بِسْمِ اللهِ الرَّحْمٰنِ الرَّحِيم

Роя газетаси:

Америка Россияга жорий қилинган санкциялар муддатини – унинг Сурияда шунча хизматлар кўрсатишига қарамай – яна бир йилга узайтирди

Ҳижрий 1439 йил 15 жумодус-соний, милодий 2018 йил 3 март жума куни Лондонда чиқадиган «Ҳаёт» газетаси нашр қилган хабарда бундай дейилади:

«Бугун шанба куни Кремль АҚШнинг Россияга қарши санкциялари муддатини узайтирганини қоралади ва буни «ноқонуний ва таҳқирловчи», дея атади. Бу воқеа Россия президенти Владимир Путин томонидан АҚШнинг ракеталарга қарши мудофаа тизимига чап беришга қодир қуролларни эълон қилиши ортидан бўлиб ўтди.

Россиянинг «Интерфакс» агентлиги хабарига кўра, Кремль матбуот воизи Дмитрий Песков «биз ҳеч қачон бу санкцияларнинг сабабчиси бўлмаганмиз. Буни нафақат икки давлат халқлари, балки бутун дунё учун ноқонуний ва зарарли, дея ҳисоблаймиз», деди.

Маълумки, Қўшма Штатларнинг Россияга қарши санкциялари Россиянинг 2014 йилда Қрим ярим оролини аннекция қилиши ҳамда Киев кучлари билан Украина шарқидаги россияпараст сепаратистлар ўртасида низо келиб чиқиши ортидан жорий қилинган.

Кеча АҚШ президенти Дональд Трамп томонидан айни санкция бир йилга узайтирилди.

АҚШнинг айни қарори Путиннинг парламент олдида жиддий оҳангда берган баёнотининг эртаси куни чиқди. Унинг баёноти АҚШнинг ракеталарга қарши мудофаа тизимига чап беришга қодир янги турдаги «енгилмас» қуроллар тўғрисида бўлган эди.

Путиннинг «ҳеч кимга таҳдид қилмаслиги»ни кўп таъкидлаб келишига қарамай, айни баёноти икки катта давлат ўртасида яна қурол пойгаси бошланиши мумкинлиги борасида хавотирларни пайдо қилди. Шундоқ ҳам Сурия ва Украина борасидаги келишмовчиликларнинг давом этаётгани ҳамда Россияга 2016 йилдаги Америка сайловларига аралашганлик айбловлари қўйилаётгани сабабли бугун улар ўртасидаги муносабат таранг ҳолатда».

Роя газетаси шарҳи:

Путин – АҚШ билан тузган ўзининг Сурия борасидаги ифлос жиноий келишуви натижасида санкциялар олиб ташланади, деб ўйлаяпти. Бу унинг сиёсий жиҳатдан калтафаҳмлигидир. Чунки ушбу келишув Россиянинг Америка манфаатларига хизмат қилаётгани сабабли фақат Сурия мавзусига чекланиб қолади, бошқа мавзуларга ўтиши мажбурий эмас. Зеро, капиталистик системага асосланган давлатлар ҳеч қандай қадриятларни тан олмайди. Улар учун манфаат ва бошқалар хизматидан фойдаланиш бўлса, бас. Шунинг учун ҳам кучли капиталистик давлатлар заифроқ капиталистик давлатлар устидан ҳукмрон бўлишга ҳаракат қилади. Йирик капиталистик давлатларга келсак, ҳукмронлик уларнинг орасида кучли давлатга бўлиб қолаверади. Бу давлатнинг бошқа капиталистик давлатлар билан бўлган муносабатлари­келишувлари, уларни ўз манфаати йўлида ишлатишга асосланади, ўзига рақиб бўлиб қолишларига эмас. Шунинг учун Путин Сурия масаласида АҚШга хизмат қилиш, унинг манфаатларини рўёбга чиқариш ва у юклаган ифлос ролларни ижро этиш билан сиёсий калтафаҳмлигича қолади. У Америка олдида хорланишдан бошқа нарсага эришмайди ва охири бориб, Суриядан ҳеч нарсага эришмай, қуруқ қўл билан чиқади.

Аллоҳим, золимларни золимлар қўли билан ургин, холис бандаларингни улар қўлидан саломат чиқаргин.

Роя газетасининг 2018 йил 7 март чоршанба кунги 172-сонидан