بسم الله الرحمن الرحيم

Роя газетаси:

Ориятсиз ҳукумат Аллоҳдан ва унинг бандаларидан уялмай ҳақ сўзни очиқ айтаётган даъватчи йигитларни қамоққа олмоқда!

Фаластин ҳукумати Қилқилиянинг Ҳабла шаҳридан бўлган Ҳизб ут-Таҳрир аъзоси 47 ёшли Маҳмуд Авдани матбуот баёнотини тарқатиши ортидан 2018 йил 21 январда қамоққа олган эди. У шаҳар ҳокимининг буйруғига асосан ҳануз ҳибсда қолмоқда. Маълумки, Ҳизб ут-Таҳрир-Фаластин томонидан нашр қилинган айни баёнотда, Фаластин раҳбари Аббос маърузаси билан марказий кенгаш қарорлари Фаластинни, унинг аҳли ва муқаддас ерларини зое кетказувчи, яҳудийлар вужудини мустаҳкамловчи позиция экани айтилган.

Ҳукумат – Фаластин ва унинг аҳлини шунча бало ва мусибатларга гирифтор қилганидан ҳамда муборак заминни зое кетказиб, қашшоқлик, коррупция ва танг турмушни олиб келганидан уялиш ўрнига, ўз жинояти ва репрессиясини давом эттириб, фиръавнлар йўлидан кетмоқда:

﴿قَالَ فِرْعَوْنُ مَا أُرِيكُمْ إِلاَّ مَا أَرَى﴾

«Фиръавн – мен сизларга фақат ўзим раъй қилаётган нарсанигина кўрсатурман, деди» [Ғофир 29]

У айни қилмиши билан норозиликни кучайтирмоқда… Ваҳоланки, бундай вазиятнинг пайдо бўлишига унинг душманлар билан тил бириктириши ва репрессив сиёсати сабабчидир. Унинг ушбу сиёсати бу дунёю охиратда уни ёмон оқибат кутаётганидан дарак беради.

 Мустамлакачилар лойиҳасига қарши турган ҳамда бутун Фаластин заминини озод қилиш ва Ақсони босқинчилар ифлослигидан тозалаш учун Умматни ўз армияларини ҳаракатга келтиришга чақираётган даъват аҳли, Уммат фикрлари ва туйғуларининг асл ифодасидир. Улар эзгулик ва ҳақиқатга чақирувчилар бўлиб, Исломий Умматни уйғотиб, уни ўз динини барпо этишга ҳаракатлантирмоқда. Улар Аллоҳнинг ризоси йўлида ўзларини фидо этиб, Аллоҳ учун маломатчининг маломатидан қўрқмаяптилар. Албатта, мусулмонларга ва даъват аҳлига зулм қилиш билан Аллоҳ, Росули ва мўминларга хиёнат қилган бу режимнинг жиноятлари, ҳаргиз ҳисоб-китобсиз қолиб кетмайди. Биз бу гапларни шунчаки айтиб қўяётганимиз йўқ. Балки биз Роббимизнинг Ўз дўстларига нусрат бериб, душманларини хор этиш тўғрисидаги ваъдасига – Унинг ваъдаси албатта ҳақдир – чуқур инонганимиз боис шундай деяпмиз. Аммо бу ғофил бандалар худди ўзларидан олдинги кимсалар каби, Аллоҳнинг ваъдасини узоқ санашяпти. Бироқ биз уни, Аллоҳнинг изни ила, жуда яқин, деб биламиз.

Бу ҳукумат Маҳмуд Авдани ҳамда ундан бошқа фаластинлик барча холис кишиларни дарҳол ҳибсдан озод этиши ва юрт аҳлини репрессия қилишни бас қилиши лозим. Чунки золимлар зулмни ҳар қанча узоқ давом эттирамиз, деб ўйласалар ҳам зулмнинг умри қисқадир ва улар ҳар қанча такаббурлик қилмасин, уларнинг қисмати қорадир.

﴿لَئِنْ لَمْ يَنْتَهِ الْمُنَافِقُونَ وَالَّذِينَ فِي قُلُوبِهِمْ مَرَضٌ وَالْمُرْجِفُونَ فِي الْمَدِينَةِ لَنُغْرِيَنَّكَ بِهِمْ ثُمَّ لَا يُجَاوِرُونَكَ فِيهَا إِلَّا قَلِيلًا * مَلْعُونِينَ أَيْنَمَا ثُقِفُوا أُخِذُوا وَقُتِّلُوا تَقْتِيلًا * سُنَّةَ اللَّهِ فِي الَّذِينَ خَلَوْا مِنْ قَبْلُ وَلَنْ تَجِدَ لِسُنَّةِ اللَّهِ تَبْدِيلًا﴾

«Қасамки, агар мунофиқлар, дилларида мараз бўлган кимсалар ва Мадинада миш-миш тарқатиб юрувчилар (ўз қилмишларидан) тўхтамасалар, албатта Биз сизни уларга қарши оёқлантирурмиз, сўнгра улар сиз билан бирга тура олмай қолурлар, магар лаънатга дучор бўлган ҳолларида озгина (вақт тура олурлар, холос). (У пайтда) улар қаерда топилсалар ушланурлар ва ўлдириб ташланурлар. (Бу) илгари ўтган зотлар ҳақидаги Аллоҳнинг йўли-қонунидир. Аллоҳнинг йўлини эса ҳаргиз ўзгартира олмассиз»                                                                             [Аҳзоб 60-62]

Роя газетасининг 2018 йил 31 январ чоршанба кунги 167-сонидан