Ғута болалари, халқаро ташкилотлар жадвалида ортиб бораётган рақамлар
بِسْـــمِ اللهِ الرَّحْمٰـــنِ الرَّحِيـــم
Матбуот баёноти
Ғута болалари, халқаро ташкилотлар жадвалида ортиб бораётган рақамлар
Россия авиацияси билан қўллаб-қувватланган Сурия режими кучлари Шарқий Ғутани учта асосий жанг майдонига бўлиб олиб, 18 февралдан буён у ерда шиддатли ҳужумларини амалга ошириб келмоқда. Бунинг натижасида пойтахт Дамашқ яқинидаги минтақа майдонининг 80 %дан кўпроғини ўз назоратига олишга эришди. Зеро, бу минтақа 2012 йилдан буён мухолафатчи гуруҳларнинг асосий таянч нуқтаси бўлиб келаётган эди.
Суриядаги инсон ҳуқуқлари обсерваториясининг билдиришича, ўтган сешанба ярим тундан кейин Шарқий Ғутанинг Арбин шаҳрига қарши ҳарбий учоқларнинг шиддатли ҳужуми ва ракета ҳужумлари амалга оширилган. Бу ҳужумларда 20 нафар тинч фуқаро ҳалок бўлиб, ўнлаб фуқаро яраланди. Ҳалок бўлганларнинг 16 нафари ёш бола, 4 нафари аёллардир. Яраланганларнинг барчаси аёллар ва ёш болаларни ташкил қилади. Улар тасодифий ҳаво ҳужумидан қочиб, юзлаб кишининг паноҳ жойига айланган мактаб ертўласида ҳимояланишган эди. Чунки ҳужумлар уларнинг бундай фожиали аҳволига парво қилмай шафқатсизларча амалга оширилмоқда.
Арбин шаҳридаги инсон ҳуқуқлари идораси март ойи давомида Шарқий Ғутанинг шаҳар ва қишлоқлари гувоҳ бўлган ҳарбий ҳужумлар давомида 98 нафар тинч фуқаро ҳалок бўлганини ҳужжатлаштирди. Зеро, ярим соат ичида ўнта портловчи бочка ташлангани қайд этилган.
Суриядаги инсон ҳуқуқлари обсерваториясига кўра, ҳарбий вазият кескин тус олганидан бери 1450 нафар тинч фуқаро ўлдирилган ва уларнинг орасида тахминан 300 нафар ёш бола бор. БМТ болалар жамғармаси ЮНИСЕФнинг билдиришича, 2017 йили ҳалок бўлган болалар сони ўтган йилларга солиштирганда икки баробар кўп бўлди. Сурияда қўзғолон бошланганидан буён ҳалок бўлган болалар сони йилдан йилга ортмоқда. Халқаро ташкилотлар эса, ҳалок бўлганларни фақат рақам сифатида қайд этишдан бошқа нарсага ярамайди. Инсонийлик, раҳм-шафқат, деган нарсалар уларга мутлақо ёт.
Саудия оиласи ҳукмдорлари Ҳусийларга қарши жанг қилиш ва Эроннинг минтақага ҳужум қилишига тўсиқ қўйиш баҳонасида ҳарбий битимларни имзолаб миллионлаган долларларга қуролларни сотиб олишаётган бир пайтда, Арбин шаҳри Шарқий Ғутанинг бошқа шаҳарлари каби фожиали вазиятга дуч келмоқда. Шунингдек, Туркия ҳокимининг Суриядаги Зайтун новдаси амалиётини Ироқ ҳудудларигача чўзилган курдлар назоратидаги бошқа минтақаларгача кенгайтиришга ваъда бераётганини ҳам кўриб турибмиз.
Эй Ғутадаги диндош биродарлар, сизларнинг жафо чеккан шаҳрингиз Эрдоган миллий хавфсизлигини ҳимоя қилиш учун ўз олдига мақсад қилиб қўйган демографик харитага тушмаганидан ачинмоқдамиз. Яна бир ачинарли ҳол шуки, Саудия оиласи ҳукмдорлари хўжайинлари Америкага хизмат кўрсатиш учун Ямандаги урушга ҳарбий кучларини сафарбар қилмоқда ва бу кучларини турли оғир қуроллар билан қуроллантирмоқда.
Эй мусулмонлар шуни билингки, озодликка эришиш ва зулмни бартараф этишнинг биринчи қадами юртларни анави ҳокимлардан озод қилишдан бошланади. Ўшанда босиб олинган ва бошқа юртлар ҳамда армияда гавдаланган кучларингиз озод бўлади. Сизларни шу армия ҳимоя қилиб, ор номусингиз ва болаларингиз ҳаётини ҳимоя қилишда ўз ролини адо этади.
Биз ўз хитобимизни ўша армияларга йўллаймиз ва уларни азизликка, нажотга ҳамда Умматни халос этишга чақирамиз. Уларга шундай хитоб йўллаймиз: Динингиз лойиҳасига ёрдам кўрсатиш учун ҳокимларингизни ағдаринг. Билингки, бу малай ҳокимларга итоат қилишингиз ҳамда Фаластин, Шом, Афғонистон, Бирма ва булардан бошқа юртларда мусулмонлар учраган зулмларга сукут сақлаб туришигиз оғир гуноҳдир. Аллоҳ Таоло айтади:
﴿وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ﴾
«Агар улар дин йўлида сизлардан ёрдам сўрасалар, ёрдам қилиш зиммангиздадир» [Анфол 72]
Ҳизб ут-Таҳрирнинг марказий матбуот
бўлими аёллар қисми
телефон-факс: 00961 1 30 75 94
уяли телефон: 00961 71 72 40 43
электрон почта: ws-cmo@hizb-ut-tahrir.info
