بِسْـــمِ اللهِ الرَّحْمٰـــنِ الرَّحِيـــم

Роя газетаси:

Эрон ўз қуролини душманларга эмас, Уммат кўксига қадамоқда

Ҳижрий 1439 йил 25 робиус-соний, милодий 2018 йил 12 январ жума куни «Русиял Явм» сайтида бундай хабар нашр қилинди:

«Эрон инқилоб гвардиясига қарашли денгиз кучлари қўмондони адмирал Али Фадавий Эроннинг ракета қудрати ва учувчисиз бошқариладиган самолётлари Форс Кўрфазидан ошиб ўтиб, Аммон денгизига қадар етиб боришга қодир эканини таъкидлади.

Фадавийнинг бу баёноти – Эрон денгиз флоти томонидан иккита АҚШ ҳарбий катери қўлга олиниши воқеасига икки йил тўлиши муносабати билан жума куни янгради. Ўшанда ўн нафар денгиз пиёда аскарлари бўлган икки АҚШ катери Эронинг регионал сувларига кирган эди.

Эроннинг Форс Кўрфази минтақасида дуч келаётган таҳдидларнинг энг хавфлиси қандай, деган саволга Фадавий «Биз инқилоб гвардияси доирасига кирувчи сувларда ўз бурчимизни аввалгидан ҳам кучли иқтидор билан адо этишда давом этмоқдамиз, буни аксар душманларимиз яхши билади, айниқса, АҚШ», деб жавоб берди.

Фадавийнинг таъкидлашича, Эроннинг ракета қудрати, хусусан, «Бар-баҳр» русумли ракета тизими ва инқилоб посбонларининг денгиз кучларига қарашли учувчисиз бошқариладиган самолётлар «Кўрфаз, Ормуз бўғози, Аммон денгизи ва унинг нариги тарафини ҳам қамраб олган».

Роя газетаси шарҳи:

Бугун Америкага тобе бўлган арзонгаров режимлар остида, Эрон армияси етакчилари ўзларининг Америка ва яҳудийлар вужуди душмани эканликларини даъво қилиб, мусулмонлар бошини оғритишмоқда. Бундан мақсад, хўжайинларининг минтақадаги протекторатига таҳдид солиб туришдек, энг катта шайтон бўлмиш Америка топширган ролни ўйнашдир. Албатта, бу ҳар қандай ақли расо инсонга маълум бўлиб қолган масхарабозликдир. Чунки Эроннинг оғиз кўпиртириб мақтанаётган ҳарбий қудрати фақат мусулмонларга қарши йўналтирилган. Зотан, ҳукмдорлар одати ўзи шу. Ваҳоланки, Америка Эроннинг ғарбию шарқида, Афғонистонда ва Ироқда мавжуд бўлиб турибди, аммо Эрон томонидан ҳеч қандай таҳдидга дуч келгани йўқ. Аксинча, АҚШ ва Россия самолётларининг Эрон кучларини қўллаб-қувватлаб, уларнинг Ироқ ва Суриядаги мусулмонларга адоват қилишига замин яратиб бераётгани, Эрон раҳбарларининг ёлғончилик ва дажжолликларини фош этмоқда. Биз уларнинг Ислом мустамлакачи кофирларни дўст тутишни ҳаром қилган бир пайтда, уларни дўст тутиш билангина кифояланмай, ҳатто ўз аскарларини шу кофирлар сиёсатини ижро этишга, манфаатларини ҳимоя қилиб, малайларини мудофаа қилишга сафарбар қилаётганига гувоҳ бўляпмиз.

Роя газетасининг 2018 йил 17 январ чоршанба кунги 165-сонидан