بسم الله الرحمن الرحيم

Роя газетаси:

Шом қўзғолони Эрдўған устидаги қорларни эритиб, унинг Америкага малайлигини исботлади

Муҳандис Комил Ҳивроний қаламига мансуб

Бу ҳақиқатни Шомда каттаю кичикдан, ҳатто болалардан ҳам эшитасиз. Агар бугун Шом қишлоқлари кўчасига чиқсангиз битта гапни эшитасиз, у ҳам бўлса Идлиб ва Ҳалаб ҳақида, Эрдўғаннинг алдови, ерларни топшириб юбориши, Шом қўзғолонига хиёнат қилиши ҳақида эшитасиз. Шунингдек одамлар Эрдўғаннинг хоин, жиноятчи ва малай режимини лаънатлаётгани ва сўкишаётганини эшитасиз.

Шом аҳли ерларни топшириб юбориш масаласида сиёсий таҳлилга муҳтож эмас. Яъни ҳодисаларни сиёсий таҳлил қоидаларига боғлайдиган, ишларни ҳақиқатини очадиган, воқени тиниқлаштириб берадиган ва Эрдўғаннинг хиёнатини исботлайдиган сиёсий таҳлилга муҳтож эмас. Чунки Эрдўғаннинг пардаси очилиб, унинг ҳақиқати кундек равшан бўлиб қолган…

Жиноятчи режим қисқа вақтда ва тез суратда Идлиб ва Ҳалаб атрофидаги қишлоқларда пайдо бўлиб, уларни қийинчиликсиз қайтариб олмоқда. Ваҳоланки у заифлашиб, содиқ ва холис кишилар зарбаси қаршисида қулай деб қолган эди.

Агар хоҳласангиз бу қишлоқ аҳолиси сизга Эрдўған ва у ерларни режимга топшириб юбораётгани ҳақида ҳикоя айтиб беради. Улардан яқинда ғам-ғусса ва кўз ёшларга тўла ҳамда Эрдўған ва унинг жиноятчи шерикларига нисбатан лаънатларга тўла ҳикояларни эшитасиз.

Бу каби ҳикояларни нафақат шимол, балки бошқа жойларда қишлоқларда ҳам эшитасиз. Агар жануб томон, яъни Диръага борсангиз у ернинг аҳолиси сизга «Эрдўған Россия ва Эрон қила олмаган ишни амалга оширди, у юртни бекорга сотиб юборди» деб ёзилган эълон тахтасини кўрсатишади.

Яна ҳам кўпроқ маълумот олишни истасангиз, улар сизга Остона-8 конференцияси бандлари ижро этилаётгани, Сикка шаҳри шарқини топшириш босқичлари ҳақида, Сикка билан Утустурод ўртасидаги қуролсиз минтақа ҳақида ва Эрдўған туфайли Идлибни қора кунлар кутиб тургани ҳақида айтиб беришади. Шунингдек тил бириктирув Путин Японияга ташриф буюриб, Эрдўған билан Ҳалабни топширишга келишиб олгани ҳақида баёнот берган кунда эмас, Эрдўған мужоҳидларни Идлибда йиғишга ҳаракат қилган кундан бошланганини айтиб беришади.

Африн ҳақида айтадиган бўлсак, яқинда одамлар Африндаги «Зайтун новдаси» Жараблусдаги «Фурот қалқони»нинг ўзи эканини ва бу режимга топширишни хоҳлаётган минтақадан гуруҳларни чиқариш учун Эрдўған қўллаётган услуб эканини айтиб беради. Шунингдек Эрдўған гуруҳларга режимдан кўра курдларни хатарлироқ қилиб кўрсатаётгани, режим билан жанг қилишдан кўра курдлар билан жанг қилиш афзал деб тушунтираётгани, натижада гуруҳ етакчилари унинг ортидан эргашаётгани ва Эрдўғаннинг ифлос сиёсий пуллари уларни унга қарши чиқишдан тўсаётгани ҳақида айтиб беришади.

Шом аҳли Эрдўғаннинг кимлигини билиш учун Идлиб ва Ҳалабда мана шундай улкан тўлов тўлашлари шартмиди? Ёки уларда бунинг бошқа йўли бормиди?

Ҳақиқат шуки, ҳар қандай қавм агар уларнинг ичида ёлғон гапирмайдиган рошид етакчиси бўлмаса, шу каби улкан тўловларни тўлашга нишон бўлиб қолади… Агар уларнинг рошид етакчиси бўлиб, улар унга қулоқ солсалар ва ундан ўргансалар ҳамда ўрганган нарсаларига амал қилсалар барчалари нажот топадилар.

Шом аҳли қўзғолон бошлангандан бери қўллаб-қувватлаётган давлатларнинг ёрдами хатарли эканини ва Эрдўғаннинг режими хатарли экани ҳақидаги тўғри фикрни эшитишди. Шунингдек улар Женева-1 конференциясидан тортиб Остона-8 конференциясигача барчаси хатарли экани, уларнинг барчаси муваффақиятсизликка юз тутгани ҳамда ерларни режимга топшириш бандларини ўз ичига олган Остона-8 конференцияси энг хатарлиси экани ҳақидаги тўғри фикрни эшитишди. Суриядаги Ҳизб ут-Таҳрир Шом аҳлини бу конференциянинг хатарига эътибор беришлари ва уни муваффақиятсизликка учратишга ҳаракат қилишлари учун аксар минтақаларда оммавий намойишлар ўтказди. Шунингдек бу конференцияга қарши раъйи омни пайдо қилиш учун жар солди ва ҳаракат қилди. Сўнг шу ҳақида гуруҳ етакчиларига очиқ хат йўллаб, уларни Эрдўған воситасида Идлибга қарши тўқилаётган катта хатардан огоҳлантирди. Шунингдек таниқли кишилар билан бирга гуруҳ етакчиларига бориб, уларни масъулиятни ҳис қилишлари, ишлар воқесини англашлари ва Эрдўған тузоғига тушиб қолмасликлари ҳақида тушунтирди.

Бугун Шом аҳлининг зеҳнига мустаҳкам ўрнашган ҳақиқат шуки, улар мустамлакачи юртимиздан чиқиб кетмагани ва ўз нуфузини сақлаб турганини англаб етди. Яна улар мустамлакачи малай мусулмон ҳокимлар орқали ифлос пуллар ва ёрдамлар билан таъсир ўтказаётганини билди. Шунингдек мустамлакачи етакчи ва сиёсатчиларни сотиб олаётгани, улар арзимаган доллар ва ёлғон ваъдалар эвазига ўз халқига қарши тил бириктираётгани ва унинг садоқат ботқоғига ботсалар ундан осонликча чиқиб кета олмасликларини ҳамда қўллаб-қувватлашдан мақсад мана шу эканини англаб етди.

Эй Шом аҳли, сиз чиққан кема нажот топиши учун мустамлака нуфузидан озод бўлишингиз ҳамда у билан ва бошқа режимлар, хусусан Эрдўған режими билан барча алоқаларни узишингиз вожиб. Чунки режимни барча рамз ва асослари билан қулатиш ҳамда Пайғамбарлик минҳожи асосидаги рошид Халифаликни тиклашдек мақсадга эришиш учун мустамлакачи давлатлар ва уларга тобе режимлар билан алоқани узиш лозим. Шунингдек уларнинг ёрдами ва ифлос сиёсий пулларини рад этишингиз вожиб. Чунки айнан мана шу ифлос сиёсий пуллар уларни тўғри йўлдан урди.

Гуруҳ етакчиларига сўнгги айтар сўзимиз шуки, ё мунофиқлик лагеридан чиқиб, халқингиз лагери бўлмиш имон лагерига қўшилинг, ёки халқингиз сизни улоқтириб, ўрнингизга бошқа холис кишиларни тиклашини кутинг.

Роя газетасининг 2018 йил 7 феврал чоршанба кунги 168-сонидан