بِسْمِ اللهِ الرَّ حْمَنِ الرَّ حِيمِ

Роя газетаси:

Ҳизб ут-Таҳрир – муборак Фаластин замини: Яҳудийлар жиноятини тўхтатиш учун армияларни сафарбар қилиш лозим

Ҳизб ут-Таҳрир – муборак Фаластин замини шуни таъкидладики, яҳуд вужудининг Хон Юнус шаҳри шарқида содир этган даҳшатли жиноятлари ҳамда Ғазо секторига ёғдирган бомбалари унинг нақадар ваҳший ва мутакаббир эканини кўрсатиб турибди.

Бу сўзлар Ҳизб ут-Таҳрир – муборак Фаластин замини матбуот бўлими аъзоси устоз Холид Саид берган баёнотда келди. Устознинг таъкидлашича, сонлари ва қурол-яроғлари озлигига қарамай, Ғазо аҳлининг ҳар доимгидек сабот ва матонат кўрсатиши яҳуд вужудининг заифлигини, ҳақиқий жанг олиб боришга бутунлай яроқсизлигини намоён қилди. Бу эса, Ғазо ва унинг аҳлини қизғанишини ҳамда улардан озорни даф қилишга ва яҳудийлар жиноятларини тўхтатишга интилишини даъво қилаётган ҳар бир инсон учун йўлланган бир номадир. Бу номада яҳудийлар жиноятини тўхтатиш армияларни ҳаракатга келтириш билан ҳамда Уммат қўлидаги бор имконият шу босқинчиларга қарши ишлатилиб, муборак Фаластин заминини тўлалигича озод этиш билан амалга ошиши таъкидланмоқда.

Устоз Саид яна бундай деди: Миср ва Қатар сингари давлатлар томонидан амалга оширилаётган воситачилик қилиш, ўзни босишга чақириш ҳамда тинчлик келишувларини мустаҳкамлаш каби ҳаракатлар яҳудийлар фойдасига хизмат кўрсатиш ҳаракатлари бўлиб, Ғазо аҳли ва уларнинг қурбонликларига нисбатан хиёнатдир.

Устоз қаршилик ҳаракатларига мурожаат қилиб, бундай режимларга қулоқ солиш ва орқа қилишдан уларни огоҳлантирди. Шунингдек, айни режимлар билан қилинган ҳар қандай алоқа фойда ва самара келтирмаслигини, билъакс ёмонлик ва фитна келтиришини уларга насиҳат қилди. Устоз қаршилик ҳаракатидагиларни бундай режимларни депсаб ташлаб, Уммат бағрига қайтишга даъват қилди. Зеро, Уммат Аллоҳдан Фаластин аҳлига кечаю кундуз нусрат сўраб дуо қилмоқда ҳамда мусулмон қўшинларнинг ушбу муборак замин сари ҳаракатга келиб, Ғазони, бутун Фаластинни озод этишини ва Ақсони нажас яҳудийлардан поклашини муштоқ бўлиб кутиб турибди.

Роя газетасининг 2018 йил 21 ноябр чоршанба кунги 209-сонидан