Роя газетаси:

Пайғамбарлик минҳожи асосидаги рошид Халифаликнинг йўқлиги пайтида: Мусулмонлар ўз юртларида оч-наҳор, қўрқувда ва сарсон-саргардон… хасислар дастурхонига мўлтираган етимлар каби бўлиб қолди

БМТ: ироқликларнинг учдан бири шошилинч ёрдамга муҳтож

БМТ билан Ироқ ҳукумати халқаро ҳамжамиятдан Ироқда тобора мураккаблашиб бораётган гуманитар инқирозни енгиш учун 861 миллион доллар йиғиб беришни сўраяпти. Халқаро ташкилотлар чиқарган баёнотга кўра, Ироқда ўн миллион шахс инсонпарварлик ёрдамига ғоят муҳтож бўлиб, бу аҳолининг учдан бирини ташкил қилади. Уларнинг 3.3 миллиони 2014 йил бошидан бери ўз юртларини ташлаб чиққан қочқинлардир. Баёнотда 250 минг суриялик ўз юртларидаги жангдан қочиб Ироққа ўтгани айтилади. БМТнинг Ироқ миссиясидаги инсонпарварлик масалалари мувофиқлаштирувчиси Лиз Гранде хоним айни миссия «бу маблағни Ироқдаги энг қийналган 7.3 миллион шахсга ёрдам кўрсатиш учун», сўраётганини билдирди. Бағдодда берган матбуот анжуманида Лиз Гранде «Бирламчи вазифамиз, энг оғир вазиятни бошдан кечираётган одамларга етиб бориб, уларни озиқ-овқат, маблағ, турар жой ва ичимлик суви каби тирик қолиш учун зарурий нарсалар билан таъминлашдир», дея қўшимча қилди. «Ал-Жазира нет».

Роя газетасининг 2016 йил 3 феврал чоршанба кунги 63-сонидан