بِسْمِ اللَّـهِ الرَّحْمَـٰنِ الرَّحِيمِ

Роя газетаси:

Аёл бугун Ғарбда худди Ўрта асрда бўлгандек аҳволда ҳаёт кечирмоқда…

Исломдан бошқа халоскор йўқ

Ғода Абдулжаббор хоним (Умму Аввоб)

Англия ва Уэльсдаги расмий статистикага кўра, ўтган йили 16-19 ёшлар ўртасида бўлган қизларнинг 10 %и оилавий зўравонликка дуч келган. Миллий статистика бюросининг йиллик ҳисоботида, бу оилавий зўравонликнинг энг юқори кўрсатгичи экани таъкидланади. Ҳисоботга кўра, 20 ва 40 ёш ўртасидаги аёллар ҳам оилавий зўравонликка учрайди, эркаклардан 7 % ўспирин ҳам шундай зўравонлик қурбони бўлади. Оилавий зўравонликка жисмоний бўлмаган зўравонлик, таҳдид қилиш, куч ишлатиш, жинсий зўравонлик, эр ёки оиланинг бошқа шахслари томонидан тазйиқ ўтказиш… кабилар киради. Булар ичида энг кўп учрайдиган зўравонлик эр-хотин ўртасида бўлади. Ҳисоботдаги маълумотлар полициядан, ҳукумат муассасаларидан ва оилавий зўравонлик қурбонларига ёрдам бериш билан шуғулланувчи ташкилотлардан йиғилган. Англия ва Уэльсдаги жиноятларни аниқлашга оид сўнгги маълумотга кўра, ўтган йили 1.2 миллион аёл, 713 минг эркак оилавий зўравонликнинг маълум турларига дучор бўлган. Полиция бир йилда 1.1 миллион шахсдан оилавий зўравонлик билан боғлиқ шикоят тушганини қайд этган ва бу шикоятларда ҳужум ўша жабрланувчининг ўзига қайта такрорлангани айтилади. Полиция бу ҳодисалардан 488тасини жиноят сифатида қайд этиб, тенг ярмидан озроқ айбланувчини ҳибсга олган, тўртдан уч қисмидан озроғи судга оширилган, яъни улардан 75 % ҳолатни прокуратура қабул қилган ва кўрилган ишлардан 76 %ида жиноятчи айбдор деб топилган. Суд жараёнининг барбод бўлиш сабаблари, шикоятчиларнинг ўз шикоятларини қайтариб олишлари ёки судга келмасликлари билан боғлиқ экани айтилади. Оилавий зўравонлик қурбонларига ёрдам берувчи ташкилотларга кўра, бу каби ҳодисалар ҳақида шикоят қилиш жабрланувчилардан катта шижоат талаб қилади. Чунки улар шикоятларининг тасдиқланмаслигидан ёки ўч олинишдан қўрқадилар. Шунингдек, бу ташкилотлар фақат жабрланувчилар кўрсатган далилларгагина ишониб қолинмаслигини, балки полиция ҳодиса жойидан далиллар тўплаши лозимлигини урғулайди.

Ғарбдаги аёллар билан боғлиқ бундай ҳодисалар, уларнинг қадр-қимматлари оёқ ости қилинаётганига, аёллар ўзларига лойиқ ўринга ҳамон кўтарилмаганликларига далилдир. Балки аёл кишининг фақат эркакнинг хизматкоридан нарига ўтмайдиган ноинсоний мавжудотга айлантириб қўйган нарса, мана шу ўрта асрлардаги нотўғри эътиқод асоратлари бўлиб, бугунги кунда ғарбликларнинг муомалаларида ўша асоратлари намоён бўлмоқда. Ғарбликлар конституцияларида ҳақ-ҳуқуқ ва тенг ҳуқуқлилик кафолатланганини ёзиб қўйишган, ҳаммалари Ғарбда хотин-қизлар тараққиётнинг олий даражасига кўтарилгани, ҳатто барча учун намунага айлангани, уларга жамиятда реал роль ўйнашлари учун имконият яратиш кераклиги ҳақида тинмай оғиз кўпиртириб гапиришади… Бироқ буларнинг барчаси қоғозда ва оғизда, холос. Бу даъволарнинг бари ёлғонлиги аён бўлган. Бу даъволар натижасида хотин-қизларга меҳнат, оила ва жамиятда мутлақ эркинлик берилишига бўлган талаблар, ҳатто эркакнинг унга шарт қилмасликка, бора-бора эр-хотин бўлиб яшаш шарт эмаслигига чақириқлар келиб чиқди… Алал оқибат, бу оилалар бузилишига, жамият шахслари ўртасида оналик ва оталик муносабатлари вайрон бўлишига, ҳар қандай ҳурмат-иззатнинг юлиниб кетишига олиб келди. Бу жуда хавфли нарса. Гап шундаки, гарчи Ғарб халқлари айни эркинликларни молу жонларини тикиб ҳимоя қилишган бўлса-да ҳамда фикрлаш, яратувчанлик ва ихтиро-кашфиёт эркинлигини даъво қилиб, бу нарсалар натижаси уларнинг жамиятида илм-фан ва иқтисод соҳаларида техник ривожланишга олиб келган бўлса-да, бироқ бу эркинлик уларнинг ижтимоий ва оилавий ҳаётларида тескари натижа берди, мутлақ эркинликка чақирувчи шиорлар босими остида оила ришталари узилиб нимта-нимта бўлиб кетди. Аёл ҳаётнинг барча соҳасида – ҳатто аёл табиатига зид бўлса ҳам – эркак билан тенг, деган фикр ғарбликлар манфаатига хизмат қилмади, аксинча, ўзларига бало бўлди, ўз жамиятларида кўплаб реакцияларни келтириб чиқарди, турли жамиятлар тузилиб, улар ортга қайтиш кераклигига ва тузатиб бўлмайдиган нарсани тузатишга чақирди…

Ҳодисаларнинг бундай оқими, Ғарбдаги аёлларнинг ҳаётларига таҳдид туғдирувчи ва аёлликларини таҳқирловчи кўплаб муаммоларни бошдан кечираётганини англатиб турибди. Биз ҳар куни ахборотлардан, суд жараёнларидан кўриб-билиб турибмиз: номусга тажовуз қилиш жиноятлари борган сари кўпаймоқда, бунга қўшимча, фарзандлар ва уларнинг ота-она томонидан ғамхўрлик қилинишлари билан боғлиқ тарбиявий муаммолар кўпаймоқда. Ғарбда деярли сир тутилаётган бундай бошқарув, жамиятни тарбиявий офат кутаётганидан огоҳлантирмоқда, бу охир бориб, оилалар вайрон бўлиши, том маънодаги зўравонликлар кенг тарқалиши, ажралиш ва турмуш қуришни ёмон кўриш каби иллатларга олиб келиши… каби катта хавфдан бонг урмоқда. Нима учун, чунки Ғарб фарзанднинг илк гўдаклик босқичида она бағрида бўлиши лозим, деган ҳақиқатга эътибор бермайди. Чунки болада бу босқичда оила шахслари ўртасидаги ўзаро ҳурмат табиий суратда шаклланади. Бироқ Ғарб тарбия вазифасини ижтимоий бошқарувга топшириб қўйди, аммо у она ўрнини асло боса олмайди. Зотан, она  гўдакни руҳан ва жисмонан соғлом шаклда тарбия қилади, демак, онанинг узоқ вақт йўқ бўлиши, болада мана шуларнинг йўқ бўлишига олиб келади. Ниҳоят, бемаъни юрадиган бебош авлодни келтириб чиқаради, бундай авлод жамият манфаатига фойда келтирмайди, билъакс, оилавий ва ижтимомий зўравонликлар кўпайишига асосий сабаб бўлади.

Фақат Исломгина аёлларнинг ҳурмат-иззати ва инсонийлигини кафолатлади. Айнан Исломда Холиқ Ўз ҳузуридан аёлни ҳуқуқ ва вазифалар билан таъминлади. Чунки У аёлни яратгани учун ҳам билгувчидир. У эркакка ҳам аёлнинг ишларига раҳбарлик қилиш, бошқариш, унга нафақа қилиш ва уни турли адоватлардан ҳимоя қилиш каби энг катта вазифаларни юклади. Ҳатто Исломда аҳли аёли ҳимояси йўлида ўлган одам шаҳиддир. Пайғамбар САВайтганлар:

«…مَنْ قُتِلَ دُونَ أَهْلِهِ فَهُوَ شَهِيدٌ»

«… Ким аҳлини ҳимоя қилиб ҳалок бўлса, у шаҳиддир». Аёлнинг валиси йўқ бўлган ҳолатда эса, бу вазифалар кенгайиб, давлат вазифаларига айланади. Шу боис биз нурафшон тарихимизда Халифалик давлати аёллар ҳурмат-иззатига юқори эътибор билан қараганига, бундай муносабат шарқшуносларнинг жаҳлини чиқарганига гувоҳ бўлдик, чунки шарқшунослар ўз кўзлари билан кўришди: Халифалик соясида аёллар хизматкорлар ва аъёнлар хизмати остидаги маликалар мисол яшадилар, чор атрофлари ҳимоя ва ғамхўрлик билан ўралди, бу ҳолат уй-жойларнинг қурилишида ҳам яққол намоён бўлиб турди, уйнинг атрофи мустаҳкам қўрғон билан ўралган ҳолда, аёллар бинонинг устки қаватида яшадилар. Ислом ва мусулмонларни ёмон кўрувчи шарқшунослар эса, бу манзарани аёллар учун қамоқхона, аёлларни маҳбуса қилиб талқин қилишди. Аёл киши бундай вазиятда роҳатда яшаганларини, бу уларнинг иззат ва шарафларини ҳимоя қилганини, аёллар зиммасига ҳам вазифалар юклаганини билишмади. Зотан, бу ҳолатни тор фикрловчи инсоният батафсил баён этолмайди, балки у Руҳул Амин Аллоҳнинг энг мушарраф халқи бўлмиш Росулуллоҳга нозил қилган Қуръони Каримда батафсил баён этилган. Аёл киши, Аллоҳнинг шариати татбиқ этиладиган давлатсиз, ушбу олий мукаррам ва мушарраф мақомга ҳаргиз етиша олмайди, чунки шариатимиз бутун оламга раҳмат бўлиб юборилган.

Роя газетасидан олинди