Франция мустамлакачи давлат
بِسْمِ اللهِ الرَّحْمنِ الرَّحِيمِ
Роя газетаси:
Франция мустамлакачи давлат, у мусулмонларга бир кун ҳам дўст бўлмаган!
Солиҳ Абдурроҳим – Жазоир
2017 йил 6 декабр чоршанба куни Франция президенти Эммануэль Макрон ўз юрти раҳбари сифатида биринчи бор Жазоирга келди. Бир пайтлар бу юртни 132 йил мустамлака қилиб турган Франция раҳбари ўзини «дўст» сифатида тақдим этди ва Франциянинг мустамлакачи ўтмишига гаров бўлишини рад этди. Уни кутиб олиш учун ногирон президент Абдулазиз Бутефликадан вакил сифатида Уммат мажлиси раиси Абдулқодир ибн Солиҳ чиқди. Матбуот учрашувида Макрон «Мен бу ерда Жазоирда дўст сифатида ҳамда келгусида икки давлат ўртасидаги муносабатларни мустаҳкамлаш ва самарали даражага олиб чиқишга рағбат қилаётган ҳамкор сифатида турибман», деди. Сўнг «Жазоир билан қурмоқчи бўлаётганим ва Жазоир томонига таклиф қилганим бу янги муносабатлар, ўзаро ишонч, очиқлик, ҳурмат ва интилишга асосланган», дея қўшимча қилди.
Франция раҳбари Жазоирга сафар қилган экан, «Мен тарихни тан оламан, аммо ўтмишнинг қурбони эмасман», дея ўзини янги авлод раҳбари эканини даъво қилди! Шунингдек, Макрон Париждаги «Инсон музейи»да сақланаётган жазоирликлар бошсуякларини қайтаришга тайёр эканини билдириш билан икки давлат ўртасидаги тарихий зиддиятни ҳал этиш ташаббусини кўрсатди. Бу бошсуяклар, ўн тўққизинчи асрда Франция армияси томонидан қирғин қилинган жазоирлик қўзғолончиларнинг бир қисмига мансуб.
Кейин Макрон бундай деди: «Мен Франциянинг Жазоир тарафида бўлишини истайман, Франциянинг бундай улкан давлатнинг келажак бино этишига, ёшларининг муваффақиятга эришишига ёрдам беришини хоҳлайман. Мен янги авлодга мана шундай келажак эшикларини очиш ниятида келдим». Бу сўзлар пойтахт Жазоир марказидаги эски бино деразаларидан эшитилган шодона ҳайқириқлар остида янгради!! Франция президентлик департаменти Макронни «Жазоирда жуда яхши ҳурматга эришгани»ини баён қилди ҳамда унинг иқтисод вазири бўлган вақтда Жазоирга бир неча бор сафар қилганини қўшимча қилди. Унинг жорий йил февралда президентликка номзод бўлган вақтда Жазоирга сафари чоғида айтган сўзи эса, кўпчилик францияликларга тарсаки бўлиб тушди. Ўшанда у Франциянинг Жазоирни 132 йил мустамлака қилиб тургани «Инсониятга қарши жиноят» бўлган, деди. Бу баёноти Жазоирда олқишларга эришган бўлса, Франция ичкарисида ўнгчилар ва ультра ўнгчиларнинг кескин танқидига учраган. Президентлик департаментидаги бир манба «президент ишлатган кучли сўзлар жазоирликлар олқишига сазовор бўлди, лекин бугуннинг фикри, Жазоир билан эски саҳифани ёпиб, янги муносабатлар бино этишдир», деди ҳамда ёшларнинг Макрон миссиясига асос бўлишини қўшимча қилди.
Шу ўринда биз қуйидаги бир неча пунктларни изоҳламоқчимиз:
1 –Франциянинг Жазоирдаги мустамлакачилик жиноятлари 1954-1962 йиллари сўнгги озодлик уруши пайтида содир этган манфур жанглар, қийноқлар ва қатли омлари билан чекланмайди. Унинг жиноятлари юз йилдан зиёд вақт давомида содир этган қатор ҳарбий амалиётларидаги даҳшатли қирғинлари билан ҳам чекланиб қолмайди. Шунингдек, ўзининг минглаб фуқароларини уларга мутлақо алоқаси бўлмаган урушга сафарбар қилиши билан ҳам, француз аскарларининг Жазоирдаги масжидларни вайрон этишлари билан ҳам, араб тилини тақиқлаб, Қуръон ўргатувчи мактабларни ёпиб, инсонларни тириклайин ёқиб юбориши билан ҳам ҳамда Жазоир саҳроларида ўтказган ядровий синовлари билан ҳам… унинг бу жиноятлари тугамайди. Чунки жазоирлик мусулмон аҳлининг ваҳший Францияга қарши курашини, фақат моддий ва ҳарбий зиён билангина ўлчамаслик керак. Балки, биз шуни унутмаслигимиз керакки, Францияни 1830 йили Жазоирга ҳарбий мустамлакачилик ҳамласини қилишга ундаган асл сабаб насроний Европанинг мусулмонларни ич-ичидан ёмон кўрганлиги бўлган. Ўшанда, уларнинг Исломий Усмоний Халифалик давлатига қарши салибчилик провокацияси бутун Европа бўйлаб энг чўққисига чиққан эди. Европа Усмоний Халифалик вилоятларидан бири бўлган Жазоирга қарши ўн саккизинчи аср охирларидан бошлаб тўхтовсиз курашиб келди. Жазоирдаги исёнчилик ҳолатига барҳам бериш, ўша пайтдаги халқаро истакка айланган эди. Шу боис 1830 йилдаги Жазоирга қилинган ҳамла кофир салибчи мустамлакачи Ғарб ҳамласи бўлди ва унга Ислом ва мусулмонлардан нафратланувчи йиртқич Франция етакчилик қилди. Бу ҳамла Ғарбнинг Усмоний Халифаликни йўқ қилиш мақсадидаги қатор ҳамлалари доирасига киради!! Унутмайликки, мустамлакачилик капиталист ғарбликларнинг ҳеч қачон ўзгармайдиган доимий услубидир. Улар шу орқали ўз турмуш тарзлари ва палид ҳазоратларини ёйишга интилишади, халқларни қатли ом қилиб, йўқ қилиб бўлса ҳам шундай қилишади.
2 –Илмоний Франциянинг асл башараси Ислом ва унинг аҳлига душманлигига қўшимча, ваҳшийлик, разиллик ва провокациядан иборат бўлиб, доим оғиз кўпиртириб вайсаб келган «Франция инқилоби принциплари» ва «инсоний қадриятлар» деган нарсаларда акс топмайди. Умуман олганда, барча мустамлакачи давлатлар худди шундай. Бугунги кунда Америка ва унинг исломий юртларда содир этаётган қилмишлари бунга яққол далил бўлади.
3 –Демак, Ғарб давлатлари ва муассасаларига мустаҳкам боғланган, ҳатто мусулмонлар шахсияти ва динини ўчириб ташлашда кечаги кун мустамлакачиларига ҳамфикр бўлган бугунги кун ҳукмдорлари билан сон-саноқсиз шаҳидлар қурбон берган жазоирлик мусулмонлар ўртасида чуқур жарлик бор. Бунинг сабаби сохта мустақиллик ўйинидир ҳамда мусулмонларда Ислом нуқтаи назаридан келиб чиққан сиёсий онгнинг йўқлиги ҳамдир!!! Энди, Франция раҳбарларини шодона кутиб олинишига келсак, бу сохта шодоналик бўлиб, анави бошқариб туриладиган тобе ахборот воситалари доимо воқени батамом тескари кўрсатиб, Жазоирдаги мусулмон халқнинг бугунгию кечаги ҳукмдорларни қалбидан ёмон кўришини доимо яширишади. Нега бу халқ уларни ёмон кўрмасин, ахир, Жазоир бошдан кечираётган барча машаққатлар ўша мустамлакачилик сабабли келиб чиқди. Шунинг учун ҳам, мустақиллик, ўзлик ва тўлиқ озодликка қайтиш учун бу юрт манфур мустамлакачиликка қарши сиёсий, маърифий ва иқтисодий курашнинг навбатдаги босқичига мунтазир бўлиб турибди.
4 –Жиноятларини эътироф этишни, сўнг узр сўрашни ва «тарих ва хотира иши»ни ҳал этишни Франциядан расман талаб қилиш, эҳтимолки, бу жиноятларга товон ҳам талаб қилиш тентакликдир!!! Зеро, хотира ишининг Исломдаги тўғри ечими тайёр. Яъни, Франция Ислом ва мусулмонларнинг душмани бўлган мустамлакачи давлатдир. У аввал ҳам, ҳозир ҳам шундай бўлган. Макроннинг Жазоирга келиб, унинг аҳлига ўзини дўст қилиб кўрсатиши тулкилар макри ва бўрилар алдови, холос. Шунинг учун Франция қатли ом қилган шаҳидлар учун интиқом олиш уларнинг бошсуякларини қайтариш билан бўлмайди. Балки мустамлакачи давлат нуфузини Жазоирдан йўқ қилиш ва Францияга жонга-жон, қонга-қон, дея муносабат кўрсатувчи рошид Халифаликни барпо этиш билан бўлади. Аслида, бу давлат раҳбарини Жазоирда олқишлар билан кутиб олиш у ёқда турсин, ҳатто уни кутиб олмаслик ҳам, таклиф қилмаслик ҳам керак.
5 –Президент Макрон Жазоирдан Франция манфаатларига хизмат қилишда катта рол ўйнаб беришни умид қиляпти. Бу рол Мали, Нигер ва Ливия каби жанубий қўшни давлатлардаги тартибсизликларни бир ёқлик қилиш ва Соҳил минтақасида кенг ёйилган қуролли жамоалар хавфига қарши кескин чора кўришдан иборат. Дарҳақиқат, Макрон сафари чоғида Жазоирга алоҳида аҳамият билан қарашини, уни «терроризм»га қарши кураш ва Европага ноқонуний муҳожирлар масаласида ўзининг асосий ҳамкори, деб билишини, Жазоирнинг, хусусан, Ливия масаласида муҳим рол ўйнашини, зотан, у ерда Жазоирнинг алоҳида маълум вазифаси бўлиши шартлигини таъкидлади!
6 –Франция президенти эътиборни ўзаро муносабатлардаги иқтисодий соҳага қаратар экан, ёшларни реабилитация қилиш ва айни мақсадда мактаблар очиш зарурлигини урғулади. Бир вақтнинг ўзида, айни ёшлар энергиясидан мустаҳкам иқтисодий алоқалар тиклашда фойдаланиш лозимлигини, чунки иккала юрт ҳам айни энергиядан иқтисодни мустаҳкамлашда кўприк сифатида фойдаланишга муҳтожлигини таъкидлади. Чунки ҳақиқатдан ҳам, Франция бугун ўтмишни унутиш билан муносабатларни «нормаллаштириш»ни истайди!! Бунинг маъноси, у турли ер ости ва ер усти бойликларига тўла мусулмон Жазоирдаги ўзининг географик, маърифий ва иқтисодий соҳалардаги манфаатларини муҳофаза қилиб, юртдаги нуфузини сақлаб қолмоқчи. Қисқача қилиб айтганда, францияпараст Жазоирни истамоқда. Маълумки, Франция Жазоирдаги ўз нуфузини, бугун Жазоирни ўз қўлида ушлаб турган Британиянинг розилиги асосида мустаҳкамлайди.
Мусулмонлар ўз куч-қудратлари ва улуғликларини қайта эгаллаш учун қачон ҳақиқий маънода уйғонадилар? Қачонки мусулмонлар – Ислом сиёсатдан узилган дин эмас, балки ўз давлатига эга бўлган дин, бу давлат барпо этилса, Ислом Уммати душман билан бўлган жангни бир ёқлик қила олади, деган ҳақиқатни тушуниб етсаларгина бу нарса амалга ошади. Лекин бунинг учун аввало барча исломий юртлардаги курашлар ҳақиқатини фош этиш зарур. Чунки бу билан Умматнинг мустаҳкам-метин қўрғони бўлмиш Ислом асосида фаолият қилиш услубларини ўрганиш имконияти туғилади. Мақсад, Умматнинг аламли воқеини ўзгартириш ва унга зиён етказиш пайида юрган анави мустамлакачи душманни қайтиб келмайдиган қилиб пайига болта уришдир. Бу эса, то Пайғамбарлик минҳожи асосидаги рошид Халифалик давлатини барпо этиб, унинг нуфузини бутун исломий юртларга кенг ёйиб, Ислом даъватини бутун дунёга етказилмагунча ҳаргиз амалга ошмайди.
Роя газетасининг 2017 йил 20 декабр чоршанба кунги 161-сонидан
