаро Валюта Фонди сиёсатларига қарам ҳолда қолдириш учун шундай сиёсат юргизмоқда!
Эй Иорданиядаги мусулмонлар:
Сиз бошингиздан кечираётган иқтисодий қийинчиликлар, устингизни чодир каби ўраб олган камбағаллик ва муҳтожлик ҳолати Ислом низомларининг воқе ҳаётимиздан ғойиб бўлгани ва йўқ қилингани натижасидир. Бу мусибатлар чириган бадбўй капитализм низомининг устингизда татбиқ қилинаётганининг муқаррар, аниқ натижасидир. Чунки капитализм халқлар кучидан сувтекин фойдаланиш, уларнинг қонини сўриш, уларни қашшоқ қилиш, бойликларини талаб-ташиб кетиб, ўзларини қулларга айлантириш, дунёнинг ҳозири ва келажагига хўжайин бўлиб олишдек жиноятчи табиатга эга бўлгани учун бутун ер юзидаги халқларнинг бахтсиз бўлишига сабаб бўлмоқда!
Демак Иорданиядаги муаммо фақат ҳокимларнинг фасод-коррупцияга ботгани, бойликларни талашаётгани, бошқарув ва идора қилишдан ожизликларидангина иборат эмас, балки шу ҳокимлар татбиқ этаётган низомни фасодлиги ҳамдир. Бу ҳокимлар мамлакатни шу низом бўйича идора қилишмоқда. Натижада устингизда ҳокимларнинг фасоди ва ожизлиги билан низомнинг фасоди ва жиноятчилиги жамланиб қолди. Шунинг учун ечим бу фасод низомни ва унинг устида турганларни бирданига тубдан ўзгартиришдан иборатдир.
Эй, Иорданиядаги мусулмонлар:
Аллоҳ Субҳанаҳу биз учун ва бутун башарият учун фақат Ислом низомигина бўлишига рози бўлди. Зеро Аллоҳ Субҳанаҳу ва Таоло қайси низом башариятни ислоҳ қилиб ўнглашини, қайси низомлар уларнинг бошқарув, иқтисод ва ижтимодаги ҳаёт ишларини тартибга солишини билувчироқдир. Шундай экан Аллоҳ сизлар учун рози бўлган ўз динингизга юзланинг ва холис кишилар билан биргаликда ўзингизнинг ягона сиёсий шаръий вужудингизни вужудга келтиришга ҳаракат қилинг. Бу сиёсий вужудингиз сизларга динингиз аҳкомларини татбиқ қилади, юртингизга кўз олайтираётган очкўз мустамлакачиларга ва ҳозирингиз билан келажагингизга қарши тил бириктираётганларга қарши туради. Бу ягона сиёсий вужудингиз Аллоҳ ваъда қилган ва Росулуллоҳ САВ башорат берган Пайғамбарлик минҳожи асосидаги Халифалик давлатидир.
Ҳизб ут-Таҳрирнинг
Иорданиядаги матбуот бўлими
Электрон почта: jordan_mo@hizb-ut-tahrir.info
